03-Sep-2024

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ପୁଲିସ ପକ୍ଷରୁ ଚଢାଉ କରି ବିପୁଳ ଗଞ୍ଜେଇ ସହ କାର ଜବତ କରିଥିବା ବେଳେ ଜଣେ ଗଞ୍ଜେଇ ମାଫିଆକୁ ଗିରଫ କରିଛି | ସୂଚନା ଅନୁସାରେ କଣ୍ଟାମାଳ ପୁଲିସ ପେଟ୍ରୋଲିଂ କରୁଥିବା ସମୟରେ ବୁଢ଼ୀମାଲ ଛକ ନିକଟରେ ଏକ ସେଣ୍ଟ୍ରୋ କାର ( ଓ ଆର ୦୨ ଏ ୟାଇ ୦୭୩୨ ) ସହ ଜଣେ ଯୁବକ ବlଲନ୍ଦା ପଡ଼ା ପଟରୁ ଆସୁଥିବା

ବେଳେ ସନ୍ଦେହରେ ତାକୁ ଯାଞ୍ଚ କରିଥିଲେ | ଯାଞ୍ଚ ପରେ କାରରୁ ବିପୁଳ ଗଞ୍ଜେଇ ମିଳିଥିବା ବେଳେ କାର, ଗଞ୍ଜେଇ ଜବତ କରିବା ସହ ଯୁବକଙ୍କୁ ଗିରଫ କରିଛି | ଜବତ ଗଞ୍ଜେଇର ପରିମାଣ ୪୨କେଜି ୨ଶହ ଗ୍ରାମ ହୋଇଥିବା ବେଳେ ଗିରଫ ଯୁବକ ଜଣକ ହେଲେ କଣ୍ଟାମାଳ ଥାନା ବନ୍ଧପାଲି ଗ୍ରାମର ନିରଞ୍ଜନ ହରିପାଲ ( ୩୨) ବୋଲି ଜଣା ପଡିଛି | ଏ ସଂକ୍ରାନ୍ତରେ କଣ୍ଟାମାଳ ଥାନାରେ ଏକ ମାମଲା ରୁଜୁ କରି ମାଫିଆ ଜଣକୁ କୋର୍ଟ ଚାଲାଣ କରାଯାଇଥିବା କଣ୍ଟାମାଳ ଥାନା ଅଧିକାରୀ ଭାବାନନ୍ଦ ପ୍ରଧାନ ସୂଚନା ଦେଇଛନ୍ତି |