22-Oct-2024

ବରଗଡ଼(ପ୍ରେରଣା ଖବର): କନ୍ୟାଭ୍ରୁଣ ହତ୍ୟାକୁ ରୋକିବା ତଥା ବାଳିକା ଶିକ୍ଷା ପ୍ରତି ଆଗ୍ରହ ସୃଷ୍ଟି କରିବା ସହିତ ସେମାନଙ୍କ ଅଧିକାର ପ୍ରତି ଜନ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଶିକ୍ଷା କାର୍ଯ୍ୟାଳୟ ତରଫରୁ କାର୍ଯ୍ୟାଳୟ ପରିସରରେ ଥିବା ସମ୍ମିଳନୀ କକ୍ଷରେ ବ୍ଲକସ୍ତରୀୟ ଆନ୍ତର୍ଜାତୀୟ ଶିଶୁ କନ୍ୟା ଦିବସ ପାଳିତ ହୋଇଯାଇଛି।ଏହି ଅବସରରେ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତି ଭାବନା ସାହୁଙ୍କ ଅଧ୍ୟକ୍ଷତାରେ ଆୟୋଜିତ ଏକ ବୈଠକରେ ମୁଖ୍ୟ ଅତିଥି ଭାବରେ ସ୍ଥାନୀୟ ସିଡିପିଓ ଜୟନ୍ତୀ

ଗଡତିଆ,ସମ୍ମାନିତ ଅତିଥି ଭାବରେ ସହ ଗୋଷ୍ଠୀ  ଶିକ୍ଷା ଅଧିକାରୀ ଲାଲ ମୋହନ ସିଂ ଏବଂ ସହ ଗୋଷ୍ଠୀ ଶିକ୍ଷା ଅଧିକାରୀ ମୋହନ ଚରଣ ମହାନ୍ତ ଯୋଗଦେଇଥିଲେ । ଦେଶର ପ୍ରଗତି ପାଇଁ ବାଳିକା ଶିକ୍ଷା ନିତାନ୍ତ ଆବଶ୍ୟକ ତେଣୁ ସେମାନଙ୍କ ମୌଳିକ ଅଧିକାର ପ୍ରତି ଗୁରୁତ୍ବ ଦେବା ପାଇଁ ସମସ୍ତେ ଉଦ୍ୟମ କରିବା ଉଚିତ ବୋଲି ଅତିଥିବୃନ୍ଦ ମତବ୍ୟକ୍ତ କରିଥିଲେ।ଆନ୍ତର୍ଜାତୀୟ ଶିଶୁ କନ୍ୟା ଦିବସ ଉପଲକ୍ଷେ ଆୟୋଜିତ ବ୍ଲକସ୍ତରୀୟ ତର୍କ,ସଙ୍ଗୀତ ଓ ନୃତ୍ୟ ପ୍ରତିଯୋଗୀତାରେ ବ୍ଲକର ସମସ୍ତ କ୍ଲଷ୍ଟରର ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ସଙ୍ଗୀତ ପ୍ରତିଯୋଗୀତାରେ କନିଷ୍ଠ ବିଭାଗରୁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଚିଚୋଲିର ଶ୍ରୁତି ଭୋଇ ଓ ବରିଷ୍ଠ ବିଭାଗରୁ ହୀରାଧର ହାଇସ୍କୁଲ ଭୈନାତୋରାର ଲିପସା ଖମାରୀ ପ୍ରଥମ ସ୍ଥାନ ଅଧିକାର କରିଥିଲେ। ତର୍କ ପ୍ରତିଯୋଗୀତାରେ କନିଷ୍ଠ ବିଭାଗରୁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଦ୍ୱାରୀର ଶ୍ରୁତି ପଟେଲ ଓ ବରିଷ୍ଠ ବିଭାଗରୁ କେଦାରନାଥ ହାଇସ୍କୁଲ ଅମ୍ବାଭୋନାର ଶୀତଳ ପଟେଲ ପ୍ରଥମ ସ୍ଥାନ ଅଧିକାର କରିଥିଲେ। ନୃତ୍ୟ ପ୍ରତିଯୋଗୀତାରେ କନିଷ୍ଠ ବିଭାଗରୁ ସେବାଶ୍ରମ ପ୍ରାଥମିକ ବିଦ୍ୟାଳୟ ବଡ ଦର୍ଲ୍ଲିପାଲିର ଅଙ୍କିତା ଷଣ୍ଢ ଓ ବରିଷ୍ଠ ବିଭାଗରୁ ପୁରୁଷୋତ୍ତମ ହାଇସ୍କୁଲ ରୁଚିଦାର ମନୀଷା ମେହେର ପ୍ରଥମ ସ୍ଥାନ ଅଧିକାର କରିଥିଲେ। 

ବିଚାରକବିଚାରକ ଭାବରେ ତର୍କ ପ୍ରତିଯୋଗୀତାରେ ସୁଲଳିତ ପାତ୍ର ଓ ସନୁ ପଧାନ, ନୃତ୍ୟ ପ୍ରତିଯୋଗୀତାରେ  ସୁରଜ ବେହେରା ଓ ପଦ୍ମନାଭ ପଣ୍ଡା ,ସଙ୍ଗୀତ ପ୍ରତିଯୋଗୀତାରେ ରବିଶଙ୍କର ବେହେରା ଓ ଫାଲଗୁନୀ ପଣ୍ଡା ଯୋଗ ଦେଇଥିଲେ। କାର୍ଯ୍ୟକ୍ରମ ପରିଚାଳନାରେ ଭୁକ୍ତା ବ୍ଲକ କଲୋନୀ ସ୍କୁଲର ପ୍ରଧାନ ଶିକ୍ଷକ ଶ୍ୟାମ ଚରଣ ନାଏକ,ସି ଆର୍ ସି ସି ପୁନୀରାମ ଗଣ୍ଡ, ରାମେଶ୍ବର ଭୋଇ,ଚୌଧୁରୀ ପାତ୍ର,ସୁମନ୍ତ ବାଗ,ଶିକ୍ଷକ ସଞ୍ଜୟ ଖମାରୀ, ସ୍ୱାଧୀନ ସାହୁ ସକ୍ରିୟ ସହଯୋଗ କରିଥିଲେ। ସି ଆର୍ ସି ସି ପୁନୀରାମ ଗଣ୍ଡ ସଭାକାର୍ଯ୍ୟ ପରିଚାଳନା କରିଥିବା ବେଳେ ଶିକ୍ଷକ ସନ୍ତୋଷ କୁମାର ମାଝୀ ଧନ୍ୟବାଦ ଅର୍ପଣ କରିଥିଲେ।