30-Oct-2024

ଅତାବିରା (ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା  ବ୍ଲକ ଶିକ୍ଷା ବିଭାଗ ଅନ୍ତର୍ଗତ ଗୋଡଭଗା ଜନତା ଦଳ ବିଦ୍ୟାଳୟ ପରିସରରେ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ସ୍କୁଲ ପ୍ରଧାନ ଶିକ୍ଷକ ଅଦନ ସୁନା ଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି।ଅନୁଷ୍ଟିତ ଉତ୍ସବରେ ମୁଖ୍ୟ ଅତିଥି ବିଇଓ ମିଶ୍ରାଣି କୁମ୍ଭାର ଯୋଗ ଦେଇଥିବା ବେଳେ ସମ୍ମାନିତ ଅତିଥି ଅତାବିରା ମହା ବିଦ୍ୟାଳୟ ର ଉଦ୍ଭିଦ ବିଜ୍ଞାନର ମୁଖ୍ୟ ତଥା ପ୍ରାଧ୍ୟାପକ

ପରମାନନ୍ଦ ରଥ,ସ୍କୁଲ ପରିଚାଳନା କମିଟି ର ସଭାନେତ୍ରୀ ପୁଷ୍ପଲତା ସିଂ ପ୍ରମୁଖ ମଞ୍ଚାସିନ ରହିଥିଲେ।ସର୍ବ ପ୍ରଥମେ ବାଗ ଦେବୀ ସରସ୍ଵତୀ ଓ ଗଜାନନଙ୍କ ଫଟୋଚିତ୍ରରେ ଅତିଥି ମାନଙ୍କ ଦ୍ଵାରା ଧୂପ ଦ୍ଵୀପ ପ୍ରଜ୍ବଳନ ପୂର୍ବକ ପୂଜାର୍ଚ୍ଚନା କରିବା ସହ ସଭା ଆରମ୍ଭ ହୋଇଥିଲା।ଏଥିରେ ବିଜ୍ଞାନ ପ୍ରାଧ୍ୟାପକ ଶ୍ରୀଯୁକ୍ତ ରଥ ୫୭ଟି ପ୍ରକଳ୍ପ ରେ ଭାଗ ନେଇଥିବା ଛାତ୍ରଛାତ୍ରୀ ଙ୍କୁ ବିଜ୍ଞାନ ଉପରେ ବିସ୍ତୃତ ବାର୍ତ୍ତା ପ୍ରକାଶ କରିବା ସହ କିଭଳି ଭାବେ ସ୍କୁଲ ର ଛାତ୍ରଛାତ୍ରୀ ଆସନ୍ତା ଦିନରେ ନିଜେ ଗୋଟିଏ ଲେଖାଏଁ ବୈଜ୍ଞାନିକ ହୋଇ ରାଜ୍ୟ ତଥା ଦେଶରେ ସୁନାମ ଅର୍ଜନ କରି ପାରିବେ ସେ ଦିଗରେ ପରାମର୍ଶ ଦେଇଥିଲେ।ଏହି ବିଜ୍ଞାନ ମେଳା  ରେ ବିଚାରକ ଙ୍କ ଦ୍ଵାରା  ମନୋନୀତ ବରିଷ୍ଠ ଓ   କନିଷ୍ଠ  ବିଭାଗରେ ସର୍ବଶ୍ରେଷ୍ଠ  ପ୍ରକଳ୍ପ   ଭାବେ ମନୋନୀତ ଦୁଇଟି ପ୍ରକଳ୍ପ ସହିତ କୁନି ବୈଜ୍ଞାନିକ ଦ୍ବୟ   ବ୍ଲକ ସ୍ତରୀୟ ବିଜ୍ଞାନ ମେଳା  ରେ ଅଂଶ ଗ୍ରହଣ କରିବେ ବୋଲି ବିଦ୍ୟାଳୟ ପକ୍ଷରୁ ଜଣା ପଡିଛି।ଏହି କାର୍ଯ୍ୟକ୍ରମ ରେ ସ୍କୁଲ ର ସମସ୍ତ ଶିକ୍ଷକ ଶିକ୍ଷୟିତ୍ରୀ,କର୍ମଚାରୀ,ସ୍କୁଲ କମିଟି ଙ୍କ ସକ୍ରିୟ ସହଯୋଗ ରହିଥିଲା।ପରି ଶେଷରେ ଶିକ୍ଷକ ଅଭିଜିତ ସତିଶ କୁମାର ନାଏକ ଧନ୍ୟବାଦ୍ ଅର୍ପଣ କରିଥିଲେ।