16-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲାର ପବିତ୍ର ନୃସିଂହନାଥ ପରିସରରେ ବିଶ୍ଵ ଖାଦ୍ୟ ଦିବସ ଅବସରରେ ଜୈବ ବିବିଧତା ଉତ୍ସବ ବୁଧବାର ଉତଯାପିତ ହୋଇଯାଇଛି। ଦୁଇ ଦିନ ଧରି ଚାଲିଥିବା ଏହି ଉତ୍ସବ ପାଇକମାଲ ଅହିଂସା କ୍ଳବ ଆନୁକୁଲ୍ୟରେ ଅନୁଷ୍ଠିତ ହୋଇଯାଇଛି।ଏ ନେଇ ଅନୁଷ୍ଠିତ ସଭାରେ ଡୋଲାମଣି ମହାପାତ୍ର ସଭାପତିତ୍ବ କରିଥିବା ବେଳେ ବରଗଡ ସାଂସଦ ପ୍ରଦୀପ ପୁରୋହିତ ମୁଖ୍ୟଅତିଥି ଭାବେ ଯୋଗ ଦେଇଥିଲେ।ସେହିପରି ମୁଖ୍ୟ ବକ୍ତା ଭାବେ ପଦ୍ମଶ୍ରୀ ହଳଧର ନାଗ, ସମ୍ମାନିତ ଅତିଥି ଭାବେ ଏ.ଡି.ଓ. ପ୍ରଭାସ କୁମାର ପଣ୍ଡା,ଡି.ପି.ସି.ୱାସାନ ସବ୍ୟସାଚୀ ହନୁମାନ,ଯାଦବ ନିଲି ଠାକୁର,ଦିନେଶ ବାଲମ,ସମାଜ ସେବୀ ତଥା ପ୍ରକୃତି ବନ୍ଧୁ ବଡ଼ ଶତପଥି, ସ୍କିମ ଅଫିସର ଅଞ୍ଜନ କୁମାର ନାୟକ, ବି.ଏ.ଓ. ସୋମନାଥ ମହାପାତ୍ର,ଜିଲ୍ଲା ପରିଷଦ ସଦସ୍ୟ ସୁରେନ୍ଦ୍ର ପ୍ରତାପ ସିଂ ବରିହା,ସରୋଜ ସାମଲ,ରାମ କୁମାର ଗୁପ୍ତା ପ୍ରମୁଖ ଅତିଥି ଭାବରେ ଯୋଗଦେଇ ବିଶ୍ଵ ଖାଦ୍ୟ ଦିବସ ଅବସରରେ ଅମୃତର ସନ୍ତାନ ଅମୃତ ଖାଇବା ବଦଳରେ ପରୋକ୍ଷରେ ବିଷ ଖାଉଛେ,ଯେଉଁ ଜିନିଷ କୁ ନେଇ  ଅନ୍ନ ଉପାର୍ଜନ ହେଉଛି,ଅଧିକରୁ ଅଧିକ ଉପାର୍ଜନ ହେବ ବୋଲି ସାର ରୂପକ ବିଷ ପ୍ରୟୋଗ କରୁଛି।

ଏଣୁ ଜୈବିକ ପଦ୍ଧତିରେ ଅନ୍ନ ଉପାର୍ଜନ କଲେ ବିଷ ବଦଳରେ ଅମୃତ ଖାଇବାକୁ ମିଳିବ ବୋଲି ଅତିଥି ମତ ପ୍ରକାଶ କରିଥିଲେ। ବିଶ୍ଵ ତାପ ନିୟନ୍ତ୍ରଣ ପାଇଁ ସମସ୍ତେ ବୃକ୍ଷ ଲଗାଇବା ପାଇଁ ପ୍ରକୃତି ବନ୍ଧୁ ଶ୍ରୀ ଶତପଥି ମତବ୍ୟକ୍ତ କରିବା ସହ ଏଅବସରରେ ମୁଖ୍ୟ ଅତିଥି ସାଂସଦ ଶ୍ରୀଯୁକ୍ତ ପୁରୋହିତଙ୍କୁ ଗୋଟିଏ ବୃକ୍ଷ ପ୍ରଦାନ କରିଥିଲେ।ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ ବିଶିଷ୍ଟ କୃଷକ ନେତା ସରୋଜ ମହାନ୍ତି ।ସଭା ପରିଚାଳନା କରିଥିଲେ ଶିବ ପ୍ରସାଦ ସାହୁ। ୨ୟ ଅଧିବେଶନରେ ଡୋଳାମଣି ମାହାରଙ୍କ ପରିଚାଳନାରେ ବିଭିନ୍ନ ସ୍କୁଲ କଲେଜର କୃତି ଛାତ୍ର ଛାତ୍ରୀ,କୃଷକ,ସ୍ଵୟଂ ସହାୟିକା ଗୋଷ୍ଠୀ ତଥା ଯମୁନା କନ୍ଧୁଣି ବାଳିକା ଉଚ୍ଚ ବିଦ୍ୟାଳୟଳର ନୃତ୍ୟରେ ଭାଗ ନେଇଥିବା ଛାତ୍ରୀ ମାନଙ୍କୁ ଅତିଥି ମାନେ ମାନପତ୍ର ଓ ଉପଢ଼ୌକନ ଦେଇ ସମ୍ମାନିତ କରିଥିଲେ।ଏଥିସହ ଅହିଂସା କ୍ଳବ ପକ୍ଷରୁ ଗୁଲ୍ଜି କୁଦୋ ଜୈବିକ ପଦ୍ଧତିରେ ଚାଷ କରିବା ପାଇଁ ଚାଷୀ ମାନଙ୍କୁ ସରକାର ପ୍ରୋତ୍ସାହନ ଦେବା ପାଇଁ ସାଂସଦ ପୁରୋହିତଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଏକ ଦାବୀ ପତ୍ର ପ୍ରଦାନ କରିଥିଲେ।ଶେଷରେ ନୀଳମଣି ପୁରୋହିତ ଧନ୍ୟବାଦ ଅର୍ପଣ କରୁଥିବା ବେଳେ ଗୌରଚନ୍ଦ୍ର ସାହୁ ପ୍ରମୁଖ ବିଭିନ୍ନ କାର୍ଯ୍ୟରେ ସହଯୋଗ କରିଥିଲେ। ପ୍ରାୟ ହଜାର ହଜାର ସଂଖ୍ୟାରେ ମହିଳା ଓ ପୁରୁଷ ମାନେ ଯୋଗ ଦେଇଥିଲେ।