18-Sep-2024

ବରଗଡ଼/ରେଙ୍ଗାଲିକ୍ୟାମ୍ପ[ଆକାଶ ମିଶ୍ର]: ଆଜି ଅତାବିରା ବ୍ଲକ  କାର୍ଯ୍ୟାଳୟ ପରିସରରେ ଅତିରିକ୍ତ ଜିଲ୍ଲାପାଳ ମହେନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ସାମାଜିକ  ସମୀକ୍ଷାର ଜନ ଶୁଣାଣି କାର୍ଯ୍ୟକ୍ରମ  ଅନୁଷ୍ଠିତ ହୋଇ ଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲା ସାମାଜିକ ସମୀକ୍ଷକ ଆନନ୍ଦ ପ୍ରଧାନ,  ଅତାବିରା ଗୋଷ୍ଠୀ ଉନ୍ନୟନ ଅଧିକାରୀ  ସୂର୍ଯ୍ୟ କୁମାର  ନାୟକ, ବ୍ଲକ ଉପାଧ୍ୟକ୍ଷ ଅନନ୍ତ ମେହେର, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଗିରିନ୍ଦ୍ର ସାହୁ , ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀ ମନିଶିବା ମହାପାତ୍ର, ମଞ୍ଚାସିନ ରହିଥିଲେ। କାର୍ଯ୍ୟକ୍ରମରେ  ଗ୍ରାମ ପଞ୍ଚାୟତ ସ୍ତରୀୟ ସାମାଜିକ ସମୀକ୍ଷା ରେ ପରିଲକ୍ଷିତ ତ୍ରୁଟି ବିଚ୍ୟୁତିକୁ ପୁଙ୍ଖାନୁ ପୁଙ୍ଖ ଭାବେ ଆଲୋଚନା କରାଯାଇଥିଲା। ସେଗୁଡିକୁ ମାର୍ଜିତ କରିବା ପାଇଁ ଶ୍ରୀ ମହାପାତ୍ର କଡାକଡି ଭାବେ ନିର୍ଦ୍ଦେଶ ଦେଇଥିଲେ। ଦୀର୍ଘ ତିନି ଘଣ୍ଟା ଧରି ଗ୍ରାମ୍ୟ ସମ୍ବଳ ବ୍ୟକ୍ତିଙ୍କ ସମୀକ୍ଷା  ବିବରଣୀ ଉପରେ ବିହିତ କାର୍ଯ୍ୟାନୁଷ୍ଠାନ ନେବା ପାଇଁ   ପ୍ରକାଶ କରିଥିଲେ। ମଞ୍ଚାସୀନ  ଅତିରିକ୍ତ ଜିଲ୍ଲାପାଳ 
 ଭି ଆର୍ ପି  ମାନଙ୍କ ପ୍ରଶ୍ନ ଓ ସମସ୍ୟା ଉପରେ ନିଜର ମତ  ପ୍ରକାଶ କରିଥିଲେ। ଏହା ବ୍ୟତୀତ ସେମାନଙ୍କ କାର୍ଯ୍ୟରେ ରହିଥିବା ତ୍ରୁଟିକୁ ନେଇ  ଉଚ୍ଚ ପଦକ୍ଷେପ ନେବା ପାଇଁ  ନିର୍ଦ୍ଦେଶ ଦେଇଥିଲେ । ବିଭିନ୍ନ ପଞ୍ଚାୟତର ସରପଞ୍ଚ, ସମିତି ସଭ୍ୟ, ୨୪ ଟି ପଞ୍ଚାୟତର କନିଷ୍ଠ ଯନ୍ତ୍ରୀ, ନିର୍ବାହୀ ଅଧିକାରୀ,  ଜି ଆର୍ ଏସ୍ ,  ଭି ଆର୍ ପି,  ଉପସ୍ଥିତ ଥିଲେ। ଶେଷରେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ସାହୁ ଧନ୍ୟବାଦ୍ ଅର୍ପଣ  କରିଥିଲେ ।