10-Dec-2024

ଅତାବିରା (ଆକାଶ ମିଶ୍ର): ଅତାବିରା ବ୍ଲକ ଅନ୍ତର୍ଗତ ଦୁଲମପୁର ରେ  ଗୌନ୍ତିଆ ଅମଳ ରୁ ଶତାଧିକ ବର୍ଷ ପୂଜା ପାଇ ଆସୁଥିବା  ମାଁ ସମଲେଶ୍ବରୀ ଙ୍କ ନବନିର୍ମିତ ମନ୍ଦିର ର ରତ୍ନମୁଦ ମହୋତ୍ସବ ଆରମ୍ଭ ହୋଇ ଯାଇଛି।ଏହି ଅବସରରେ ମୁଖ୍ୟ ପୂଜକ ଶାନ୍ତନୁ ମହାପାତ୍ର ଓ ତାଙ୍କ ସାଥି ମାନେ ପୂଜା କାର୍ଯ୍ୟ ପାଇଁ ବ୍ରହ୍ମା ବରଣ ହୋଇଥିବା ବେଳେ କର୍ତ୍ତା ଭାବରେ ସପତ୍ନୀଙ୍କ   ଗୌନ୍ତିଆ ପ୍ରଫୁଲ୍ଲ ଗୁରୁ ଓ ରୀନା ଗୁରୁ ୩ଦିନ ଧରି ପୂଜା କାର୍ଯ୍ୟ ତୁଲାଉଛନ୍ତି ।  ମହୋତ୍ସବ ପାଇଁ ତିଥିବାର ଧାର୍ଯ୍ୟ ଅନୁଯାୟୀ ସମ୍ବଲପୁର ମାଁ ସମଲେଶ୍ବରୀ ଓ ଚିପିଲିମା ମାଁ ଘଣ୍ଟେଶ୍ୱରୀ ଙ୍କ ଠାରୁ ଅଜ୍ଞାମାଲ ଅଣାଯାଇଥିଲା । ପର୍ଯ୍ୟାୟ କ୍ରମେ ଆଜି ମାଙ୍ଗଳିକ ବାଦ୍ୟ ର ତାଳେ ତାଳେ ଗାଁ ଝାଙ୍କର ବରଣ,କର୍ତ୍ତା ଭାବେ ଗଉନ୍ତିଆ ବରଣ ପୂର୍ବକ ବନଯାଗ, ଅଙ୍କୁରାରୋପଣ,ମଣ୍ଡଳ କରଣ ସହ ୭ତାରିଖ ଶନିବାର ଦିନ କଳସାଧିବାସ ,ଗାଁ ଗୁଡି ବନ୍ଦ ପୋଖରୀ ତୁଠରେ ସୁବିଜ୍ଞ ପଣ୍ଡିତ ମାନଙ୍କ ଦ୍ୱାରା ସୁସ୍ଵରେ ମନ୍ତ୍ର ଉଚ୍ଚାରଣ ପୂର୍ବକ ଏକ ବାର୍ଣ୍ଣାଢ୍ୟ କଳସ ଶୋଭାଯାତ୍ରା ବାହାରି ଗାଁ ର ରଙ୍ଗିଆ ଟିକ୍ରା,ସତ୍ୟା ଏକାଡେମୀ,ମହାଜନ ଟିକ୍ରା,ସାହୁ ଟିକ୍ରା ଓ ଦୁଲମପୁର ଗାଁ ପରିକ୍ରମା କରି ମାଁ ସମଲେଶ୍ବରୀ ଙ୍କ ଯଜ୍ଞ ମଣ୍ଡପ ଠାରେ ପହଞ୍ଚିଥିଲା। କଳସ ସ୍ଥାପନ ପରେ ଯଜ୍ଞାରମ୍ଭ, ପୂଜା କାର୍ଯ୍ୟ ଆରମ୍ଭ ହୋଇ ପୂଜାର୍ଚ୍ଚନା ପୂର୍ବକ ହୋମ,ଆହୁତି,ପୁଷ୍ପାଞ୍ଜଳି କରାଯାଇଥିଲା । ଆସନ୍ତା କାଲି  ପୂର୍ଣ୍ଣାହୁତି ହେବ ବୋଲି ଜଣାପଡିଛି।ଦୀର୍ଘ ତିନି ଦିନ ଧରି ହେବାକୁ ଥିବା ରତ୍ନମୁଦ ମହୋତ୍ସବ ରେ ଶ୍ରଦ୍ଧାଳୁ ଭକ୍ତ ମାନଙ୍କ ମନୋରଞ୍ଜନ ତଥା ଆଧ୍ୟାତ୍ମିକ ଚେତନା ଓ ପରିବେଶ ସୃଷ୍ଟି କରିବା ପାଇଁ ପ୍ରତ୍ୟହ ରାମଲୀଳା,ଶୁଖିଲା ଭୋଗ ସହ ଅନ୍ନ କୋଟ ର ଵ୍ୟଵସ୍ଥା  କରା ଯାଇଥିବା ଜଣାପଡିଛି।ମାଁ ସମଲେଶ୍ବରୀ ଙ୍କ ରତ୍ନମୁଦ ମହୋତ୍ସବ ପାଇଁ ଗାଁ ଦାଣ୍ଡ ତଥା ପ୍ରତି ଘର ସମ୍ବୁଖରେ ଲିପା ପୋଛା ହୋଇ ରଙ୍ଗ ବେରଙ୍ଗର ଝୋଟି ଅଙ୍କନ,କଳସ ସ୍ଥାପନ ପୂର୍ବକ ଧୂପ ଦୀପ ପ୍ରଜ୍ବଳନ କରି କିଭଳି ଭାବରେ ମହୋତ୍ସବ କୁ ସାଫଲ୍ୟ ମଣ୍ଡିତ କରିବେ ସେଥିପାଇଁ ଗ୍ରାମର ଆବାଳବୃଦ୍ଧ ବନିତା ଶ୍ରଦ୍ଧାଳୁ ଭକ୍ତ ମାନେ ଅଣ୍ଟା ଭିଡିଛନ୍ତି।