30-Nov-2024

ବଲାଙ୍ଗିର(ପ୍ରେରଣା ଖବର): ଝରଣୀପାଲି ଗ୍ରାମ ପଂଚାୟତର ସଭାଗୃହ ଠାରେ ଅଜିମ ପ୍ରେମଜୀ ଫାଉଣ୍ଡେସନ ସହାୟତାରେ ଓ ପଲ୍ଲୀ ଆଲୋକ ପାଠାଗାର ନଅଗାଁ (ଖ)ଦ୍ୱାରା କିଶୋରୀ ମାନଙ୍କ ସଶକ୍ତିକରଣ ପାଇଁ ସାମଜିକ ପ୍ରଗତି ନବସୃଜନ ଏବଂ ସ୍ଥିରତା ବିଷୟକୁ ନେଇ ନୂତନ କାର୍ଯ୍ୟକ୍ରମର ଉଦଘାଟନ କରା ଯାଇଥିଲା। ଉକ୍ତ କାର୍ଯ୍ୟକ୍ରମ ଆଗଲପୁର ବ୍ଲକ ଅନ୍ତର୍ଗତ ବଡ଼ଟିକା, ଝରନି ପାଲି ଓ ନୁନିଆଁପାଲି ଗ୍ରାମ ପଂଚାୟତ ଗାଁ ମାନଂକର କିଶୋରୀ ମାନଙ୍କର ସାମୁହିକ ସ୍ୱାସ୍ଥ୍ୟଗତ ଉନ୍ନତି, ବାଲ୍ୟବିବାହ ଦୂରୀକରଣ, ଅନ୍ଧବିଶ୍ୱାସ ଓ କୁସଂସ୍କାର ଦୂରୀକରଣ, ଶିକ୍ଷାଗତ ଉନ୍ନତି, ଦକ୍ଷତା ବିକାଶ ସଂଗେସଂଗେ ଜୀବନଜୀବିକାର ଉନ୍ନତି ପାଇଁ ଉକ୍ତ କାର୍ଯ୍ୟକ୍ରମର ଆରମ୍ଭ କରାଯାଇଥିଲା। ଏହି ଉଦଘାଟନ ସମାରୋହକୁ ଝରନିପାଲି ସରପଞ୍ଚ ଶ୍ରୀମତୀ ସୁନିତା ସାହୁ, ପିଏପି ସମ୍ପାଦକ ପ୍ରଶାନ୍ତ ନାୟକ, ଆଗଲପୁର ବ୍ଲକ ସି.ଡି.ପି.ଓ ଶ୍ରୀମତୀ ଶୁଭଶ୍ରୀ ମିଶ୍ର, ଆଗଲପୁର ଗୋଷ୍ଠୀ ସ୍ୱାସ୍ଥ୍ୟ ବି ପି ଏମ୍ ସନ୍ତୋଷ ଦୋରା, ଆର୍ ବି ଏସ୍ ଏକ୍ ମେଡିକାଲ ଅଫିସର ରାଜକୁମାର ସାହୁ, ଏମ୍ ଏଚ୍ ୟୁ ମେଡିକାଲ ଅଫିସର ହିମାଂଶୁ ଶେଖର ମିଶ୍ର,

ଆଇସିଡିସି ସୁପରଭାଇଜର ଶ୍ରୀମତୀ ପ୍ରଫୁଲ୍ଲ ଦୋରା ମଞ୍ଚାସୀନ ରହି ଆଗକୁ ଏହି କାର୍ଯ୍ୟକ୍ରମରେ କିଶୋରୀ ମାନେ ନିୟମିତ ଲୌହ ବଟିକା ଠିକ ଭାବେ ସେବନ କରିବା,ରକ୍ତ ହୀନତା ଦୂରୀକରଣ ଓ ସରକାରୀ ଯୋଜନା ବିଷୟରେ ଅବଗତ ଓ ପ୍ରାପ୍ତି ତଥା ନିୟମିତ ସ୍କୁଲରେ ଉପସ୍ଥାନ ଏବଂ ପ୍ରଗତି ଉପରେ ମତବ୍ୟକ୍ତ କରିଥିଲେ। ପ୍ରକଳ୍ପର ସଂଯୋଜକ ଅଭିଜିତ ମିଶ୍ର କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ପ୍ରହଲ୍ଲାଦ ପଧାନ, ନମିତା ପଧାନ,ଶୁଭାଦ୍ର ମହାଳିଙ୍ଗ ପରିଚାଳନା ରେ ସହଯୋଗ କରିଥିଲେ।
ଏହି କାର୍ଯ୍ୟକ୍ରମରେ ନୁନିଆପାଲି,ଝରଣିପାଲି ଓ ବଡଟିକା ଗ୍ରାମ ପଞ୍ଚାୟତ ର ସମସ୍ତ ଅଙ୍ଗନୱାଡ଼ି କର୍ମୀ,ଆଶାକର୍ମୀ,ସ୍ବାସ୍ଥ୍ୟକର୍ମୀ ତଥା କିଶୋରୀ ମାନେ ଅଂଶଗ୍ରହଣ କରିଥିଲେ।