29-Oct-2024

 ବଲାଙ୍ଗୀର ସ୍ଵେଛାସେବୀ ସଂଗଠନ ଦୀର୍ଘ ବର୍ଷ ହେବ ସମାଜସେବାରେ ନିଜକୁ ନିୟୋଜିତ କରି ଆସିଛି, ଗରିବ ଲୋକଙ୍କୁ ସବୁପ୍ରକାରର ସହାୟତା କରି ଆସିଛି 

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀରର ଅଗ୍ରଣୀ ସମାଜିକ ଅନୁଷ୍ଠାନ ବଲାଙ୍ଗୀର ସ୍ବେଚ୍ଛାସେବୀ ସଂଗଠନ ପକ୍ଷରୁ ବାର୍ଷିକ ଭେଟଘାଟ କାର୍ଯ୍ୟକ୍ରମ ସ୍ଥାନୀୟ କୋଶଳ କଳା ମଣ୍ଡଳ ପଡିଆ ଠାରେ ଆୟୋଜିତ ହୋଇଛି । ଏହି ସଂଗଠନ ଭିନ୍ନକ୍ଷମ ଶିଶୁଙ୍କୁ  ଓ ଅସହାୟଙ୍କ ମୁହଁ ରେ ହସ ଫୁଟାଇବା ଲକ୍ଷ୍ୟରେ ସମର୍ପଣ ଉତ୍ସବ ପାଳନ କରିଛି।  ଏହି ଅବସରରେ ଭିନ୍ନକ୍ଷମ ଶିଶୁଙ୍କ ମନୋରଞ୍ଜନ ପାଇଁ ଏକ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଥିରେ ଅତିଥି ଭାବରେ ଓଲିଉଡ ଷ୍ଟାର ବବି ମିଶ୍ର ମୁଖ୍ୟଅତିଥି ଭାବେ ଯୋଗଦେଇ  ସ୍ଵେଚ୍ଛାସେବୀ ସଂଗଠନର  ଜନହିତକର କାମର ଭୂୟସୀ ପ୍ରଶଂସା କରିଥିଲେ l ସମ୍ବଲପୁରୀ ରକଷ୍ଟାର ରୁକୁ ସୁନା,  ପୌରାଧ୍ୟକ୍ଷା  ଲିକl ସାହୁ, ବଲାଙ୍ଗୀର ବ୍ଲକ ଅଧ୍ୟକ୍ଷା ସରିତା ବାଗ, ଦେଓଗାଁ ବ୍ଲକ ଅଧ୍ୟକ୍ଷ ମଣ୍ଟୁ ଖମାରୀ, ବିଜେଡ଼ି ନେତା ଲୋଟସ ଷଡ଼ଙ୍ଗୀ, କଂଗ୍ରେସ ଯୁବନେତା ଆକବର ଖାନ୍ ପ୍ରମୁଖ ସମ୍ମାନିତ ଅତିଥି ରୂପେ ଯୋଗଦେଇ ନିଜର ଅଭିଭାଷଣ ପ୍ରଦାନ କରି ରୋଗୀ ସେବା ଓ ଅସହାୟ ମାନଙ୍କ ସାହାଯ୍ୟ ପାଇଁ ସଂଗଠନର ନିସ୍ୱାର୍ଥପର ଉଦ୍ୟମକୁ ସ୍ଵାଗତ କରିଥିଲେ l ମୁଖ୍ୟ ବକ୍ତା ବରିଷ୍ଠ ସାମ୍ବାଦିକ ସତ୍ୟ ପ୍ରକାଶ ନାଏକ, ସଂଗଠନ ଉପଦେଷ୍ଟା ମଣ୍ଡଳୀ ଟୁନା ମିଶ୍ର, କିଶୋର ରଥ, ଉତ୍ତମ ନନ୍ଦ ପ୍ରମୁଖ ମଞ୍ଚାସୀନ ଥିଲେ। ସେହିପରି ବଲାଙ୍ଗୀର  ଜଗତବନ୍ଧୁ ଶିକ୍ଷା ନିକେତନ ସାଲେପାଲି, ପାର୍ବତୀଗିରି ଆଶ୍ରମ, ପଥରଚେପା ଆଦ୍ୟାଶା ଆଶ୍ରମ ପଥରଚେପା, ଅନ୍ଧମୁଖ ବଧିର ସେବା ନିକେତନ ଶିବତଲା, ତରଭାର ଶତାଧିକ ଛାତ୍ରଛାତ୍ରୀ ଏଥିରେ ସାମିଲ ହୋଇଥିଲେ। ତେବେ ଭିନ୍ନକ୍ଷମ ଶିଶୁ ମାନଙ୍କ ପାଇଁ ଏଠି ସାମିଲ ହୋଇଥିବା ଓଲିଉଡ ଷ୍ଟାର ବବି ମିଶ୍ର ଓ ସମ୍ବଲପୁରୀ ରକ୍ ଷ୍ଟାର ରୁକୁ ସୁନା ଓ ତାଙ୍କ ଟିମ୍ ଗୀତ ନାଚ ପରିବେଷଣ କରିଥିଲେ। ସେହିପରି ଉପସ୍ଥିତ ହଜାର ହଜାର ଦର୍ଶକ, ବିଭିନ୍ନ ସଙ୍ଗଠନର ସଦସ୍ୟ  ଏହି ସମର୍ପଣ ସନ୍ଧ୍ୟାରେ ସମ୍ବଲପୁରୀ  ସଙ୍ଗୀତର ବେଶ ମଜା ଉଠାଇ ଥିଲେ।
  ସୂଚନାଯୋଗ୍ୟ ଯେ,  ଲୋକଙ୍କ ହକ ଦାବି ପାଇଁ ମଧ୍ୟ ଲୋକଙ୍କ ସହ ଛିଡା ହୋଇ ସରକାରଙ୍କ ଦୃଷ୍ଟି ଆକର୍ଷଣ କରି ଆସିଛି ଏହି ସଂଗଠନ l