03-Sep-2024

 ବରଗଡ:(ନିରଞ୍ଜନ ତ୍ରିପାଠୀ)-ଓଡ଼ିଶା ଟାଇକୋଣ୍ଡୋ ଆସୋସିଏସନ ( ଓଟିଏ ) ଆନୁକୂଲ୍ୟରେ ଅଗଷ୍ଟ ୩୦ ରୁ ତିନି ଦିବସୀୟ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିଅମ ରେ ଚାଲିଥିବା ଓଡ଼ିଶା ରାଜ୍ୟ କ୍ୟୁରୋଗୀ ଓ ପୁମ୍ସା ଚମ୍ପିୟାନସିପ ରବିବାର ଅପରାହ୍ନରେ ଉଦଯାପିତ ହୋଇଯାଇଛି।ଉକ୍ତ ଚମ୍ପିୟାନସିପରେ ବରଗଡ଼ ଜିଲ୍ଲାର ବିଜୟ ଟାଇକୋଣ୍ଡୋ ଅସୋସିଏସନର କୋଚ୍ ଶ୍ରୀ ବିଜୟ କୁମାର ଭୋଇଙ୍କ ନେତୃତ୍ବରେ ୨୫ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ।ବରଗଡ଼ ଜିଲ୍ଲାରୁ ଅଂଶଗ୍ରହଣ କରିଥିବା ୨୫ ଜଣଙ୍କ ମଧ୍ୟରୁ ୧୦ ଜଣ ସ୍ୱର୍ଣ୍ଣ ପଦକ, ୧୦ ଜଣ ରୌପ୍ୟ ଏବଂ ୧୪ ଜଣ କାଂସ୍ୟ ପଦକ ହାସଲ କରିଛନ୍ତି।ଉଦଯାପିତ ଦିବସରେ ଓଡ଼ିଶାର ମାନ୍ୟବର ଉଚ୍ଚଶିକ୍ଷା ମନ୍ତ୍ରୀ ତଥା କ୍ରୀଡ଼ା ମନ୍ତ୍ରୀ ଶ୍ରୀ ସୁରଜ ସୂର୍ଯ୍ୟବଂଶୀ ଯୋଗ ଦେଇ କୃତି ପ୍ରତିଯୋଗୀଙ୍କୁ ଟ୍ରଫି ଓ

ମେଡାଲ ପ୍ରଦାନ କରି ସମସ୍ତ କୃତି ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ।ବିଜୟ ଟାଇକୋଣ୍ଡୋ ଆସୋସିଏସନ ଛାତ୍ରଛାତ୍ରୀ ଅଭ୍ୟାସ କରୁଥିବା ନିଶାମଣି ପଡ଼ିଆରେ ଜିଲ୍ଲାର ସଭାପତି ଶ୍ରୀ ନବକିଶୋର ପାଣିଗ୍ରାହୀ ସମସ୍ତ କୃତି ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣେଇବା ସହିତ ଆଗାମୀ ଦିନରେ ଅନେକ ସଫଳତା ହାସଲ କରିବା ପାଇଁ ଆହୁରି ପରିଶ୍ରମ କରିବାକୁ ଉତ୍ସାହିତ କରିଥିଲେ । ଏକ୍ରମରେ କୃତି ଛାତ୍ରଛାତ୍ରୀଙ୍କୁ ସ୍ୱାଗତ ସମ୍ବର୍ଦ୍ଧନା ଅବସରରେ କୋଚ୍ ବିଜୟ କୁମାର ଭୋଇ,ଆଶୁତୋଷ ରଥ,ଶ୍ରୀୟା ମିଶ୍ର ଏବଂ ରାଜଶ୍ରୀ ବଗର୍ତ୍ତି ଉପସ୍ଥିତ ଥିଲେ