20-Nov-2024

ଅତାବିରା(ଆକାଶ ମିଶ୍ର): ଚଳିତ ଖରିଫ ଋତୁର ଧାନକିଣା କୁ ଶୁଭାରମ୍ଭ କରିବା ପାଇଁ ଅତାବିରା ଗସ୍ତରେ ଆସିଥିବା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କୁ ଅତାବିରା ଠାରେ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।ମନ୍ତ୍ରୀ ଧାନ ସଂଗ୍ରହକୁ ଶୁଭାରମ୍ଭ କରି ଚାଷୀ ମାନଙ୍କୁ ସମ୍ମର୍ଦ୍ଧିତ କରିଥିଲେ।ଏହାପରେ ଗୋଡଭଗା ମାର୍କେଟ ପହଞ୍ଚି ଧାନ କିଣାର ଶୁଭାରମ୍ଭ

କରିଥିଲେ।ଗୋଡଭଗା ମାର୍କେଟରେ ଓଡ଼ିଶା ରାଜ୍ୟ କୃଷକ ସଙ୍ଗଠନର କର୍ମକର୍ତ୍ତା ମାନେ ମନ୍ତ୍ରୀଙ୍କୁ ଭେଟି ଚଳିତ ଋତୁର ଧାନ ବିକ୍ରି ଜନିତ ସମସ୍ୟାର ସମାଧାନ ସକାଶେ ୫ ଦଫା ସମ୍ବଳିତ ଲିଖିତ ଦାବିପତ୍ର କୁ ସଭାପତି ବିରେନ କର ସର୍ବ ସମ୍ମୁଖରେ ପଠନ କରି ମନ୍ତ୍ରୀଙ୍କୁ ପ୍ରଦାନ କରିଥିଲେ।(୧)ଅତାବିରା ବ୍ଳକର ସମସ୍ତ ଚାଷୀଙ୍କ ଟୋକନ ଡିସେମ୍ବର ଶେଷ ସୁଦ୍ଧା ଦେଇ ଅମଳ ହୋଇଥିବା ଧାନକୁ କିଣାଯାଉ।(୨) ଜମି ତୁଳନାରେ ଯେଉଁ ଚାଷୀଙ୍କ କମ ଟୋକନ ଆସିଛି ସେହି ଚାଷୀଙ୍କ ପୁନଃ ସର୍ଭେ କରି ତୁରନ୍ତ ଟୋକନ ଯୋଗାଇ ଦିଆଯାଉ।(୩) ମଣ୍ଡି ହେଁଡିଲିଙ୍ଗ କରୁଥିବା ସଂସ୍ଥା ମଣ୍ଡିରେ

ଚାଷୀଙ୍କୁ ଖାଲି ବସ୍ତା ଓ ସୁତୁଳି ପ୍ରଦାନ କରୁ ।(୪) ଏଫକ୍ୟୁ ନାମରେ କଟନୀ ଛଟନୀ ବନ୍ଦ କରାଯାଉ।(୫)ଡିସେମ୍ବର ୮ ତାରିଖରେ ଦେବାକୁ ଥିବା ୮ ଶହ ଟଙ୍କା ବୋନସର ଏକ ପ୍ରମାଣ ପତ୍ର ମାର୍କେଟ ୟାର୍ଡ଼ରେ ପ୍ରଦାନ କରାଯାଉ ବୋଲି ଦାବି ଗୁଡ଼ିକ ଉପସ୍ଥାପିତ କରିଥିଲେ।ଏହି ଦାବି ଗୁଡିକୁ ପୂରଣ କରିବା ଦିଗରେ ବିହିତ ପଦକ୍ଷେପ ଗ୍ରହଣ କରାଯିବ ବୋଲି ମନ୍ତ୍ରୀ ଶ୍ରୀଯୁକ୍ତ ପାତ୍ର ପ୍ରତିଶୃତି ଦେବା ସଙ୍ଗେ ସଙ୍ଗେ ମାର୍କେଟକୁ ଏଫକ୍ୟୁ ମାନର ଧାନ ଆଣି ବିକ୍ରି କରିବା ପାଇଁ ଆହ୍ୱାନ ଦେଇଥିଲେ।