15-Dec-2024

ବଲାଙ୍ଗୀର(ପ୍ରେରଣା ଖବର)ପତିତପାବନ ଏକାଡେମୀ ୧୯୮୯ ମେଟ୍ରିକ ବ୍ୟାଚର ପୂରାତନ ଛାତ୍ର ମାନଙ୍କ ଏକ ବନ୍ଧୁ ମିଳନ କାର୍ଯ୍ୟକ୍ରମ ସ୍ଥାନୀୟ କଦଳୀ ମୁଣ୍ଡା ନର୍ସରୀ ଠାରେ ଅନୁଷ୍ଠିତ ହୋଇଯାଇଛି l ଏଥିରେ ପ୍ରାୟ ୮୦ ଜଣ ପୂରାତନ ଛାତ୍ର ଅଂଶଗ୍ରହଣ କରି ନିଜ ନିଜ ଭିତରେ ଭାବର ଆଦାନପ୍ରଦାନ କରିଥିଲେ l ପୁରୁଣା ଦିନର ସ୍କୁଲ ଜୀବନର ସ୍ମୃତିକୁ ମନେ ପକାଇଥିଲେ l ଏହି ଅବସରରେ ନେସନାଲ ପିସ୍

ୟୁନିସନ୍  ତତ୍ତ୍ଵାବଧାନରେ ତଥା ସୁରେନ୍ଦ୍ର ସାଏ ଦିବ୍ୟଜ୍ୟୋତି ଅଭିଯାନ ଆନୁକୂଲ୍ୟରେ ଏକ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଥିଲା l ଏଥିରେ ୧୯୮୯ ମେଟ୍ରିକ ବ୍ୟାଚର ବହୁ ପୂରାତନ ଛାତ୍ର ଆଖି ପରୀକ୍ଷା କରି ଚାଷମା ନେଇଥିଲେ l ପ୍ରଥମେ ଏହି ବ୍ୟାଚର ପୂରାତନ ଛାତ୍ର ଜିତେନ୍ଦ୍ର କୁମ୍ଭାର ଓ ନାରାୟଣ ଭୋଇଙ୍କ ବିୟୋଗରେ ଏକ ମିନିଟ୍ ନୀରବ ପ୍ରାର୍ଥନା କରାଯାଇଥିଲା l ପରେ ସଙ୍ଗୀତ, ଗୀତ ଓ ନାଚର ତାଳେ ତାଳେ ସମସ୍ତେ ଝୁମି ଥିଲେ l  ଗାୟକ ବୁବୁ ଉଦଗାତା, ସମ୍ବଲପୁର ରୁ ଆସିଥିବା ଷ୍ଟେଜ ଗାୟିକା ଓ କିଛି ପୂରାତନ ଛାତ୍ରଙ୍କ କଣ୍ଠରେ ସୁମଧୁର ସଙ୍ଗୀତ ମାହୋଲ କୁ ଆହୁରି

ରଙ୍ଗୀନ କରିଦେଇଥିଲା lଆସନ୍ତା ମଙ୍ଗଳବାର ଦିନ ୧୯୮୯ମେଟ୍ରିକ ବ୍ୟାଚର ପୂରାତନ ଛାତ୍ର ମାନଙ୍କ ପକ୍ଷରୁ ପି ପି ଏକାଡେମୀ ଡାଇମଣ୍ଡ ଜୁବୁଲି ପାଇଁ ୨୫ ହଜାର ଟଙ୍କା ସହଯୋଗ ରାଶି ପ୍ରଦାନ କରାଯିବାକୁ ନିଷ୍ପତ୍ତି ହୋଇଛି l ଆସନ୍ତା ଜାନୁୟାରୀ ମାସରେ ୧୯୮୯ ମେଟ୍ରିକ ବ୍ୟାଚର ପୂରାତନ ଛାତ୍ର ମାନଙ୍କ ଏକ ଫେମିଲି ପିକନିକ୍ ଆୟୋଜନ ପାଇଁ ସର୍ବସମ୍ମତି କ୍ରମେ ନିଷ୍ପତ୍ତି ଗ୍ରହଣ କରାଯାଇଛି l