26-Dec-2024

ଲୋଇସିଂହା, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଲୋଇସିଂହା ନିର୍ବାଚନ ମଣ୍ଡଳୀ ତଥା ଲୋଇସିଂହା ବ୍ଲକ ଅନ୍ତର୍ଗତ ଝାରମୁଣ୍ଡା ଠାରେ ବିଜେଡ଼ି ର ୨୮ ତମ ପ୍ରତିଷ୍ଠା ଦିବସ ପାଳିତ ହୋଇ ଯାଇଛି l ଲୋଇସିଂହା ବ୍ଲକ୍ ସଭାପତି ଶ୍ରୀ ହୃଦାନନ୍ଦ ବେହେରା ଙ୍କ ସଭାପତିତ୍ବ ରେ ଅନୁଷ୍ଠିତ ଉକ୍ତ ପ୍ରତିଷ୍ଠା ଦିବସ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ଲୋଇସିଂହା ନିର୍ବାଚନ ମଣ୍ଡଳୀ ବିଜେଡ଼ି ପ୍ରାର୍ଥୀ ଶ୍ରୀ ନିହାର ରଞ୍ଜନ ବେହେରା ଯୋଗ ଦେଇଥିଲେ l ତା ସହିତ ଲୋଇସିଂହା ବ୍ଲକ୍ ବିଜେଡ଼ି ସଭାପତି ଶ୍ରୀ ହୃଦାନନ୍ଦ ବେହେରା, ଆଗଲପୁର ବ୍ଲକ ବିଜେଡ଼ି ସଭାପତି ଶ୍ରୀ ପଞ୍ଚୁ ପଧାନ୍, ପୁଇନ୍ତଲା ବ୍ଲକ ଅଧ୍ୟକ୍ଷ ଶ୍ରୀ ସରୋଜ ପଧାନ୍ ଓ ପୁଇନ୍ତଳା ବ୍ଲକ ବିଜେଡ଼ି ବିଷ୍ଣୁ ପଟେଲ ଉପସ୍ଥିତ ଥିଲେ l ଏହାସହ ଆଗଲପୁର ବ୍ଲକ ଉପାଧ୍ୟକ୍ଷା ଶ୍ରୀମତୀ ନିରୁପମା ପଧାନ୍, ଲୋଇସିଂହା ଜୋନ 33 ର ଜିଲ୍ଲାପରିଷଦ ସଭ୍ୟା ଶ୍ରୀମତୀ ଲିଲିମା ବେହେରା, ଜୋନ 2 ର ଜିଲ୍ଲାପରିଷଦ ସଭ୍ୟା ଶ୍ରୀମତୀ ବୀଣାପାଣି ଦାସ, ଜିଲ୍ଲା ପରିଷଦ ସଭ୍ୟା ସଂଯୁକ୍ତା ବରିହା ଉପସ୍ଥିତ ଥିଲେ l

ଲୋଇସିଂହା ବ୍ଲକ୍ ର ବିଜେଡ଼ି ମହିଳା ସଭାନେତ୍ରୀ ଶ୍ରୀମତୀ ଜୋତ୍ସ୍ନାମୟୀ ନାଗ ମଧ୍ୟ ଯୋଗ ଦେଇଥିଲେ l ଆଗଲପୁର ବ୍ଲକ ବିଜେଡ଼ି ଯୁବ ସଭାପତି ଶ୍ରୀ ନାରାୟଣ ସାହୁ ଓ ଲୋଇସିଂହା ବ୍ଲକ୍ ଯୁବ ସଭାପତି ଶ୍ରୀ ପ୍ରକାଶ ମହାରଣା, ବିଜେଡି ଛାତ୍ର ଉପ ସଭାପତି ତିବଳୁ କଦମ ଯୋଗ ଦେଇଥିଲେ l ବିଭିନ୍ନ ପଂଚାୟତ ର ସରପଞ୍ଚ ଓ ସମିତି ସଭ୍ୟ ମାନେ ମଧ୍ୟ ଯୋଗ ଦେଇଥିଲେ l ଏହାସହ ଶତାଧିକ ସଂଖ୍ୟାରେ ବିଜେଡ଼ି କର୍ମୀ ମାନେ ଯୋଗ ଦେଇ ପ୍ରତିଷ୍ଠା ଦିବସ ରେ ସାମିଲ ହୋଇଥିଲେ l ଶେଷରେ ଝାରମୁଣ୍ଡା ଏଥେଲେଟିକ ଆସୋସିଏସନ୍ ସଭାପତି ଶ୍ରୀ ଶ୍ୟାମସୁନ୍ଦର୍ ମେହେର ଧନ୍ୟବାଦ୍ ଅର୍ପଣ କରିଥିଲେ l ଆଗକୁ ଦଳ କିପରି ଆହୁରି ମଜବୁତ୍ ହୋଇ ଦୃଢ଼ ସଂଗଠିତ ହୋଇ କିପରି ସୁଦୃଢ ହୋଇ ପାରିବ ସେ ବିଷୟରେ ସମସ୍ତ ଅତିଥି ମତାମତ ଦେଇଥିଲେ l