16-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ସର୍ବ ଭାରତୀୟ ସ୍ତରର ଓକିଲମାନଙ୍କ ସୁରକ୍ଷା ପାଇଁ ଗଠିତ  ହୋଇଥିବା ଅଖିଳ ଭାରତୀୟ ନ୍ଯାୟୀକ ସଂଗଠନ ,   ଆଇଲାଜ  (All India lawyers' Association for justice ) ତରଫରୁ ବରଗଡ଼ ସ୍ଥିତ ସମତା ଭବନ ପରିସରରେ ଏକ ଆଲୋଚନା ସଭା ଏଡଭୋକେଟ ରମେଶ ପତି ଙ୍କ ସଭାପତିତ୍ବରେ  ଅନୁଷ୍ଠିତ ହୋଇଥିଲା । ଏହି ଆଲୋଚନା ସଭାରେ ସଂଗଠନ ର ରାଜ୍ୟ ଆବାହକ ତଥା ଓଡିଶା ଉଚ୍ଚ ନ୍ୟାୟାଳୟ ର  ବରିଷ୍ଠ ଆଇନଜୀବୀ ଗୁରୁ ପ୍ରସାଦ ମହାନ୍ତି ମୁଖ୍ୟ ଅତିଥି ଭାବେ ଯୋଗ ଦେଇ କହିଥିଲେ ଯେ ଭାରତୀୟ ନ୍ଯାୟୀକ ବ୍ଯବସ୍ଥା ରେ ଓକିଲମାନଙ୍କ ଗୁରୁତ୍ବପୂର୍ଣ ଭୂମିକା ରହିଛି। ସାଂପ୍ରତିକ ପରିସ୍ଥିତିରେ ଯେଉଁ ଓକିଳମାନେ ଅନ୍ଯମାନଙ୍କୁ ସୁରକ୍ଷା ପ୍ରଦାନ କରୁଛନ୍ତି  ସେମାନଙ୍କୁ ସୁରକ୍ଷାର ଆବଶ୍ୟକତା ରହିଛି ବୋଲି ସେ ଗୁରୁତ୍ବାରୋପ କରିଥିଲେ। ଏହାକୁ ନେଇ ରାଷ୍ଟ୍ରୀୟ ଓ  ରାଜ୍ୟ ସ୍ତରରେ ଏହି ସଂଗଠନ କାର୍ଯ୍ଯ କରିଆସୁଛି। ଆସନ୍ତା ୨୧ ଡିସେମ୍ବର ୨୦୨୪ ରେ କଟକ ଠାରେ ହେବାକୁ ଥିବା ରାଷ୍ଟ୍ରୀୟ ସମ୍ମିଳନୀ ଅନୁଷ୍ଠିତ ହେବ।

ଏହି କାର୍ଯ୍ୟକ୍ରମରେ ବରଗଡ଼ ରୁ ବହୁ ସଂଖ୍ୟାରେ ଯୋଗଦାନ କରିବା ପାଇଁ ଶ୍ରୀ ମହାନ୍ତି ଆହ୍ୱାନ କରିଥିଲେ। ଏହି କାର୍ଯ୍ୟକ୍ରମରେ ଓଡ଼ିଶା ହାଇକୋର୍ଟ ର ବରିଷ୍ଠ ଓକିଳ ଧନୋଜ କୁମାର ସାହୁ, ଅଗସ୍ତି କାନୁନଗୋ, ବିଜୟ କୁମାର ବେହେରା, ଯୋଗଦେଇବା ବେଳେ ବରିଷ୍ଠ ଚାଷୀ ନେତା ଲିଂଗରାଜ,  ବରଗଡ଼ ବାର ଏସୋସିଏସନ ର ସଂପାଦକ ଦ୍ଯୁତିଶ ଆଚାର୍ଯ୍ୟ, ସୀତାରାମ ମେହେର ମଞ୍ଚାସୀନ ହୋଇଥିଲେ ଏବଂ ରମେଶ କୁମାର ପତି, ସରୋଜ କୁମାର ସୁନା, ହୀରାଲାଲ ଭୋଇ , ଜୟରାମ ବାଗ, ଭୈରବି ସାହୁ, ରାକ୍ଷୀ ସୁନା ଆଦି  ଆଲୋଚନା ରେ ଅଂଶଗ୍ରହଣ କରି ଓକିଳମାନଙ୍କ ସୁରକ୍ଷା ଦିଗରେ ଆଲୋଚନା କରିଥିଲେ। ଶେଷରେ  ବିଜେପୁର ଓକିଳ ସଂଘ ର ସଭାପତି ପୂର୍ଣ୍ଣଚନ୍ଦ୍ର ପାଇକ ଧନ୍ୟବାଦ ପ୍ରଦାନ କରିଥିଲେ।