10-Oct-2024

ସୁବର୍ଣ୍ଣପୁର:(ନିରଞ୍ଜନ ତ୍ରିପାଠୀ)-ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଉଫଲା ଗ୍ରାମପଞ୍ଚାୟତର ରଥପୁର ଠାରେ ଚଳିତ ବର୍ଷ ପବିତ୍ର ଦୁର୍ଗାପୂଜା ମହାସମାରୋହରେ ପାଳନ କରାଯାଉଥିବା ବେଳ ରାବଣ ଦରବାର ଗତକାଲି ରାତ୍ର ୯ ଘଣ୍ଟା ସମୟରେ ରାବଣରାଜର ଶୁଭାରମ୍ଭ ହୋଇଯାଇଛି। ଏହି ବର୍ଣ୍ଣାଢ଼୍ୟ ସମାରୋହରେ ପୂର୍ବତନ ଜିଲ୍ଲା ଉଚ୍ଚ ଶିକ୍ଷା ପରାମର୍ଶଦାତା, ସୁବର୍ଣ୍ଣପୁର ଡଃ ପ୍ରଫୁଲ୍ଲ କୁମାର ରଥ, ଶିକ୍ଷାବିତ ଭୁଷଣ ପାତ୍ର ଏବଂ ପୂର୍ବତନ ଏବିଇଓ ମାର୍କେଣ୍ଡେଶ୍ୱର ମିଶ୍ର ଅତିଥି ଭାବେ ଯୋଗଦେଇ ରାବଣ ଦରବାରକୁ ଉଦଘାଟନ କରିଥିଲେ। ଦୁର୍ଗା ପୂଜା କମିଟିର ସଭାପତିଙ୍କ ପୈାରହିତ୍ୟରେ ଅନୁଷ୍ଠିତ ଏହି ଭବ୍ୟ ଉତ୍ସବରେ ଅନ୍ୟମାନଙ୍କ ମଧ୍ୟରେ ସମ୍ପାଦକ ମଳୟ କୁମାର ଅମାତ, କୋଷାଧ୍ୟକ୍ଷ ପ୍ରଫୁଲ୍ଲ ଗାଇମରିଆ, ଶିକ୍ଷକ ଅରବିନ୍ଦ ରଣା ସମ୍ମାନୀତ ଅତିଥି ଭାବେ ଯୋଗଦାନ କରିଥିଲେ। ଏଠାରେ ରାବଣ ଭୂମିକାରେ ବିଶିଷ୍ଟ ମୁକ୍ତ ରଙ୍ଗମଞ୍ଚ କଳାକାର  ଭୁବନେଶ୍ବର ପ୍ରଧାନ ଅଭିନୟ କରୁଛନ୍ତି। ପ୍ରଥମ ସାନ୍ଧ୍ୟ ରଜନୀର ମୁକ୍ତ ରଙ୍ଗମଞ୍ଚରେ ରାବଣ, କୁମ୍ଭକର୍ଣ୍ଣ ଓ ବିଭିଷଣ ବ୍ରହ୍ମାଙ୍କ ଠାରୁ ବର ପ୍ରାପ୍ତି,କୁବେର ରାଜାଙ୍କୁ ଆକ୍ରମଣ ଏବଂ ତାଙ୍କୁ ପରାସ୍ତ କରି ସିଂହାସନ ଆରୋହଣ ପରିବେଷଣ ହୋଇଥିଲା।