30-Nov-2024

ବଲାଙ୍ଗିର(ପ୍ରେରଣା ଖବର)- ଦେବାଳୟ ସୁରକ୍ଷା କମିଟିର ଆବାହକ ଜୟକୃଷ୍ଣ ମିଶ୍ର, ଅଧ୍ୟାପକ ତଥା ସଂସ୍କୃତି ବିଷାରଦ ସୁରେଶ ଷଢଙ୍ଗି ଓ ସଂପାଦକ ପ୍ରଶାନ୍ତ ମହାକୁରଙ୍କ ତିନି ଜଣିଆ ଦଳ ଜିଲ୍ଲାପାଳଙ୍କୁ ଦେଖାକରି ଲୋକଉତ୍ସବ ତଥା ଅନ୍ୟାନ୍ୟ ବିଷୟ ଉପରେ ଆଲୋଚନା କରିଥିଲେ । ଜିଲ୍ଲାପାଳ ଗୌରବ ଶିବାଜି ଏହି ସମୟରେ   ଲୋକଉତ୍ସବ ପାଳନ ହେବା ନେଇ ପ୍ରତିଶୃତି ଦେଇଥିବା କମିଟି ସୂଚନା ଦେଇଛି । ପ୍ରକାଶ ଯେ, ଗତ ବର୍ଷ ଠାରୁ ଜିଲ୍ଲାରେ ଲୋକଉତ୍ସବ ପାଳନ ହେଉ ନଥିଲା । ଏହାକୁ ନେଇ କଳାକାର ମହଲରେ ତିବ୍ର ଅସନ୍ତୋଷ ଦେଖା ଦେଇଥିଲା । କିଛି ଦିନ ପୂର୍ବରୁ  ସ୍ଥାନୀୟ ଗାନ୍ଧୀ ପ୍ରତିମୁର୍ତ୍ତି ତଳେ ଏହାକୁ ନେଇ କଳାକାର ଓ ବୁଦ୍ଧିଜୀବିମାନେ ଏକ ନିଆରା ପ୍ରତିବାଦ ଜଣାଇଥିଲେ । ଶନିବାର ଦିନ କମିଟିର ଜିଲ୍ଲାପାଳଙ୍କୁ ଦେଖା ପରେ ଲୋକଉତ୍ସବକୁ ନେଇ ଲାଗି ରହିଥିବା ଅନିଶ୍ଚିତତା ଦୁର କରିବା ସହ ଜିଲ୍ଲାରେ କଳା ସଂସ୍କୃତିକୁ ପ୍ରାଧାନ୍ୟ ଦିଆଯୀବ ବୋଲି କହିଥିଲେ । କମିଟି ଜିଲ୍ଲାପାଳଙ୍କୁ ଏନେଇ ଧନ୍ୟବାଦ ଦେବା ସହ ସଂପୁର୍ଣ୍ଣ ସହେଯାଗ କରିବେ ବୋଲି କହିଛନ୍ତି ।