15-Dec-2024

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ୍ ର ରିନ୍ ବଚ୍ଚନ ପଞ୍ଚାୟତ ର ଉଚ୍ଚ ବାହାଳ (ଗୌରପାଲି) ଗ୍ରାମରେ ପ୍ରଭୁ ଶ୍ରୀ ରାମ ଙ୍କ ମନ୍ଦିର ନିର୍ମାଣ ସକାଶେ ଶ୍ରୀରାମ ମହୋତ୍ସବ ପାଳନ ପାଇଁ ଶୁଭାଖମ୍ବ ସ୍ଥାପନ କରାଯାଇଛି l ଏହି ଅବସରରେ ପ୍ରଥମେ ଗ୍ରାମରୁ ଅନେକ ପୁରୁଷ ଓ ମହିଳା ପୂଜା ସାମଗ୍ରୀ ଧରି କୀର୍ତ୍ତନ ଦଳ ନାଚ କରି ହରିବୋଲ ହୁଳହୁଳି ଦେଇ ଶୁଭାଖମ୍ବ ସ୍ଥାପନ ସ୍ଥଳ କୁ ପହଞ୍ଚିଥିଲେ l ସେଠାରେ ପହଞ୍ଚି ପୂଜକ ଶ୍ରୀ ନରେଶ ତ୍ରିପାଠୀ ଓ ହାରାଧନ ତ୍ରିପାଠୀ ପୂଜାପାଠ ହୋମ ଇତ୍ୟାଦି କାମ ସମ୍ପନ୍ନ କରିଥିଲେ l ଏହି ପୂଜାରେ କର୍ତ୍ତା ଭାବରେ ଶ୍ରୀ ସୁରେନ୍ଦ୍ର ଦୋରା ଓ ତାଙ୍କ ଧର୍ମପତ୍ନୀ ଶ୍ରୀମତୀ ରୀନା ଦୋରା ଦାୟିତ୍ଵ ନିର୍ବାହ କରିଥିଲେ l ଶୁଭ ଖମ୍ବ ସ୍ଥାପନ ସମୟରେ ଗ୍ରାମର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ l ସେମାନେ ହେଲେ ଶ୍ରୀ ଚମ୍ପେଶ୍ୱର୍ ଦୋରା, ପ୍ରଶାନ୍ତ ଭୋଇ, ସତ୍ୟ ଭୋଇ, ଲୋଚନ ଦୋରା, ପାଣ୍ଡବ ସାହୁ, ଭ୍ରମର ଦୋରା, ପିଣ୍ଟୁ ସାହୁ,ବନିତା ଦୋରା, ରେବତୀ ଦୋରା ପ୍ରମିଳା ଦୋରା ପ୍ରମୁଖ l ଆସନ୍ତା ୨୨ ତାରିଖ ରୁ ଯାତ୍ରା ଆରମ୍ଭ ହୋଇ ୩୦ ତାରିଖ ପର୍ଯ୍ୟନ୍ତ ଯାତ୍ରା ଚାଲିବ l ଏହି ଅବସରରେ ଗ୍ରାମରେ ପାରାୟଣ, ଦରବାର, ମୀନା ବଜାର, ନାଟକ, ଦଣ୍ଡ, ଇତ୍ୟାଦି ପରିବେଷଣ ହେବାସହ ପ୍ରତ୍ୟେକ ଦିନ ଦର୍ଶକ ତଥା ଭକ୍ତଙ୍କ ପାଇଁ ଅର୍ଣ୍ଣ ଛତ୍ର ଖୋଲାଯିବ ବୋଲି ଗ୍ରାମବାସୀ ସୂଚନା ଦେଇଛନ୍ତି l