01-Dec-2024

ଅତାବିରା(ଆକାଶ ମିଶ୍ର): ଆଜି ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ କୁମ୍ଭୋ ପଂଚାୟତ ର କୁଟୁରାପାଲି ଗ୍ରାମରେ ଆଜି ଏକ ରକ୍ତଦାନ ଏବଂ ଚକ୍ଷୁଦାନ କ୍ୟାମ୍ପ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବରେ ଭୀମସାର ବୁର୍ଲା ମେଡ଼ିସିନ ବିଭାଗର ଆସିଷ୍ଟାଣ୍ଟ ପ୍ରଫେସର ତଥା ସେବା ଭାରତୀ ଓଡିଶାର ଉପ - ସଭାପତି ଶ୍ରୀ ଶଙ୍କର ରାମଚନ୍ଦlନି, ସେବାଭାରତୀ ଓଡିଶା ପଶ୍ଚିମ ର ସଂଗଠନ ମନ୍ତ୍ରୀ ଶ୍ରୀ ହୃଷିକେଶ ନାଗ, ବରଗଡ ସକ୍ଷମ ପରିବାର ର ସଂଯୋଜକ ଶ୍ରୀ ମେଘନାଦ ସାହୁ, ସେବା ଭାରତୀ ବରଗଡ ଜିଲ୍ଲାର ସମ୍ପାଦକ ଶୁକଦେବ ବିଶ୍ୱାଳ, ସଭ୍ୟ ବଳରାମ ଠାକୁର, କୁମଭୋ ସରପଞ୍ଚ ମୋହନଲାଲ ଦେହେରି, ପ୍ରେମ ସାଗର ଦେହେରି, ବରଗଡ ଡାକ୍ତରଖାନାର ଆମର ଜିତ ମହାନ୍ତି,କ୍ୟାମ୍ପର ଆୟୋଜକ ସରୋଜ ଦେହେରି ମଞ୍ଚାସୀନ ଥିଲେ। ମଞ୍ଚାସୀନ ଅତିଥି ନିଜ ନିଜ ବକ୍ତବ୍ୟ ରଖି କହିଥିଲେ ଯେ, ରକ୍ତଦାନ ମହତ ଦାନକୁ ଏବଂ ଚକ୍ଷୁଦାନ ର ଅନ୍ଧ ବିଶ୍ୱlକୁ ଲୋକ ଲୋଚନକୁ ଆଣି ଜନ ସଚେତନ କଲେ, ରକ୍ତର ଅଭାବ ରହିବ ନାହଁ ଏବଂ ଚକ୍ଷୁ ହରାଇ ଥିବା ବ୍ୟକ୍ତିମାନେ ଚକ୍ଷୁ ପାଇ ଜଗତ ଦେଖି ପାରିବେ ବୋଲି ମତବ୍ୟକ୍ତ କରିଥିଲେ। ସଭାକାର୍ଯ୍ୟ ସରିଲା ପରେ ପ୍ରଥମେ ନିଜର ଦୁଇଆଖିକୁ ଦାନ କରିବାକୁ ଶ୍ରୀମତୀ ଗୌରୀ ଦେହେରି ଦସ୍ତଖତ କରିଥିବାରୁ ସକ୍ଷମ ପରିବାରର ସଂଯୋଜକ ଶ୍ରୀ ସାହୁ ଶ୍ରୀମତୀ ଦେହେରିଙ୍କୁ କୃତଜ୍ଞତା ଜ୍ଞାପନ କରିଥିଲେ ।ଉକ୍ତ କେମ୍ପରେ ସମୁଦାୟ ୪୦ ୟୁନିଟ ରକ୍ତ ସଂଗ୍ରହ କରାଯାଇଥିବା ବେଳେ,ଆଠ ଜଣ ବ୍ୟକ୍ତି ଚକ୍ଷୁ ଦାନ କରିଥିଲେ । କାର୍ଯ୍ୟକ୍ରମ ଶୃଙ୍ଖଳିତ ଭାବରେ ହୋଇ ଥିବରୁ, ଶ୍ରୀ ସରୋଜ ଦେହେରି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।