15-Oct-2024

ବଲାଙ୍ଗୀର(ପ୍ରେରଣା ଖବର): ଆସନ୍ତା ଡିସେମ୍ବର ୨୧ ଓ ୨୨ ତାରିଖ ଦୁଇ ଦିନ ଧରି ବଲାଙ୍ଗୀର ପତିତପାବନ ଏକାଡେମୀର ହୀରକ ଜୟନ୍ତୀ ପାଳନ ହେବ l ଉତ୍ସବକୁ ସଫଳ କରିବା ତଥା ଆଡମ୍ବରପୂର୍ଣ୍ଣ ଭାବେ ପାଳନ ପାଇଁ ସ୍କୁଲର ପୁରାତନ ଛାତ୍ର ମାନଙ୍କୁ ନେଇ ପ୍ରସ୍ତୁତି ବୈଠକ ଅନୁଷ୍ଠିତ ହେଉଛି l ଗତକାଲି ସନ୍ଧ୍ୟାରେ ଏ ସଂକ୍ରାନ୍ତରେ ପି ପି ଏକାଡେମୀ କନଫରେନ୍ସ ହଲ୍ ଠାରେ ଏହି ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା l ପି ପି ଏକାଡେମୀ ୧୯୭୩ ରୁ ୨୦୧୨ ମେଟ୍ରିକ୍ ବ୍ୟାଚ ର ପ୍ରାୟ ୭୦ଜଣ ପୂରାତନ ଛାତ୍ର ଏଥିରେ ଅଂଶଗ୍ରହଣ କରିଥିଲେ l ଜୁବଲି ଉତ୍ସବର କାର୍ଯ୍ୟକାରୀ କମିଟିକୁ ପ୍ରତ୍ୟେକ ବ୍ୟାଚର ଅନ୍ୟୁନ ଜଣେ ପୁରାତନ ଛାତ୍ରଙ୍କୁ ଚୟନ କରାଯିବାକୁ ନିଷ୍ପତ୍ତି ହୋଇଛି l ଏଥିସହ ଅନ୍ୟନ୍ୟ କମିଟି ଗଠନ ଉପରେ ଆଲୋଚନା ହୋଇଥିଲା l ପୂରାତନ ଛାତ୍ର ହେମନ୍ତ ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ସ୍କୁଲର ପ୍ରଧାନ ଶିକ୍ଷକ ସିନୁ ସୁନ୍ଦର ପାଢୀ  ଓ ଅନ୍ୟ ପୂରାତନ ଛାତ୍ର ମାନେ ସକ୍ରିୟ ଅଂଶଗ୍ରହଣ କରିଥିଲେ l  ଆସନ୍ତା ୧୭ ତାରିଖ ସନ୍ଧ୍ୟାରେ ପୂରାତନ ଛାତ୍ର ମାନଙ୍କୁ ନେଇ ପୁଣି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହେବାକୁ ନିଷ୍ପତ୍ତି ଗ୍ରହଣ କରାଯାଇଛି l ସଭା ଶେଷରେ ପ୍ରଦୀପ ସାହୁ ଧନ୍ୟବାଦ ଅର୍ପଣ କରିଥିଲେ l