01-Dec-2024

ଅତାବିରା(ଆକାଶ ମିଶ୍ର): ଅତାବିରା ମହାବିଦ୍ୟାଳୟରେ ଯୁବ ରେଡକ୍ରସ ଓ ରେଡ ରିବନ୍ କ୍ଳବ୍ ର ମିଳିତ ଆନୁକୁଲ୍ୟରେ ବିଶ୍ଵ ଏଡ଼ସ ଦିବସ ପାଳିତ ହୋଇଯାଇଛି। ଏହି ଅବସରରେ ଅନୁଷ୍ଠିତ ଏକ ସଚେତନତା ସଭାରେ ଅଧ୍ୟକ୍ଷ ଅଶ୍ଵିନୀ କୁମାର ପ୍ରଧାନ ସଭାପତିତ୍ବରେ କରିଥିବା ବେଳେ ସମ୍ବଲପୁର ବିଶ୍ଵବିଦ୍ୟାଳୟ ର ପି ଜି କାଉନସିଲର ଅଧ୍ୟକ୍ଷ ପ୍ରଫେସର ତୁଷାରକାନ୍ତି ଦାଶ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଜିଲ୍ଲା ଯୁବ ରେଡକ୍ରସ ର ସଂଯୋଜକ ତଥା ଅଧ୍ୟାପକ ପରମାନନ୍ଦ ରଥ  ପରିଚାଳନା ଓ ସଂଯୋଜନା କରିଥିଲେ। ମହାବିଦ୍ୟାଳୟ ର କାଉନସିଲର ଗାୟତ୍ରୀ ପାଣ୍ଡିଆ  ମଞ୍ଚାଷୀନ

ଥିଲେ। ଏହି ସଭାରେ ମୁଖ୍ୟତଃ ଏଡ଼ସ ରୋଗ ର ସଂକ୍ରମଣ,ନିରାକରଣ ଓ ଚିକିତ୍ସା ବ୍ୟବସ୍ଥା  ଓ ଏହାର ଭୟାବହତା ଉପରେ ଶ୍ରୀ ଦାଶ ଓ ଶ୍ରୀ ପ୍ରଧାନ  ବିସ୍ତୃତ ଆଲୋଚନା  କରିଥିଲେ ଓ ଏଡସ  ରୋଗରୁ ନିଜକୁ ତଥା ଅନ୍ୟମାନଙ୍କୁ ମୁକ୍ତ  ରଖିବା  ପାଇଁ ଦିଗଦର୍ଶନ    ଦେଇଥିଲେ। ଏହି ଅବସରରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ବକୃତା, ରଚନା, ନୃତ୍ୟ, କଣ୍ଠାସଙ୍ଗିତ, ଅଳ୍ପନା ଓ ଚିତ୍ରାଙ୍କନ ଆଦି ପ୍ରତିଯୋଗିତା କରାଯାଇଥିଲା । ୪୦ ଜଣ କୃତୀ ଛାତ୍ରଛାତ୍ରୀଙ୍କୁ ମାନପତ୍ର ଓ ଟ୍ରଫି ପ୍ରଦାନ କରି ସମ୍ମାନିତ  କରାଯାଇଥିଲା।