16-Oct-2024

ସୋନପୁର (ମନୋରଞ୍ଜନ ତ୍ରିପାଠୀ) ସୋନପୁର ମଝିପଡ଼ାର ୫୬ତମ ସାର୍ବଜନୀନ ମହାକାଳୀପୂଜା ପାଇଁ ରାମଧୁନ କ୍ଲବର ସମ୍ପାଦକ ପିୟୁଷ କୁମାର ପଣ୍ଡାଙ୍କ ଅଧକ୍ଷତାରେ ମଝିପଡ଼ା ମାଉସୀ ମାଁ ମଣ୍ଡପ ଠାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଅଛି l ସଭାରେ ପ୍ରଥମେ  କ୍ଲବର ପ୍ରତିଷ୍ଠାତା ତଥା ବରିଷ୍ଠ ସଭ୍ୟ ବଳରାମ ପଣ୍ଡାଙ୍କ ବିୟୋଗରେ ସମ୍ମାନ ଜଣାଇ ସମସ୍ତେ ଦୁଇ ମିନଟ ନିରବ ପ୍ରାର୍ଥନା କରି ଅମର ଆତ୍ମା ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ l ବୈଠକରେ ଗତ ବର୍ଷ କାଳୀ ପୂଜାର ଆୟ ବ୍ୟୟ ଉପରେ ଆଲୋଚନା କରାଯାଇଥିଲା lଚଳିତ ବର୍ଷରେ ନୂତନ କର୍ମକର୍ତା ରୂପେ ପୁରେନ୍ଦ୍ର ନାଏକ ସଭାପତି, ବୁବୁନ ନାଏକ ଉପସଭାପତି, ସୁରଜ ସାହୁ ସମ୍ପାଦକ, ଚନ୍ଦନ ସାହୁ ସହ- ସମ୍ପାଦକ ଏବଂ ରାଜୀବ କୁମାର ସାହୁଙ୍କୁ କୋଷାଧକ୍ଷ ଭାବରେ କାର୍ଯ୍ୟ ତୁଲାଇବା ପାଇଁ ପୂଜା କମିଟିରେ ନିଷ୍ପତ୍ତି ନେଇ ଦାୟିତ୍ୱ ପ୍ରଦାନ କରାଗଲା l ଚଳିତ ବର୍ଷ କାଳୀପୂଜା କୁ ଆହୁରି କିପରି ଆକର୍ଷଣୀୟ କରାଯିବ ସେ ବିଷୟରେ ସମସ୍ତେ ନିଜ ନିଜ ମତାମତ ପ୍ରଦାନ କଲେ l ଏହି ବର୍ଷ କିପରି ମାଁଙ୍କୁ ରୁପା ଅଳଙ୍କାର ରେ ସଜ୍ଜିତ  କରାଯିବ ସେ ଉପରେ ନିଷ୍ପତ୍ତି ନିଆଗଲା ଏବଂ  ତୋରଣ, ଆଲୋକ ସଜ୍ଜା, ସାମୁହିକ ପ୍ରସାଦ ସେବନ, ସନ୍ଧ୍ୟା ଆଳତି ଓ ପ୍ରସାଦ ବଣ୍ଟନ, ପ୍ରତ୍ୟହ ଅନୁଷ୍ଟିତ ହେବାକୁ ଥିବା ଭଜନ , ମେଲୋଡି ପ୍ରୋଗ୍ରାମ ତା ସହିତ ଭସାଣି କାର୍ଯ୍ୟକ୍ରମ ଉପରେ ପୁଙ୍ଖାନୁ ପୁଙ୍ଖ ଭାବରେ ଆଲୋଚନା କରାଗଲା l  ଚଳିତ ବର୍ଷ ପୂଜାର ବଜେଟ ପ୍ରାୟତଃ 15 ଲକ୍ଷ ଟଙ୍କା ରଖା ଯାଇଅଛି l ସଭାରେ ପୂଜା କମିଟି ର ଉପଦେଷ୍ଟା କଇରୁ ସ୍ବାଇଁ, ମନ ବୋଧ ଭୋଇ, ଭାକୋଡୋ ସ୍ବାଇଁ, ରାମଜୀ ନେଗି, ମାନସ ସେଠି, ଜଗତ ବନ୍ଧୁ ତ୍ରୀପାଠୀ, ବାବୁଲୁ ହୋତା, ଶେଷ ଦେବ ମେହେର ପ୍ରମୁଖ ସମସ୍ତ  ଉପଦେଷ୍ଟା ଓ  ଶତାଧିକ ସଭ୍ୟ  ଉପସ୍ଥିତ ରହିଥିବା ବେଳେ ସଭା କାର୍ଯ୍ୟକୁ ବିକାଶ ପଣ୍ଡା ପରିଚାଳନା କରିଥିଲେ l