03-Sep-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ): ଭରତ ସର୍ବ ପୁରାତନ ଯୋଗାଯୋଗ ର ମାଧ୍ୟମ ଭାରତୀୟ ଡାକ ସେବା । ପୂର୍ବ ରୁ ଦୂର ବନ୍ଧୁବାନ୍ଧବ ଙ୍କ ସହ ଯୋଗାଯୋଗ ହେଉ  ଟଙ୍କା ପାଇଷା କାରବାର ହେଉ କି କୌଣସି ଜିନିଷ ପଠାଇବା ପାଇଁ ଡାକ ବିଭାଗ ଥିଲା ଗୋଟିଏ ହିଁ ମୁଖ୍ୟ ମାଧ୍ୟମ । ସେତେବେଳେ ର କାର୍ଗିଲ ଯୁଦ୍ଧ ସମୟ ହେଉ କି କୌଣସି ପର୍ବପର୍ବାଣି ହେଉ ନିଜ ସମ୍ପର୍କୀୟ ଲୋକଙ୍କ ନିକଟରେ ଖବର ପହଞ୍ଚାଇବା ପାଇଁ ମୁଖ୍ୟ ଭୂମିକା ଗ୍ରହଣ କରିଥିଲା ଭାରତୀୟ ଡାକ ବିଭାଗ । କେନ୍ଦ୍ର

ସରକାର ମଧ୍ୟ ବିଭାଗ ର ଉର୍ଣ୍ଣତି ଦିଗରେ କୋଟି କୋଟି ଟଙ୍କାର ଅର୍ଥ ବ୍ୟୟବରାଦ କରୁଛନ୍ତି । କିନ୍ତୁ ଏବେ ଏହି ବିଭାଗ ବୌଦ୍ଧ ଜିଲ୍ଲାର କିଛି ସ୍ଥାନରେ ନିଜର ଅସ୍ତିତ୍ବ ହରାଇବା କୁ ବାଇଲାଣି । କେଉଁଠି ନିଜର କାର୍ଯ୍ୟାଳୟ ନଥିବାରୁ ବର୍ଷ ବର୍ଷ ଧରି ଭଡା ଘରେ କାର୍ଯ୍ୟାଳୟ ଚାଲିଥିବା ବେଳେ ଆଉ କେଉଁଠି କାର୍ଯ୍ୟାଳୟ ରେ ନାହାଁନ୍ତି ସ୍ଥାୟୀ କର୍ମଚାରୀ । ଯାହାକୁ ନେଇ ଏବେ ଜନସାଧାରଣ ଡାକ ବିଭାଗ ର ସେବା ଉପରୁ ଆସ୍ଥା ହରାଉଛନ୍ତି । ଏଭଳି ଅଭିଯୋଗ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ସଦର ମହକୁମା ଝାଡ୍ରାଜିଙ୍ଗ ଉପଡାକଘର କୁ ନେଇ ଆସିଛି । ସୂଚନା ମତବକ ଝାଡ୍ରାଜିଙ୍ଗ ଉପ ଡାକଘର ଆଜି କୁ ଦୀର୍ଘ ୨୫ବର୍ଷ ରୁ ଉର୍ଦ୍ଧ ସମୟ ହେଲା ଡାକ ବିଭାଗ ର ନିଜସ୍ୱ କାର୍ଯ୍ୟାଳୟ ନଥିବାରୁ ଭଡା ଘରେ ଚାଲି ଆସୁଛି । ଅନ୍ୟପଟେ ଗୋଟିଏ ବର୍ଷ ହେଲା ନାହାନ୍ତି ଏଠି ସ୍ଥାୟୀ ପୋଷ୍ଟମାଷ୍ଟର ।  ଦୀର୍ଘ ଏକ ବର୍ଷ ହେଲା ଡେପୁଟେସନ ରେ ଆସି ପୋଷ୍ଟମାଷ୍ଟର କାର୍ଯ୍ୟ ତୁଲାଉଛନ୍ତି ବର୍ତ୍ତମାନ ର ପୋଷ୍ଟମାଷ୍ଟର । ତେଣୁ ନୂତନ କାର୍ଯ୍ୟାଳୟ ନିର୍ମାଣ ପାଇଁ ଜାଗା ଓ ବର୍ତ୍ତମାନ ର ପୋଷ୍ଟମାଷ୍ଟର ଙ୍କୁ ଏହି ଡାକ ଘରେ ସ୍ଥାୟୀ ଭାବେ ଅବସ୍ଥାପିତ କରିବା ଦାବି ନେଇ ଫୁଲବାଣୀ ଡିଭିଜନ ଅଧ୍ୟକ୍ଷ ଙ୍କୁ ଅଭିଯୋଗ କରିଛନ୍ତି ଅଞ୍ଚଳବାସୀ ।  ଏହି ଡାକଘର ଉପରେ ଉପାନ୍ତ ଅଞ୍ଚଳ ର ୧୦ଟି ପଞ୍ଚାୟତ ର ଗ୍ରାମବାସୀ ଡାକ ସେବା ପାଇଁ ନିର୍ଭର କରନ୍ତି । ଆଡେଣିଗଡ଼, ଗୁଣ୍ଡୁରୀବିଡା, କରଞ୍ଜକଟା, ଲକ୍ଷଣପୁର, ରାଣୀପଥର, ଗୋରାସାହି ଭଳି ୬ଟି ଶାଖା ଡାକଘର ଏହି ଉପଡାକଘର ଉପରେ ନିର୍ଭର କରିଥାନ୍ତି । ବହୁ ବର୍ଷ ପୂର୍ବେ ସରକାରୀ ନିର୍ଦ୍ଦେଶକ୍ରମେ ନୂତନ ଡାକଘର କୋଠା ନିର୍ମାଣ ପାଇଁ ସରକାରୀ ଜାଗା ଚିହ୍ନଟ ହୋଇଥିଲା । କିନ୍ତୁ ରାଜସ୍ବ ବିଭାଗ ଜାଗା ପଟା ପ୍ରଦାନ ରେ ବିଫଳ ହୋଇଥିଲା ଫଳରେ ନୂତନ କାର୍ଯ୍ୟାଳୟ ନିର୍ମାଣ ହୋଇ ପାରିନଥିଲା । କିନ୍ତୁ ଏବେ

ଅଞ୍ଚଳର ଜନ ସଂଖ୍ୟା ବୃଦ୍ଧି ହେବା ସହ ଡାକଘର ର କାର୍ଯ୍ୟ ମଧ୍ୟ ବୃଦ୍ଧି ଘଟିଛି । ତେଣୁ  ପୁନଃ ହରଭଙ୍ଗା ରାଜସ୍ବ ବିଭାଗ  ନୂତନ ଜାଗା କିମ୍ବା ପୁରୁଣା ଭୂମି ର ପଟା ପ୍ରଦାନ କଲେ ନୂତନ କାର୍ଯ୍ୟାଳୟ ନିର୍ମାଣ ହୋଇ ପାରିବ ବୋଲି ଡେପୁଟେସନ ଥିବା ପୋଷ୍ଟମାଷ୍ଟର ଲଳିତ ଭୋଇ କହିଛନ୍ତି ।ସେପଟେ ଉପଡାକଘର ନିଜର ଅସ୍ତିତ୍ବ ହରାଇବା ପୂର୍ବ ରୁ ଏହାର ନୂତନ କାର୍ଯ୍ୟାଳୟ ଓ ସ୍ଥାୟୀ କର୍ମଚାରୀ ଯୋଗାଇ ଦେବା ପାଇଁ ବୁଦ୍ଧିଜୀବୀ ମହଲ ରେ ଦାବି ହୋଇଛି ।