11-Oct-2026

ଟିଟିଲାଗଡ(ପ୍ରେରଣା ଖବର): ଆଜିଠାରୁ ଆରମ୍ଭ ହୋଇଛି ଜଗତ ଜନନୀ ମା ଦୁର୍ଗାଙ୍କ ନବରାତ୍ରୀ ପୂଜା। ତେବେ ଚଳିତ ବର୍ଷ ଟିଟିଲାଗଡ ବ୍ଲକ କୁର୍ସୁଡ ଗ୍ରାମରେ ଦୁର୍ଗା ପୂଜା ମହାସମାରୋହରେ ପାଳିତ ହେବା ସଙ୍ଗେ ସଙ୍ଗେ ନବାଦିନାତ୍ମକ ପୂଜା ଆରମ୍ଭ ହୋଇଯାଇଛି। କଳସ ଅଧିବାସ ଦିନ ଗ୍ରାମର ଶତାଧିକ ନରନାରୀ ସାମିଲ ହୋଇଥିଲେ।  ପୂଜକର୍ତ୍ତା ଭାବେ  ବଲାଙ୍ଗୀର ଲୋକସଭା ସାଂସଦ ସଂଗୀତା କୁମାରୀଙ୍କ ଟିଟିଲାଗଡ ବ୍ଲକ ପ୍ରତିନିଧି ମୁକେଶ କୁମାର ଜୈନ ଓ ତାଙ୍କ ଧର୍ମ ପତ୍ନୀ ରେଖା ଜୈନ ପୂଜାରେ ବସିଥିଲେ। ମୁଖ୍ୟ ପୂଜକ ଭାବରେ ଶ୍ରୀଯୁକ୍ତ କାର୍ତିକ ତ୍ରିପାଠୀ, ଏବଂ ସହଯୋଗୀ ପୂଜକ ଭାବରେ ଶ୍ରୀଯୁକ୍ତ ସୁଶୀଲ କୁମାର ପାଢ଼ୀ, ଚଣ୍ଡୀ ପାଠକ ଅଶୋକ ଶତପଥୀ ପ୍ରମୁଖ ଦାଇତ୍ୱ ତୁଲାଉଛନ୍ତି।  ପୂଜା କମିଟିର ମୁଖ୍ୟ ଦାଇତ୍ୱ ନିର୍ବାହ କରିବା ପାଇଁ ସଭାପତି ଭାବେ କୈଳାସ ଜୈନ, ଉପସଭାପତି ସୁବୋଧ ବେହେରା ଓ ଉମେଶ ଚନ୍ଦ୍ର ମହାନନ୍ଦ, ସମ୍ପାଦକ ନିମାଇଁ ଚରଣ ବେହେରା, ସହସମ୍ପାଦକ ହେମନ୍ତ ରଣା ଓ ଅଜିତ କୁମାର ବେହେରା, ଶ୍ୟାମ ମହାନନ୍ଦ, ସନ୍ତୋଷ ସାହୁ, ଭରତ ବାଗ, ମନମୋହନ ନାଏକ ,ବିକାଶ କୁମାର ପାଢ଼ୀ, ବିଜୟ କୁମାର ପାଣିଗ୍ରାହୀ ସହଯୋଗ କରିଥିଲେ।