18-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ସହରରେ ତା ୧୭.୦୯.୨୦୨୪ ମଙ୍ଗଳବାର ଠାରୁ ଆରମ୍ଭ ହୋଇଥିବା ପଶ୍ଚିମାଞ୍ଚଳର ଅନନ୍ୟ ଅନନ୍ତ ପୂଜା ବହୁ ଆଡମ୍ବର ସହକାରେ ଆରମ୍ଭ ହୋଇ ଯାଇଥିବା ବେଳେ ବିଜେପୁର ତଲିପଡା ସ୍ଥିତ ଅମର ଜ୍ୟୋତି ଯୁବକ ସଂଘ ଅନନ୍ତ ପୂଜାର ୫୦ ବର୍ଷ ପୂର୍ତ୍ତି ଅବସରରେ ଚଳିତ ବର୍ଷ ସୁବର୍ଣ୍ଣ ଜୟନ୍ତୀ ପାଳନ କରିଛି। ଏ ପରିପ୍ରେକ୍ଷୀରେ ଶ୍ରୀଶ୍ରୀ ଅନନ୍ତ ନାରାୟଣ ମହାପ୍ରଭୁଙ୍କ ପୂଜାନୋତ୍ସବ ଭାରତୀୟ ସଂସ୍କୃତି ଓ ପରମ୍ପରାକୁ ଅବଲୋକନ କରାଯିବା ଆଧ୍ୟାତ୍ମିକ ନିଦର୍ଶନର ଏକ ଉଦାହରଣ ଅଟେ। ଦ୍ୱିତୀୟ ଦିବସରେ ତା ୧୮.୦୯.୨୦୨୪ରିଖ ବୁଧବାର ସକାଳ ୭ ଘଣ୍ଟା ସମୟରେ ପୂଜାର୍ଚ୍ଚନା(ବିଶେଷ ଷୋଡଶ ଉପଚାର), ସକାଳ ୮ଘଣ୍ଟାରୁ ବରଗଡ଼ର ପଣ୍ଡିତ ସୁକଦେବ ତ୍ରିପାଠୀ ଏବଂ ତାଙ୍କ ସହଯୋଗୀଙ୍କ କଣ୍ଠରୁ ବିଷ୍ଣୁ ସହସ୍ର ନାମ ସମେତ ଲକ୍ଷ୍ମୀ ସହସ୍ର ହୋମ ଯଜ୍ଞ ଅନୁଷ୍ଠିତ ହୋଇଛି। ସଂଧ୍ୟା ୭ଘଣ୍ଟାରୁ ହଜାର ହଜାର ଭକ୍ତ, ଦର୍ଶକଙ୍କ ପାଇଁ ମହାପ୍ରସାଦ ବଣ୍ଟନ କାର୍ଯ୍ୟକ୍ରମ ରହିଛି ବୋଲି ଆୟୋଜକ ତଥା ଅଞ୍ଚଳର ଜଣାଶୁଣା ରେଡିଏନ୍ସ ଶିକ୍ଷାନୁଷ୍ଠାନର ପରିଚାଳକ ଶ୍ରୀଯୁକ୍ତ ଅଜିତ କୁମାର ମେହେର ଆମ ପ୍ରତିନିଧିଙ୍କୁ ଜଣାଇଛନ୍ତି।

ଆଜିକାର ଅନୁଷ୍ଠିତ ହୋମଯଜ୍ଞ ରେ କର୍ତ୍ତା ଭାବେ ଦେବବ୍ରତ ମେହେର ଏବଂ ତାଙ୍କ ସହଧର୍ମିଣୀ ଟିକେଶ୍ୱରୀ ମେହେର, କୈଳାସ ଚନ୍ଦ୍ର ମେହେର ଓ ତାଙ୍କ ଧର୍ମପତ୍ନୀ ଝରଣା ମେହେର, ଖଗେଶ୍ବର ମେହେର ଏବଂ ତାଙ୍କ ସହଧର୍ମିଣୀ ନିରୁପମା ମେହେର, ହେମ ସାଗର ମେହେର ତାଙ୍କ ଧର୍ମପତ୍ନୀ ମମତା ମେହେର,ମୋତିଲାଲ ମେହେର ଏବଂ ତାଙ୍କ ଧର୍ମପତ୍ନୀ ମମତା ମେହେର ଦାୟିତ୍ଵ ତୁଲାଇଥିବା ବେଳେ ଅନନ୍ତ ପୂଜାର କଳସ ଯାତ୍ରା ଆରମ୍ଭରୁ ଦାୟିତ୍ଵ ନେଇଥିବା କେଶେଇପାଲିର ପ୍ରମୋଦ କୁମାର ଦାଶ ରିତିନୀତି ଅନୁଯାୟୀ ପୂଜାକାର୍ଯ୍ୟ ସମ୍ପାଦନ କରୁଥିବା ଦେଖାଯାଇଥିଲା। ଏଠାକାର ଜି.ଏମ ଆର୍ଟସ ର ଗିରିଧାରୀ ମେହେର ଖୁବ୍ ସୁନ୍ଦର ତଥା ନିଖୁଣ ଭାବ ଶ୍ରୀଶ୍ରୀ ଅନନ୍ତ ପୂଜା ମେଢ଼ର ସାଜସଜ୍ଜା କରିବା ଦର୍ଶନକୁ ବିମୋହିତ କରିଦେଇଛି। ଅନନ୍ତ ପୂଜାର ମୁଖ୍ୟ କର୍ତ୍ତା ଭାବେ ଶ୍ରୀମତୀ ଝରଣା ମେହେର ଏବଂ ତାଙ୍କ ସ୍ୱାମୀ କୈଳାସ ଚନ୍ଦ୍ର ମେହେର ଦାୟିତ୍ଵ ନିର୍ବାହ କରୁଛନ୍ତି ବୋଲି ଅମର ଜ୍ୟୋତି ଯୁବକ ସଂଘର ସଦସ୍ୟ ମାନଙ୍କ ଠାରୁ ପ୍ରକାଶ।