10-Oct-2024

ବୀରମହାରାଜାପୁର(ପ୍ରେରଣା ଖବର):  ଝାଡେଶ୍ୱରି ମହାବିଦ୍ୟାଳୟରେ ରାଜନୀତି ବିଜ୍ଞାନ ବିଭାଗ ପକ୍ଷରୁ ସ୍ବାଗତ ସମ୍ବର୍ଦ୍ଧନା ସଭା "ନବାଗତମହୋତ୍ସବ" ପାଳିତ ହୋଇଯାଇଛି ।  ଅଧ୍ୟକ୍ଷ ଅନିଲ ପ୍ରଧାନଙ୍କ ଅଧ୍ୟକ୍ଷତା ଓ ଅଧ୍ୟାପକ  ସଂଜୟ କୁମାର ସାହୁଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି ସଭାରେ ଯୁକ୍ତ ଦୁଇ ସ୍ରୋତର ଅଧ୍ୟକ୍ଷ ଅଶୋକ ପୁରୋହିତ ମୁଖ୍ୟ ଅତିଥି ଭାବେ ଯୋଗଦଇ ଉଦବୋଧନ ଦେଇଥିଲେ। ସମ୍ମାନିତ ଅତିଥିଭାବେ ଅଧ୍ୟାପକ ରବୀନ୍ଦ୍ର ନାରାୟଣ ଠାକୁର ଓ ଗ୍ରନ୍ଥାଗାରିକ ଲମ୍ବୋଦର ପାଢ଼ୀ ଯୋଗଦେଇ ଛାତ୍ରଛତ୍ରୀମାନଙ୍କୁ ଉତ୍ସାହିତ କରିଥିଲେ । ସ୍ଵତନ୍ତ୍ର ଅତିଥି ଭାବେ ଯୋଗଦେଇଥିଲେ ଏହି କଲେଜର ଚାରିଜଣ ପୂର୍ବତନ  ଛାତ୍ର  ଆଶୀର୍ବାଦ ପାଣିଗ୍ରାହୀ, ଶତଦ୍ରୁ ସାହୁ, ରୋହିତ ସ୍ୱାଇଁ ଓ ସ୍ବରାଜ ପାଣିଗ୍ରାହୀ ଯେଉଁମାନେ କି ପି.ଜି. ପ୍ରବେଶିକା ପରୀକ୍ଷାରେ ଭଲ ରାଙ୍କ ରଖି

ବିଭିନ୍ନ ଉଚ୍ଚ ଶିକ୍ଷାନୁଷ୍ଠାନରେ  ସ୍ନା୍ତକୋତ୍ତର ରାଜନୀତି ବିଜ୍ଞାନରେ ଅଧ୍ୟୟନରତ । ଏହି ସଭାରେ  ଛାତ୍ର ପ୍ରିତମ ବାରିକ ସ୍ବାଗତ ଭାଷଣ ଦେଇଥିବାବେଳେ ଶେଷବର୍ଷର ଛାତ୍ରୀମାନେ ସ୍ବାଗତ ସଙ୍ଗୀତ ଗାନ କରିଥିଲେ ଓ  ଅଧ୍ୟାପକ ବଳଦେବ ମହାକୁର ବେଦମନ୍ତ୍ର ପାଠ କରିଥିଲେ । ଛାତ୍ର ରାମାନନ୍ଦ ପଣ୍ଡା ସଭା ସଂଯୋଜନା କରିଥିବା ବେଳେ ସୁମିପ୍ରୀୟା ଡନସନା ଧନ୍ୟବାଦ ଦେଇଥିଲେ । ଅଧ୍ୟାପକ ପ୍ରମୋଦ ଦେହେରି, ଅଧ୍ୟାପିକା ସୁଦୀପ୍ତ। ଦାଶ, ତନ୍ମୟ। ବେହେରା, ସୁଶ୍ରୀ ପାଢ଼ୀ, ସ୍ମାରକୀ ମାହାର, ସୁନୀତା ସେଠ୍ ପ୍ରମୁଖ ଉପସ୍ଥିତ ଥିଲେ।   ସଭା ଶେଷରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା ।