10-Dec-2024

ଅତାବିରା(ଆକାଶ ମିଶ୍ର):ଅତାବିରା  ଗୋଷ୍ଠୀ ଶିକ୍ଷା ପରିବାର ଅନ୍ତର୍ଗତ ଲାଦର ପାଲି ବନ୍ଧ ପଡ଼ା ପ୍ରାଥମିକ ବିଦ୍ୟାଳୟ ର ସହକାରୀ  ଆଦର୍ଶ ଶିକ୍ଷକ   ଶଙ୍କର ପ୍ରଧାନ ଆଜି ଅବସର ଗ୍ରହଣ କରିଛନ୍ତି । ଏହି ପରିପ୍ରେକ୍ଷୀରେ ବିଦ୍ୟାଳୟ ତରଫରୁ ଏକ ବିଦାୟ କାଳୀନ ସମ୍ବର୍ଦ୍ଧନା ସଭା ବିଦ୍ୟାଳୟର  ପ୍ରଧାନ ଶିକ୍ଷକ ଡାକ୍ତର ବିଶିଙ୍କ  ସଭାପତିତ୍ବରେ ଅନୁଷ୍ଠିତ ହୋଇଥିଲା । ଅତିରିକ୍ତ   ଗୋଷ୍ଠୀ ଶିକ୍ଷା ଅଧିକାରୀ ତପନ କୁଆର ଦାଶ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ , ସମ୍ମାନୀତ ଅତିଥି ଭାବେ   ସି ଆର୍ ସି ସି କିଚକ୍ ସୁନା,  ଶିକ୍ଷୟିତ୍ରୀ ସୁବଳୟା ସେଠ୍ ମଞ୍ଚାଷିନ ଥିଲେ । ସି ଆର୍ ସି ସି ନୃପ ଭୋଇ  ମଞ୍ଚ ପରିଚାଳନା ଓ ସଂଯୋଜନା କରିଥିଲେ । ବିଦାୟୀ ଶିକ୍ଷକ ଶ୍ରୀ ପ୍ରଧାନ ୫/୮/  ୨୦୦୮ ମସିହାରୁ  ତାଙ୍କର ଶିକ୍ଷକତା ଜୀବନ ଆରମ୍ଭ କରିଥିଲେ  ଏହି ବିଦ୍ୟାଳୟରୁ ।  ଦୀର୍ଘ  ବର୍ଷ ଧରି ଏହି ବିଦ୍ୟାଳୟ ରେ  ଶିକ୍ଷକତା କରିବା ଭିତରେ ଛାତ୍ରଛାତ୍ରୀ ମାନଙ୍କ ପ୍ରତି ଯେଉଁ ସ୍ନେହଶ୍ରଦ୍ଧା ରହିଥିଲା   ଆଜି  ତାର ପ୍ରତିଫଳନ ଦେଖିବାକୁ ମିଳିଥିଲା  ଛାତ୍ର ଛାତ୍ରୀ ଙ୍କ  ମଧ୍ୟରେ । କୁନି କୁନି ଛାତ୍ର ଛାତ୍ରୀ ମାନଙ୍କ ଆଖିରେ ଲୁହ ଝରିପଡ଼ିଥିଲ ତାଙ୍କର ପ୍ରିୟ ଶିକ୍ଷକଙ୍କ ପାଇଁ ଏହି ସମ୍ବର୍ଦ୍ଧନା ସଭାରେ ପ୍ରଥମେ  ମଞ୍ଚାସିନ ଅତିଥି ଙ୍କ ଦ୍ଵାରା ଦେବା ଦେବୀଙ୍କ  ପୂଜାର୍ଚ୍ଚନା ପରେ  ଛାତ୍ର ଛାତ୍ରୀ ମାନେ ଗୁରୁବନ୍ଦନା  ଗାନ କରିଥିଲେ ।ଏହାପରେ ଗୁରୁପୁଜନ କରାଯାଇଥିଲା । ପୂର୍ବତନ ତଥା ବର୍ତ୍ତମାନ ର ସମସ୍ତ ଛାତ୍ର ଛାତ୍ରୀ ତାଙ୍କର ପ୍ରିୟ ଗୁରୁଙ୍କୁ ଉପହାର ଦେଇ ପାଦ

ଛୁଇଁ ଆଶୀର୍ବାଦ ଗ୍ରହଣ କରିଥିଲେ ।  ଉପସ୍ଥିତ ସମସ୍ତ ଅତିଥି , ସି ଆର୍ ସି ସି ତଥା ଉପସ୍ଥିତ ଅନ୍ୟ ଶିକ୍ଷକ ଶିକ୍ଷୟିତ୍ରୀ  ମାନେ ଉପଢୌକନ ଓ ଉପହାର ପ୍ରଦାନ କରିବା ସହ ଶ୍ରୀ ପ୍ରଧାନ  ଙ୍କ ସରଳ ନିରାଡମ୍ବର ଜୀବନୀ ତଥା ତାଙ୍କର ଛାତ୍ର ବତ୍ସଲତା ଉପରେ  ନିଜର ବକ୍ତବ୍ୟ ରଖି ପୁଣି ଥରେ ତାଙ୍କର ଶିକ୍ଷକ ଜୀବନର ସ୍ମୃତି କୁ ଜୀବନ୍ତ କରିଥିଲେ ।  ସି ଆର୍ ସି ସି ରଞ୍ଜନ ବାଗ ଧନ୍ୟବାଦ୍ ଅର୍ପଣ କରିଥିଲେ ।  ମଧ୍ୟାହ୍ନ ବିରତି ପରେ ବିଶାଳ ସମାବେଶରେ ଶିକ୍ଷକଙ୍କୁ ଗ୍ରାମ ପରିକ୍ରମା କରାଇବା ସହ ସସମ୍ମାନେ ତାଙ୍କ ବାସ ଭବନକୁ ପାଛୋଟି ଆଣିଥିଲେ ।  ଏହି କାର୍ଯ୍ୟକ୍ରମ ରେ  ବିଦ୍ୟାଳୟ ପରିଚାଳନା କମିଟିର  ସମସ୍ତ କର୍ମକର୍ତ୍ତା, ସମସ୍ତ ସି ଆର୍ ସି ସି, ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ, ଗ୍ରାମବାସୀ ସହଯୋଗ କରିଥିଲେ ।