29-Oct-2024

ବରଗଡ଼:(ପ୍ରେରଣା)-ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ବାନ୍ଦୁପାଲି ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ବ୍ଲକ ସ୍ତରୀୟ ସୁରଭି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏ ଅବସରରେ ବିଜେପୁର ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ ଶ୍ରୀମାନ ସନତ କୁମାର ଗଡତୀୟା, ସମ୍ମାନୀତ ଅତିଥି ଭାବେ ସହକାରୀ ଜିଲ୍ଲା ଶିକ୍ଷା ଅଧିକାରୀ ଜ୍ୟୋତିକାନ୍ତ ସାହୁ, ସ୍ଥାନୀୟ ସମିତି ସଭ୍ୟ ବ୍ୟାସଦେବ ମାଝୀ,ଗୈାତିଆ ଜୟନ୍ତ ସିଦ୍ଦାର, ସ୍କୁଲ ପରିଚାଳନା କମିଟିର ସଭାପତି ଚୈତନ୍ୟ ସାହୁ, ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଅନିରୁଦ୍ଧ ସାହୁ, ଶିକ୍ଷାବିତ ସପ୍ନେଶ୍ୱର ରଥ ଯୋଗଦାନ କରି ଛାତ୍ରୀ ଛାତ୍ରଛାତ୍ରୀ, ଅଭିଭାବକ ତଥା ସମସ୍ତ ଶିକ୍ଷକ ମାନଙ୍କୁ ଉତ୍ସାହିତ କରିଥିଲେ। ଏଅବସରରେ ମୁଖ୍ୟ ଅତିଥି ଉତ୍କୃଷ୍ଟ କଳାର ସଂସ୍କୃତିର ରାଜ୍ୟ ଓଡ଼ିଶା, ଏଠାକାର ଲୋକକଳା ସାରା ବିଶ୍ବରେ ପ୍ରସିଦ୍ଧି ଲାଭ କରିଛି। ଚଳିତ ବର୍ଷ ଏହାର ପୁନରୁଦ୍ଧାର ନିମିତ୍ତ ସ୍କୁଲ କଲେଜ ପିଲାଙ୍କ ଅନ୍ତର୍ନିହିତ ପ୍ରତିଭାର ବିକାଶ ସହିତ ଯୋଡିବା ସୁରଭିର ପ୍ରୟାସ ବୋଲି ବିଧାୟକ ଶ୍ରୀଯୁକ୍ତ ଗଡତୀୟା ଉଦବୋଧନ ଦେଇଥିଲେ। ସ୍ଥାନୀୟ ଭବ୍ୟ ଶୋଭାଯାତ୍ରାରେ ଗ୍ରାମବାସୀ ଦ୍ୱାରେ ଦ୍ୱାରେ ପୂର୍ଣ୍ଣ କଳସ ସ୍ଥାପନ କରି ବିଧାୟକଙ୍କୁ ଉଚ୍ଚ୍ବସିତ ସମ୍ୱର୍ଦ୍ଧନା ଜ୍ଞାପନ କରିଥିଲେ। ବିଧାୟକ ବାନ୍ଦୁପାଲି ସରକାରୀ ପ୍ରାଥମିକ ବିଦ୍ୟାଳୟର ଭୋଜନ ମଣ୍ଡପକୁ ଉଦଘାଟନ କରିଥିଲେ। ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରୀଗଣ ନୃତ୍ୟ ମାଧ୍ୟମରେ ଅତିଥି ମାନଙ୍କୁ ସ୍ୱାଗତ ଜଣାଇଥିଲେ।ଏଇ ଅବସରରେ ମୋହନ ସିଂ କହ୍ନେଇ,ବିଶ୍ୱବାଣୀ ଦୈନିକ ସମ୍ବାଦ ପତ୍ରର ପଶ୍ଚିମଓଡିଶା ବ୍ୟୁରୋ ଚିଫ ତଥା ସାହିତ୍ୟିକ ନିରଞ୍ଜନ ତ୍ରିପାଠୀ, ନବକିଶୋର ସାହୁ,ଅଧ୍ୟାପକ ବଳିଷ୍ଠ ପୁରୀ, ଅଧ୍ୟାପିକା ରସ୍ମିରେଖା ବାରିକ,ଗେହ୍ନାମଣି ମଲ୍ଲିକ, ଗୀତିକାର ମକରଧ୍ବଜ ସାହୁ, ଅକ୍ଷୟ ପଧାନ, ହୃଦମଣି ସାହୁ, ଆଦିତ୍ୟ ପ୍ରସାଦ ଗଡତିଆ, କେଦାର ନାଥ ସାହୁ,ଆଶିଷ ବେହେରା,ନାଥୁରାମ ବାରିକ, ଦେବେନ୍ଦ୍ର ମଟାରୀ, କଣ୍ଠଶିଳ୍ପୀ ବରୁଣ ବାଗ, ସାମ୍ବାଦିକ ଜଗନ୍ନାଥ କୁମ୍ଭାର ପ୍ରମୁଖ ବିଭିନ୍ନ ପ୍ରତିଯୋଗିତାର ବିଚାରକ ମଣ୍ଡଳୀଙ୍କୁ ପୁଷ୍ପ ଗୁଚ୍ଛ ସହ ଉପଢ଼ୌକନ ଦେଇ ସମ୍ମାନୀତ କରାଯାଇଥିଲା।

ଶିକ୍ଷୟିତ୍ରୀ ନମିତା ବେହେରା ସ୍ୱାଗତ ଭାଷଣ ଦେଉଥିବା ବେଳେ,ବିଜୟ ରଞ୍ଜନ ଦାଶ ଉଦ୍ଦେଶ୍ୟ ଜ୍ଞାପନ କରିଥିଲେ। ବିଭିନ୍ନ ପ୍ରତିଯୋଗିତା ସମ୍ପର୍କରେ ସିଆରସିସି ରାଜେଶ୍ୱର ବେହେରା ସୂଚନା ପ୍ରଦାନ କରିଥିଲେ। ଶିକ୍ଷକ କୃଷ୍ଣ ଚନ୍ଦ୍ର ନାଏକ ସଭାକୁ ସଂଯୋଜନା କରିଥିଲେ। ଗୋଷ୍ଠୀ ଶିକ୍ଷା ଅଧିକାରୀ ନାରାୟଣ ଭୋଇଙ୍କ ଆବାହକତ୍ୱରେ ଉଦଯାପନୀ ସଭା ଅନୁଷ୍ଠିତ ହୋଇଥିଲା। ପଦ୍ମଶ୍ରୀ ଡ. ଜିତେନ୍ଦ୍ରୀୟ କରିଥିଲେ ହରିପାଲ ସ୍ୱତନ୍ତ୍ର ଅତିଥି ଭାବେ ଯୋଗ ଦେଇ ଅବଲୁପ୍ତ ପ୍ରାୟ ଲୋକ ସଂଗୀତ ପରିବେଷଣ କରି ଛାତ୍ରଛାତ୍ରୀ ତଥା ଦର୍ଶକ ମାନଙ୍କ ମନ ମୋହି ନେଇଥିଲେ। ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ମାନିନୀ ଭୋଇ ମୁଖ୍ୟ ଅତିଥି, ଅମୃତ ଧାରା ନର୍ସିଂ ହୋମ ପରିଚାଳକ ଯଶୋବନ୍ତ ମେହେର, ଶିକ୍ଷକ ପ୍ରଶିକ୍ଷଣ ଅନୁଷ୍ଠାନ ବରଗଡ଼ର ଗଗନ ବେହେରା ଓ ଜନକ ସେଠ, ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଦିବାକର ବରିହା, ସୁଶାନ୍ତ କୁମାର ପାଣ୍ଡେ ଓ ପୁର୍ଣ୍ଣ ଚନ୍ଦ୍ର ପଧାନ, ସ୍ଥାନୀୟ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବାମନ ଚେରକିଆ, ସ୍କୁଲ ଚ୍ୟାରମେନ ପ୍ରଫୁଲ୍ଲ ପଧାନ ସମ୍ମାନୀତ ଅତିଥି ଭାବେ ଯୋଗଦେଇଥିଲେ।୧୨ ଟି କ୍ଲଷ୍ଟରରୁ ଆସିଥିବା ୫୦୦ ପ୍ରତିଯୋଗୀଙ୍କ ମଧ୍ୟରେ ୨୮ ଟି ବିଭାଗକୁ ନେଇ ପ୍ରତିଯୋଗୀତା ଅନୁଷ୍ଠିତ ହୋଇଥିଲା।

ଉକ୍ତ ପ୍ରତିଯୋଗିତାର ଶ୍ରେଷ୍ଠ ପ୍ରତିଯୋଗୀ ମାନେ ଜିଲ୍ଲା ସ୍ତରୀୟ ସୁରଭି କାର୍ଯ୍ୟକ୍ରମରେ ନିଜର ପ୍ରତିଭା ପ୍ରଦର୍ଶନ କରିବେ ବୋଲି ବିଭାଗୀୟ ସୁତ୍ରରୁ ଜଣାପଡିଛି। ଏପରିପ୍ରେକ୍ଷୀରେ ବ୍ଲକ ସ୍ତରୀୟ ସୁରଭି ଆୟୋଜନରେ ସକ୍ରୀୟ ଭାବେ ସହଯୋଗ କରିଥିବା ବାନ୍ଦୁପାଲି ଉଚ୍ଚ ପ୍ରାଥମିକ ବିଦ୍ୟାଳୟ ଓ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଦ୍ୱୟଙ୍କୁ ସୁରଭି ସ୍ମାରକୀ  ଦେଇ ସମ୍ମାନୀତ କରାଯାଇଥିଲା। ଜିଲ୍ଲା ସ୍ତରରୁ ରାଜ୍ୟ ସ୍ତରକୁ ଖୋଖୋ ପ୍ରତିଯୋଗୀତାରେ ମନୋନୀତ ହୋଇଥିବା ବିଜେପୁର ବ୍ଲକ ଦଳକୁ ସମ୍ମାନୀତ କରାଯାଇଥିଲା।ସିଆରସିସି ବାସୁଦେବ ପଧାନ,ଶରତ ପଧାନ, ସୀତାରାମ ଦୀପ,ଦୁର୍ବାଦଳ ବଡଗୋଛିଆ,ପ୍ରଭାତ ରଞ୍ଜନ ସାହୁ, ସୁଧାଂଶୁ ଶେଖର ଜାଲ, ଶ୍ରୀନାଥ ସେଠ, ପ୍ରକାଶ ମହାନନ୍ଦ, ହେମନ୍ତ କୁମାର ଆରୁକ,ଡୋଲାମଣି କୁମ୍ଭାର, ନବୀନ କୁମାର ସାହୁ ପ୍ରମୁଖ ପ୍ରତିଯୋଗିତା ପରିଚାଳନାରେ ସହଯୋଗ କରିଥିଲେ। ଉଦଯାପନୀ ସମାରୋହକୁ ଶିକ୍ଷକ ଶଶିଭୂଷଣ ସାହୁ ସଂଯୋଜନା କରିଥିବାବେଳେ,ଶିକ୍ଷକ ପ୍ରେମରାଜ ପଧାନ ଧନ୍ୟବାଦ ଅର୍ପଣ କରିଥିଲେ।