15-Dec-2024

କୋକସରା(ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା କୋକସରା ବ୍ଲକ ଡୁଡୁକାଠେଙ୍ଗା ପଞ୍ଚାୟତ ସାହାଜଖୋଲ ସଂରକ୍ଷିତ ଜଙ୍ଗଲ ମଧ୍ୟରେ ରହିଥିବା ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ପର୍ଯ୍ୟଟନ ସ୍ଥଳୀ ଗୁଡାହାଣ୍ଡି ଡୋକାରୀ ଚଞ୍ଚରା ରେ ରବିବାର ଗୁଡାହାଣ୍ଡି ଉନ୍ନୟନ କମିଟି।ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଥିଲା। ଉନ୍ନୟନ କମିଟି ର ସଭାପତି ଭଦରେଶ୍ୱର ପାତ୍ର ଙ୍କ ସଭାପତିତ୍ୱ ରେ ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଧର୍ମଗଡ ବିଧାୟକ ସୁଧୀର ରଞ୍ଜନ ପାଟ୍ଟଯୋଶୀ ଉପସ୍ଥିତ ରହି ଜଙ୍ଗଲ ବିଭାଗ ଦ୍ଵାରା ହୋଇଥିବା ପର୍ଯ୍ୟଟନ ସ୍ଥଳୀ ର ବିଭିନ୍ନ ବିକାଶ ମୂଳକ କାର୍ଯ୍ୟ ପରିଦର୍ଶନ କରିବା ଉନ୍ନୟନ କମିଟି ର କର୍ମକର୍ତ୍ତା ଙ୍କ ସହ ଉନ୍ନୟନ କାର୍ଯ୍ୟ ବିଷୟରେ ଆଲୋଚନା କରିଥିଲେ ଓ ଏକ ୭ ଜଣିଆ କୋର କମିଟି ଗଠନ କଟିଥିଲେ। ଏହି କମିଟିର କାର୍ଯ୍ୟକାରୀ ସଭାପତି ଭାବେ ସ୍ଥାନୀୟ ବିଧାୟକ ଶ୍ରୀ ସୁଧୀର ରଞ୍ଜନ ପାଟ୍ଟଯୋଶୀ ଙ୍କୁ  ମନୋନୀତ କରାଯାଇଛି। ବିଧାୟକ ପର୍ଯ୍ୟଟନ ସ୍ଥଳୀ ର ବିକାଶ ପାଇଁ ରାଜ୍ୟ ସରକାରଙ୍କ ନିକଟରେ ଦାବି ଉପସ୍ଥାପନ କରିବା ସହ ଓଡ଼ିଶା ର ଏକ ଅଗ୍ରଣୀ ପର୍ଯ୍ୟଟନ ସ୍ଥଳୀ ଭାବେ କେମିତି ଡୋକାରୀ ଚଞ୍ଚରା ସ୍ଥାନିତ ହେବ ସେ ନେଇ ଉଦ୍ୟମ ଜାରି ରହିବ ବୋଳି ପ୍ରତିଶ୍ରୁତି ଦେଇଥିଲେ। ଆସନ୍ତା ମାସ ୭ ତାରିଖ ମଙ୍ଗଳବାର ରେ ମଣ୍ଡେଇ ଯାତ୍ରା ପାଳନ କରିବା ପାଇଁ ନିଷ୍ପତ୍ତି ନିଆଯାଇଛି।ଏହି ବୈଠକରେ କୋକସରା ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ, ଡେପୁଟି ରେଞ୍ଜ ଅଧିକାରୀ ସୁରେନ୍ଦ୍ର କୁମାର ବେହେରା, ବେହେରା ଫରେଷ୍ଟର ସୀମା ଧଙ୍ଗଡା ମାଝୀ,ଉପ ସଭାପତି ଘନଶ୍ୟାମ ନାଏକ, କୋଷାଧ୍ୟକ୍ଷ ସୁରେଶ ଅଗ୍ରୱାଲ, ଦେବେନ୍ଦ୍ର ପାଟ୍ଟଯୋଶୀ, ସାଧାରଣ ସମ୍ପାଦକ ସୁଧୀର ପାତ୍ର, ଯୁଗ୍ମ ସଂପାଦକ ନିଳାମ୍ବର ନାଏକ, ବରିଷ୍ଠ ସଦସ୍ୟ ଐରି ନାଶନ ଚିନ୍ଦା,ମଧୁବନ ପାତ୍ର, ଚକାଡୋଳା ପାତ୍ର, ଜାତୀନ୍ଦ୍ର ମାଝୀ, ଭବନାନନ୍ଦ ନାଏକ, ସହଦେଵ ଦିଶାରୀ, ହିମାଞ୍ଚଳ ପାତ୍ର, ଦୁଖୀଶ୍ୟାମ ମାଝୀ ଦୁଷ୍ମନ୍ତ ପଟ୍ଟଯୋଶୀ।ପ୍ରମୁଖ ଉପସ୍ଥିତ ରହି ପର୍ଯ୍ୟଟନ ସ୍ଥଳୀ ଓ ଶ୍ରୀ ରାମ ମନ୍ଦିର ର ଉନ୍ନୟନ କାର୍ଯ୍ୟ ଓ ଆଗାମୀ ଦିନରେ ପର୍ଯ୍ୟଟନ ସ୍ଥଳୀ ର ଭିତ୍ତିଭୂମି ବିକାଶ ଉପରେ ଆଲୋଚନା କରିଥିଲେ।ପରିଶେଷରେ କମିଟି ର ବରିଷ୍ଠ ସଦସ୍ୟ ଐରି ନାସନ ଚିନ୍ଦା ଧନ୍ୟବାଦ ଅର୍ପଣ କରିଥିଲେ l