11-Jan-2021

ଭୁବନେଶ୍ୱର,(ଶୁଭାଶିଷ ନାୟକ):ବଦଳିଲା ନିୟମ , ଏପ୍ରିଲରୁ କର୍ମଚାରୀ କରିବେ ୧୨ ଘଣ୍ଟା କାର୍ଯ୍ୟ ।OSCH କୋଡ ଡ୍ରାଫ୍ଟ ନିୟମରେ  ମଧ୍ୟ ୧୫ ରୁ ୩୦ ମିନିଟ ମଧ୍ୟରେ ସର୍ବାଧିକ କାର୍ଯ୍ୟକୁ ମଧ୍ୟ ୩୦ ମିନିଟ ଗଣନା କରି ଓଭର ଟାଇମରେ ସାମିଲ କରିବାର ନିୟମ ରହିଛି ।

ଚଳିତ ବର୍ଷ ଏପ୍ରିଲ ୧ ରୁ କର୍ମଚାରୀଙ୍କ ଗ୍ରାଚ୍ୟୁଇଟି, ପିଏଫ(PF) ଓ କାର୍ଯ୍ୟ ସମୟ ମଧ୍ୟରେ ବଡ଼ ଧରଣର ପରିବର୍ତ୍ତନ ହୋଇପାରେ । କର୍ମଚାରୀମାନଙ୍କ ଗ୍ରାଚ୍ୟୁଇଟି ଓ ପ୍ରୋଭିଡେଣ୍ଟ୍ ଫଣ୍ଡ (PF) ଆଇଟମରେ ବଡଧରଣର ବୃଦ୍ଧି ହେବ । ଏହି ସମୟରେ ଟେକ୍ ହୋମ ସାଲାରି ହ୍ରାସ ପାଇବ । ଏପରିକି କମ୍ପାନୀର ବାଲାନ୍ସ ସିଟ ମଧ୍ୟ ପ୍ରଭାବିତ ହୋଇପାରେ । ଏହାର କାରଣ ହେଉଛି ଗତ ବର୍ଷ ସଂସଦରେ ପାରିତ ହୋଇଥିବା ତିନୋଟି ମଜୁରୀ କୋଡ ବିଲ ( code of wage bill) । ଏହି ବିଲ ଚଳିତ ବର୍ଷ ଏପ୍ରିଲ ୧ରୁ ଲାଗୁ ହେବାର ସମ୍ଭାବନା ରହିଛି ।

   ମଜୁରୀର ନୂତନ ସଂଜ୍ଞା ଅନୁଯାୟୀ ଭତ୍ତା ମୋଟ ବେତନର ସର୍ବାଧିକ ୫୦ ପ୍ରତିଶତ ହେବ । ଏହାର ଅର୍ଥ ହେଉଛି ଏପ୍ରିଲରୁ ମୂଳ ବେତନ ମୋଟ ବେତନର ୫୦ ପ୍ରତିଶତ କିମ୍ବା ତା ଠାରୁ ଅଧିକା ହେବା ଉଚିତ୍ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଦେଶରେ ୭୩ ବର୍ଷର ଇତିହାସରେ ପ୍ରଥମ ଥର ପାଇଁ ଏହି ଉପାୟରେ ଶ୍ରମ ଆଇନରେ ପରିବର୍ତ୍ତନ କରାଯାଉଛି । ସରକାର ଏହା ଦାବି କରିଛନ୍ତି ଯେ, ଉଭୟ ନିଯୁକ୍ତିଦାତା ଓ ଶ୍ରମିକଙ୍କ ପାଇଁ ଲାଭଦାୟକ ପ୍ରମାଣିତ ହେବ ।

   ଏହି ନିୟମ ଅନୁସାରେ ଦରମା ହ୍ରାସ ପାଇବ ଓ PF ବୃଦ୍ଧି ପାଇବ । ନୂତନ ଡ୍ରାଫ୍ଟ ନିୟମ ଅନୁଯାୟୀ ,ମୌଳିକ ଦରମା ମୋଟ ବେତନର ୫୦ ପ୍ରତିଶତ କିମ୍ବା ଅଧିକ ହେବା ଉଚିତ୍ । ଏଥିଯୋଗୁଁ  ଅଧିକାଂଶ କର୍ମଚାରୀଙ୍କ ବେତନ ସଂରଚନା ପରିବର୍ତ୍ତନ ହେବ, କାରଣ ବେତନର ଅଣ- ଭତ୍ତା ଅଂଶ ସାଧାରଣତଃ ମୋଟ ବେତନର ୫୦%ରୁ କମ ଅଟେ । ଏଥି ସହିତ ମୋଟ ବେତନରେ ଭତ୍ତାରେ ଅଂଶ ଅଧିକ ହୋଇଯାଏ । ମୌଳିକ ଦରମା ବୃଦ୍ଧି ଦ୍ଵାରା PF  ବୃଦ୍ଧି ହେବ , ଯାହାର ଅର୍ଥ ହେଉଛି ଟେକ୍ - ହୋମ କିମ୍ବା ଅନ ହ୍ୟାଣ୍ଡ ପେରେ ଦରମା ହ୍ରାସ ହେବ ।

  ଗ୍ରାଚ୍ୟୁଇଟି ଏବଂ PF ର ଆବେଦନରେ ବୃଦ୍ଧି ଯୋଗୁଁ ଅବସର ପରେ ମିଳୁଥିବା ରାଶିରେ ବୃଦ୍ଧି ହେବ । ତେଣୁ ଉଚ୍ଚ ବେତନ ପ୍ରାପ୍ତ ଅଧିକାରୀଙ୍କ ବେତନ ସରଂଚନା ସର୍ବାଧିକ ପରିବର୍ତ୍ତନ ହେବା ସହ ଏମାନେ ଅଧିକ ପ୍ରଭାବିତ ହେବେ । PF ଓ ଗ୍ରାଚ୍ୟୁଇଟି ବୃଦ୍ଧି ହେବା ଦ୍ୱାରା କମ୍ପାନୀ ଗୁଡ଼ିକର ମୂଲ୍ୟ ମଧ୍ୟ ବୃଦ୍ଧି ପାଇବ । କାରଣ ସେମାନଙ୍କୁ ମଧ୍ୟ କର୍ମଚାରୀଙ୍କ ପାଇଁ PF ରେ ଅଧିକ ଅବଦାନ ଦେବାକୁ ପଡ଼ିବ । କମ୍ପାନୀ ଗୁଡ଼ିକର ବାଲାନ୍ସ ସିଟ ମଧ୍ୟ ଏହି କାରଣରୁ ପ୍ରଭାବିତ ହେବ ।

  ନୂତନ ଡ୍ରାଫ୍ଟ ଆଇନ ସର୍ବାଧିକ କାର୍ଯ୍ୟ ସମୟକୁ ୧୨ଘଣ୍ଟା ବୃଦ୍ଧି କରିବାକୁ ପ୍ରସ୍ତାବ ଦେଇଛି । OSCH କୋଡ ଡ୍ରାଫ୍ଟ ନିୟମରେ  ମଧ୍ୟ ୧୫ ରୁ ୩୦ ମିନିଟ ମଧ୍ୟରେ ସର୍ବାଧିକ କାର୍ଯ୍ୟକୁ ମଧ୍ୟ ୩୦ ମିନିଟ ଗଣନା କରି ଓଭର ଟାଇମରେ ସାମିଲ କରିବାର ନିୟମ ରହିଛି ।  ପ୍ରଚଳିତ ନିୟମରେ ୩୦ ମିନିଟରୁ କମ୍ ସମୟରେ ଓଭର୍ ଟାଇମ ଯୋଗ୍ୟ ବିବେଚିତ ହେବ ନାହିଁ। ଡ୍ରାଫ୍ଟ ନିୟମ ଅନୁସାରେ କୌଣସି କର୍ମଚାରୀଙ୍କୁ ୫ ଘଣ୍ଟାରୁ ଅଧିକ ସମୟ ପାଇଁ ନିରନ୍ତର କାର୍ଯ୍ୟ କରିବାକୁ ବାରଣ କରାଯାଇଛି । କର୍ମଚାରୀ ମାନଙ୍କୁ ପ୍ରତି ୫ ଘଣ୍ଟା ପରେ ଅଧଘଣ୍ଟା ବିଶ୍ରାମ ଦେବା ପାଇଁ ନିର୍ଦ୍ଦେଶାନାମା ମଧ୍ୟ ଡ୍ରାଫ୍ଟ ନିୟମରେ ଅନ୍ତର୍ଭୁକ୍ତ କରାଯାଇଛି।