03-Sep-2024

ତୁଷୁରା(ପଞ୍ଚାନନ ନାଏକ)  ବଲାଙ୍ଗୀର ଜିଲ୍ଲା ତୁଷୁରା ଥାନା ଅନ୍ତର୍ଗତ  ଦୁଲିକନା ଗ୍ରାମ ପାଖରେ ସୋମବାର  ତୁଷୁରା ଅବକାରୀ ବିଭାଗ ପକ୍ଷରୁ   ୪୦କେଜି ଗଞ୍ଜେଇ  ସହ ଏକ ବାଇକ ନମ୍ବର ଓଡି -୦୩କେ- ୮୮୬୮କୁ ଜବତ କରିବା ସହ ଜଣେ ଅଭିଯୁକ୍ତକୁ ଅବକାରୀ ବିଭାଗ ଗିରଫ  କରିଛି । ଗିରଫ ଅଭିଯୁକ୍ତ ଜଣକ  ବଲାଙ୍ଗିର ଜିଲ୍ଲା ତୁଷୁରା ଥାନା ଅନ୍ତର୍ଗତ ବୁରୋମାଳ ଗ୍ରାମର ୨୯ ବର୍ଷୀୟ ଶୁଭେନ୍ଦୁ ପାଣିଗ୍ରାହୀ । ଏନେଇ ତୁଷୁରା ଅବକାରୀ ବିଭାଗ ଏକ ମାମଲା ରୁଜୁକରି ଅଭିଯୁକ୍ତକୁ ବଲାଙ୍ଗୀର କୋର୍ଟଚାଲାଣ କରାଯାଇଛି ।  ପ୍ରକାଶ ଯେ, ତୁଷୁରା ଅବକାରୀ ବିଭାଗ ପକ୍ଷରୁ ମଦନପୁର-ଗୁଡଭେଲା ମୁଖ୍ଯ ରାସ୍ତା ପେଟ୍ରୋଲିଂ କରୁଥିବା ବେଳେ ଦୁଲିକନା ପାଖରେ ଏକ ବାଇକକୁ ସନ୍ଦେହ କରି ଅଟକାଇ ଥିଲେ। ଉକ୍ତ ବାଇକରେ ଦୁଇଟି ବ୍ୟାକରୁ ଗଞ୍ଜେଇ ବାହାରିଥିବା ତୁଷୁରା ଅବକାରୀ ଅଧିକାରୀ  ଶ୍ରୀକାନ୍ତ ପାଣିଗାହୀ ସୂଚନା ଦେଇଛନ୍ତି। ଏହି ପୋଟ୍ରାଲିଂରେ  ଏଏସଆଇ ଡୁଲେଶ୍ଵର କୁମୁରା, କନେଷ୍ଟବଳ ବିଭୂତିଭୂଷଣ ଭୋଇ, ଭୋଜରାଜ ବଢ଼େଇ ଓ ସୁନେଲୀ ପ୍ରଧାନ ପ୍ରମୁଖ ସାମିଲ ଥିଲେ।