20-Nov-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲାର ସମସ୍ତ ବାର ଗୋଟି ବ୍ଲକରେ ଆଜି ବ୍ଲକସ୍ତରୀୟ ସର୍ଗିଫୁଲ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ଓ ଅନୁରୂପ ଭାବେ ଖଜୁରୀପଡା ବ୍ଲକ ଅନ୍ତର୍ଗତ ଦୁତିପଡା ଆଶ୍ରମ ଉଚ୍ଚ ବିଦ୍ୟାଳୟରେ ମଧ୍ୟ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ରଶ୍ମିତା ତ୍ରିପାଠୀଙ୍କ ପ୍ରତକ୍ଷ୍ୟ ତତ୍ୱାବଧାନରେ ଆଜି ବ୍ଲକସ୍ତରୀୟ ସର୍ଗି ଫୁଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି | ଉକ୍ତ ବ୍ଲକ ସ୍ତରୀୟ ସର୍ଗିଫୁଲ କାର୍ଯ୍ୟକ୍ରମ କୁ ପୂର୍ବାହ୍ନରେ ଖଜୁରୀପଡା ବିଡ଼ିଓ ଶ୍ରୀ ସୌମ୍ୟରଂଜନ ପାତ୍ର ଉଦଘାଟନ କରିଥିବା ବେଳେ

କାର୍ଯ୍ୟକ୍ରମର ଅନ୍ତିମ ପର୍ଯ୍ୟାୟରେ ଖଜୁରୀପଡା ବ୍ଲକ ଚେୟାରମ୍ୟାନ ସୁଶ୍ରୀ ଅନିମା କହଁର ମୁଖ୍ୟ ଅତିଥିଭାବେ ଯୋଗଦାନ କରିଥିଲେ ଓ ଅଂଶ ଗ୍ରହଣ କରିଥିବା ଛାତ୍ର ଛାତ୍ରୀ ମାନଙ୍କୁ ଆଜିର କାର୍ଯ୍ୟକ୍ରମ ଉପରେ ଉଦବୋଧନ ଦେଇ ଉତ୍ସାହିତ କରିଥିଲେ, ଏବଂ କୃତୀ ପ୍ରତିଯୋଗୀ ମାନଙ୍କୁ ମାନ ପାତ୍ର ଓ ଟ୍ରଫି ପ୍ରଦାନ କରିଥିଲେ,ଏବଂ ଅନ୍ୟ ମାନଙ୍କ ମଧ୍ୟରେ ପୁନଃ ସନମାନୀତ ଅତିଥିଭାବେ ବିଡ଼ିଓ ସୌମ୍ୟରଂଜନ ପାତ୍ର ମଧ୍ୟ ଛାତ୍ର ଛାତ୍ରୀମାନଙ୍କୁ ଉତ୍ସାହିତ କରିବା ସହିତ କୃତୀ ପ୍ରତିଯୋଗୀ ମାନଙ୍କୁ ମାନପତ୍ର ଓ ଟ୍ରଫି ପ୍ରଦାନ କରିଥିବା ବେଳେ ରାଜେଶ କୁମାର ମୁର୍ମୁ ମଙ୍ଗଳ ସାମ୍ପ୍ରସରଣ ଅଧିକାରୀ,ଖଜୁରୀପଡା,  ଦୁତିପଡା ସରପଞ୍ଚ ଶ୍ରୀମତୀ ଜାନକୀ ଯାନୀ, ସମିତି ସଭ୍ୟ ଶୁକଦେବ ସେଠି  ଯୋଗଦାନ କରି ଥିଲେ |  ଏହି ବ୍ଲକ ସ୍ତରୀୟ ସର୍ଗିଫୁଲ କାର୍ଯ୍ୟକ୍ରମରେ ୧୨ ଟି ଆଶ୍ରମ ବିଦ୍ୟାଳୟ ର ଛାତ୍ରଛାତ୍ରୀ ମାନେ ବିଭିନ୍ନ ପ୍ରକାର ନୃତ୍ୟଗୀତ  ଓ ସଂଗୀତ, ଏକକ ଅଭିନୟରେ ଅଂଶଗ୍ରହଣ କରିଥିଲେ ଓ ନିଜର ଲୁକ୍କାୟିତ ଅନ୍ତର୍ନିହିତ ପ୍ରତିଭା, ଗୁଣାବଳୀକୁ ଲୋକ ଲୋଚନକୁ ଆଣିବାକୁ ଏକ ସୁଯୋଗ ବା ସର୍ଗିଫୁଲ କାର୍ଯ୍ୟକ୍ରମର ଏକ ସୁନ୍ଦର ମଞ୍ଚ ପାଇପାରିଥିଲେ, ଓ ନିଜର ପ୍ରତିଭାକୁ ପ୍ରଦର୍ଶନ କରିପାରିଥିଲେ |  ବାର ଗୋଟି ଆଶ୍ରମ ବିଦ୍ୟାଳୟ ମଧ୍ୟରୁ  ଚାରିଗୋଟି ଆଶ୍ରମ ଉଚ୍ଚବିଦ୍ୟାଳୟ ତଥା :- ଦୁତିପଡା, ରଣ ପାଟିଲି, ବିଳାବାଡି, ଓ କଳିଙ୍ଗ ଆଦର୍ଶ ଆବାସିକ ବିଦ୍ୟାଳୟ ସମେତ ଆଉ ଆଠଟି ଆଶ୍ରମ ବିଦ୍ୟାଳୟ ର ଛାତ୍ର ଛାତ୍ରୀମାନେ ମଧ୍ୟ୍ୟ ଏହି କାର୍ଯ୍ୟକ୍ରମରେ  ସକ୍ରିୟ ଅଂଶ ଗ୍ରହଣ କରିଥିବାର ଦେଖିବାକୁ ମିଳିଥିଲା |  ଏହି କାର୍ଯ୍ୟକ୍ରମର ମୁଖ୍ୟ ପୁରୋଧା ଭାବେ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ରଶ୍ମିତା ତ୍ରିପାଠୀ ପରିଚାଳନା କରିଥିବା ବେଳେ ସହକାରୀ ଶିକ୍ଷୟତ୍ରୀ ଶ୍ରୀମତୀ ମମତା ପ୍ରହରାଜ , ମାନସ ରଞ୍ଜନ ପ୍ରଧାନ, ସୁବ୍ରତ କୁମାର ସାହୁ, କିଶୋର କହଁର ବିଳାବାଡି, ଶିକ୍ଷୟତ୍ରୀ ଶ୍ରୀମତୀ ପଦ୍ମିନୀ ପାଳ ଘୋଷିକା ଭାବେ ଅତି ଚମତ୍କାର ରୂପେ ମଞ୍ଚ ପରିଚାଳନା କରିଥିଲେ,| ପ୍ରତିଯୋଗିତାରେ ବିଚାରକ ଭାବେ ସୁଦ୍ରେଜୁ ଉଚ୍ଚ ବିଦ୍ୟାଳୟ ର ସହକାରୀ ଶିକ୍ଷକ ଶ୍ରୀ ବିକ୍ରମ କେଶରୀ ରଣା ଓ ପିରିକୁଡି ଉଚ୍ଚବିଦ୍ୟାଳୟର ଶିକ୍ଷୟତ୍ରୀ ସୁଶ୍ରୀ ମାମିନା ନାୟକ  ଓ ଶ୍ରୀକାନ୍ତ ସାହୁ ନିରେପେକ୍ଷ ଭାବେ ପ୍ରତିଯୋଗୀ ମାନଙ୍କ ଅଭିନୟ ର ବିଭିର୍ଣ୍ଣ ଦିଗକୁ ଲକ୍ଷ୍ୟ କରି ମୂଲ୍ୟାୟନ କରିଥିଲେ |  
      ଏହି ବ୍ଲକ ସ୍ତରୀୟ ସର୍ଗିଫୁଲ କାର୍ଯ୍ୟକ୍ରମ ରେ ସ୍ଥାନୀୟ ଦୁତିପଡା ଆଶ୍ରମ ଉଚ୍ଚ ବିଦ୍ୟାଳୟ ର ଛାତ୍ରୀମାନେ ଉଚ୍ଚ କୋଟିର ନୃତ୍ୟ ପରିବେଷଣ କରି ପ୍ରଥମ ସ୍ଥାନ ହାସଲ କରିଥିବା ବେଳେ ଖଜୁରୀପଡା ସ୍ଥିତ କଳିଙ୍ଗ ଆଦର୍ଶ ବିଦ୍ୟାଳୟ ର ଛାତ୍ର ମାନେ ଡ଼ଙ୍ଗରିୟା କନ୍ଧ ବା ଆଦିବାସୀ ଚଳଣି, ପରମ୍ପରା ଓ ସଂସ୍କୃତି ଉପରେ ଆକର୍ଷଣୀୟ ଓ ସୁନ୍ଦର ନୃତ୍ୟ ପରିବେଶଣ କରି ଦ୍ୱିତୀୟ ସ୍ଥାନ ଅଧିକାର କରିଥିବା ବେଳେ ରଣ ପାଟୁଳି ଆଶ୍ରମ ବିଦ୍ୟାଳୟ ର ଛାତ୍ରୀମାନେ ତୃତୀୟ ସ୍ଥାନ ଅଧିକାର କରି ଜିଲ୍ଲା ସ୍ତରୀୟ ପ୍ରତିଯୋଗିତା ରେ ଅଂଶ ଗ୍ରହଣ କରିବା ପାଇଁ ଯୋଗ୍ୟ ବିବେଚିତ ହୋଇଛନ୍ତି |  ବିଶେଷ ସୂଚନା ପ୍ରକାରେ ଆଜି କନ୍ଧମାଳ ଜିଲ୍ଲାର ସମସ୍ତ ଆଶ୍ରମ ବିଦ୍ୟାଳୟ ଗୁଡିକର ଛାତ୍ର ଛାତ୍ରୀ ମାନେ ବ୍ଲକ ସ୍ତରୀୟ ପ୍ରତିଯୋଗିତା କାର୍ଯ୍ୟକ୍ରମରେ ବିଭିର୍ଣ୍ଣ ବ୍ଲକ ରେ ଅଂଶ ଗ୍ରହଣ କରିଥିବା  ଦେଖିବାକୁ ମିଳିଛି | ଖଜୁରୀପଡା ବ୍ଲକ ସ୍ତରୀୟ ସର୍ଗିଫୁଲ କାର୍ଯ୍ୟକ୍ରମ ବିଦ୍ୟାଳୟ  ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ତ୍ରିପାଠୀ ସମେତ ସମସ୍ତ କର୍ମକର୍ତ୍ତା ମାନଙ୍କ ସକ୍ରିୟ ଅଂଶ ଗ୍ରହଣ ଓ ପ୍ରତକ୍ଷ୍ୟ ସହଯୋଗ ରେ ଅତି ସୁଚାରୁରୂପେ ଓ ସୁନ୍ଦର ଭାବେ ଅନୁଷ୍ଠିତ ହୋଇଥିବା ଦେଖିବାକୁ ମିଳିଥିଲା |