16-Oct-2024

ଅତାବିରା(ଆକାଶ ମିଶ୍ର): ଅତାବିରା ବସ୍ତିରେ ମାଁ ସମଲେଶ୍ଵରୀଙ୍କ ବଏଲ ଯାତ୍ରା ଆଜି ସମ୍ପନ୍ନ ହୋଇଯାଇଛି ।  ଏହି ଯାତ୍ରା ପାଇଁ ପୂଜାକାର୍ଯ୍ୟ ମହାଳୟା ଦିନ ଠାରୁ ଆରମ୍ଭ ହୋଇଥାଏ। ଏଥିପାଇଁ ଘଣ୍ଟଶଙ୍ଖ ସହ ଦୁଲୁଦୁଲି  ବାଜାରେ ଶତାଧିକ ମହିଳା ଓ ପୁରୁଷ କଳସ ଶୋଭାଯାତ୍ରାରେ ବାହାରି  ଦମ୍ ଦମା  ପର୍ଯ୍ୟନ୍ତ ପହଞ୍ଚି ସେଠାରେ ପୂଜାର୍ଚ୍ଚନା କରି ପବିତ୍ର ଜଳଭରି ପୂର୍ଣ୍ଣ କଳସ ସହ ମାଁ ଙ୍କ ଖଣ୍ଡା ଧରି ସହର ପରିକ୍ରମା ପୂର୍ବକ ମନ୍ଦିରରେ ପହଞ୍ଚିଥିଲେ। ଏହାପରେ ରୀତିନୀତି ସହ ପୂଜା ଆରମ୍ଭ ହୋଇଥିଲା। ପ୍ରତିଦିନ ସକାଳେ ଚଣ୍ଡୀ ହୋମଯଜ୍ଞ ସହ ଷୋଡ଼ଶ ପୂଜା କରାଯାଇ ସନ୍ଧ୍ୟାରେ ମାଁ ଙ୍କ ମହାଆରତୀ କରାଯାଉଥିଲା। ବିଜୟା ଦଶମୀ ଦିନ ଅପରାଜିତା ଓ ଘଟ ବିସର୍ଜନ ପରେ ଆଜି  ପ୍ରାତଃ ୩ ଟା ରୁ ପୂଜକ ଝାଙ୍କର ବିଶ୍ଵନାଥ ଭୁଏ ଙ୍କ ଦେହରେ ମାଁ ପ୍ରବେଶ କରି ଭକ୍ତଙ୍କୁ ଦର୍ଶନ  ଦେଇଥିଲେ। ସନ୍ଧ୍ୟା ସମୟରେ ମହାଆରତୀକୁ ଦେଖିବା ପାଇଁ  ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଲାଗି ରହୁଥିଲା। ମାନସିକଧାରୀ ମାନେ ଅଖଣ୍ଡ ଦୀପ ଜାଳି ମାନସିକ ପୁରଣ ପାଇଁ ମାଁ ଙ୍କ ଠାରେ ପ୍ରାର୍ଥନା  କରିଥିଲେ। ସେମାନଙ୍କ ଆସ୍ଥା ଓ ବିଶ୍ୱାସ ରହିଛି ଯେ ମାଁ ବରୁଆ ଦେହରେ ପ୍ରବେଶ କରି ସମସ୍ତଙ୍କୁ ଦର୍ଶନ ଦେବା ସହିତ ସମସ୍ତଙ୍କର  ମନୋକାମନା ପୁରଣ କରିଥିଲେ। ଏହି ପୂଜା ପାଇଁ ଚଳିତବର୍ଷ ସନାତନ ପ୍ରଧାନ ଓ ଧର୍ମପତ୍ନୀ ରାଧାରାଣୀ ଏବଂ ଜନାର୍ଦ୍ଦନ ପ୍ରଧାନ ଓ ପତ୍ନୀ ରୁକ୍ମିଣୀ କର୍ତ୍ତା ଦାୟିତ୍ଵ ନିର୍ବାହ କରୁଛନ୍ତି। ପଣ୍ଡିତ ସଞ୍ଜୟ ଦାଶ, ରାକେଶ ମିଶ୍ର ଓ ସାଥୀ ପଣ୍ଡିତ ଭାବେ ବରଣ ହୋଇ ପୂଜାଦାୟିତ୍ଵ ତୁଲାଇ ଥିଲେ। ଏହି ପୂଜାର ଅନ୍ତିମ ଦିବସରେ ଚଣ୍ଡୀ ହୋମ ହୋଇ ଥିଲା l ଏଥିରେ କର୍ତ୍ତା ମନୋଜ ବାଙ୍କା ସପତ୍ନିକ କର୍ତ୍ତା ଦାୟିତ୍ଵ ତୁଲାଇଥିଲେ। ବରୁଆ କାଳିଆ ଝାଂକରଙ୍କ ଦେହରେ ମାଁ ବିରାଜମାନ କରି ଭକ୍ତଙ୍କ ମନୋକାମନା ପୁରାଣ କରିଥିଲେ l ପ୍ରତି ଘରେ 

ମା ସମଲେଶ୍ବରୀଙ୍କୁ ପୂଜାର୍ଚ୍ଚନା କରି ଶ୍ରଦ୍ଧା ସହ ମାଁ ଙ୍କ ନିକଟରେ ନିଜ ନିଜର ଦୁଃଖ ଗୁହାରି କରିଥିଲେ।
ରାତିରେ ସାଂସ୍କୃତିକ କାର୍ଯ୍ୟକ୍ରମରେ ଉଦିଆଁତରା ମହିଳା ଦଣ୍ଡ ନୃତ୍ୟ ଓ କୂରେଫୁଲ ସାଂସ୍କୃତିକ ଅନୁଷ୍ଠାନ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହେବlସହ ଅନ୍ୟ ଦିନ ଗୁଡ଼ିକରେ ଭଜନ ସନ୍ଧ୍ୟା କରାଯାଇଥିଳା। ଭୋଇପୂରା  ଗ୍ରାମ ଓ ଯାଦବ ସମାଜ  ପକ୍ଷରୁ  ଯୁଗାରଯାତ୍ରା ପହଞ୍ଚି ବୋଲି ପୂଜା କମିଟି ସୂତ୍ରରୁ ଜଣା ପଡ଼ିଛି । କମିଟିର ସଭାପତି ରଘୁନାଥ ବିଶ୍ଵାଳ, ସମ୍ପାଦକ ମନୋଜ ବରେଇ ଓ କୋଷାଧ୍ୟକ୍ଷ ଦେବେଶ ପ୍ରଧାନ, ସମସ୍ତ  କର୍ମକର୍ତ୍ତା ଓ  ଗ୍ରାମବାସୀ ସକ୍ରିୟ ସହଯୋଗ କରିଥିଲେ ।