11-Jan-2021

 ପାଟଣାଗଡ଼ (ଗୋରେଖନାଥ ବରିହା)ବେଳପଡା ବ୍ଲକ ନୂନହାଡ଼ ଗ୍ରା:ପ: ଅନ୍ତର୍ଗତ ଚାଚେରବେଙ୍ଗ ଠାରେ ଚାଚେରବେଙ୍ଗ କ୍ରିକେଟ କ୍ଲବ ଆନୁକୂଲ୍ୟରେ ଚତୁର୍ଥ ଦିବସୀୟ କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ସମୁଦାୟ ୧୬ଟି ଦଳ ଅଂଶଗ୍ରହଣ କରିଛନ୍ତି  । ଆଜି ଦ୍ଵିତୀୟ ଦିବସରେ ମୁଖ୍ୟ ଅତିଥି ଭାବରେ ଶ୍ରୀ ବନମାଳୀ ନାଏକ ,ଯୁବ ସଭାପତି କୋଶଲ ରାଜ୍ୟ ସଂମନ୍ଵୟ ସମିତି ,ସମ୍ମାନିତ ଅତିଥି ଶ୍ରୀ ଗିରିଧାରୀ ଭୋଇ, ଯୁବ ସଭାପତି ଜିଲ୍ଲା ଆଦିବାସୀ କଲ୍ୟାଣ ସଂଘ ,ଶ୍ରୀ ଦିନେଶ କୁମାର ଦୀପ ପଞ୍ଚାୟତ ନିର୍ବାହୀ ଅଧିକାରୀ ନୂନହାଡ଼ ଗ୍ରା:ପ: ,ଶ୍ରୀ ସନ୍ୟାସୀ ନାଏକ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଆଜିର ଲିଗ ମ୍ୟାଚ ରେ ବେଳପଡା ବିପକ୍ଷରେ ଭରୁଆପାଲି ମ୍ୟାଚ ଖେଳି ବେଳପଡା ଦଳ ବିଜୟୀ ହୋଇଥିଲେ । ସେହିପରି ଚାଚେରବେଙ୍ଗ ବିପକ୍ଷରେ ଫୁଲକାନି ଦଳ ମ୍ୟାଚ ଖେଳି ଚାଚେରବେଙ୍ଗ ବିଜୟୀ ହୋଇଥିଲେ । ପରବର୍ତ୍ତୀ କ୍ୱାଟର ମ୍ୟାଚ ରେ ବେଳପଡା ବିପକ୍ଷରେ ଚାଚେରବେଙ୍ଗ ମଧ୍ୟରେ ଖେଳ ଅନୁଷ୍ଠିତ ହୋଇ ବେଳପଡା  ଦଳ ବିଜୟୀ ହୋଇ ଆସନ୍ତା କାଲି ସେମି ଫାଇନାଲ କୁ ପ୍ରବେଶ କରିଛନ୍ତି । ଆଜିର ଖେଳକୁ ରାଜ୍ୟ ପୁରସ୍କାର ପ୍ରାପ୍ତ ଅମ୍ପାୟାର ଦିଲୀପ କୁମାର ଯାଦବ ଓ କିଶୋର ସୁନା ପରିଚାଳନା କରିଥିବାବେଳେ ସ୍କୋରର ଭାବେ ବୈକୁଣ୍ଠ ନାଗ ଦାୟିତ୍ୱ ତୁଲାଇଥିଲେ ଓ  ମନୋଜ ମେହେର ଓ ବଳଭଦ୍ର ତାଣ୍ଡି ଧାରବିବାରଣୀ ପ୍ରଦାନ କରିଥିଲେ । କମିଟିର ସଭାପତି ପ୍ରକାଶ ନାଏକ ,ଉପସଭାପତି କାଁନ୍ହୁ ପୁଟେଲ ,ମେନେଜର ଜ୍ଞାନେଦ୍ର ସାହୁ ସହ ଆଜାଦ ସାହୁ, ବାବୁଲୁ ସାହୁ, ବିରେନ କାଳସାଏ, ବିନୋଦ ଠେଟୁଆଲ, ମଣ୍ଟୁ ପୁଟେଲ ,ଆଲୋକ ସାହୁ, ସନାତନ ଠେଟୁଆଲ, ଦୀପକ ମଳିକ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ଖେଳପଡ଼ିଆ ର ଚତୁର୍ପାର୍ଶ୍ଵ ରେ ହଜାର ସଂଖ୍ୟାରେ ଦର୍ଶକ ଯୋଗଦେଇ ଖେଳାଳି ମାନଙ୍କୁ କରତାଲି ଦେଇ ଉତ୍ସାହିତ କରିଥିଲେ ।