03-Sep-2024

ବଲାଙ୍ଗୀର ( ପ୍ରେରଣା ଖବର )  : ବଲାଙ୍ଗୀର ଜିଲ୍ଲା ଜରୁରୀକାଳୀନ କାର୍ଯ୍ୟଳୟ ଓ ବଲାଙ୍ଗୀର  ଜିଲ୍ଲା ଶିକ୍ଷା କାର୍ଯ୍ୟଳୟ ମିଳିତ ଉଦ୍ୟମରେ ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଓଡ଼ିଶା ଆଦର୍ଶ  ବିଦ୍ୟାଳୟ , ଡୁଡୁକା ଠାରେ ବଜ୍ରପାତ ପ୍ରତି ସାବଧାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବଜ୍ରପାତ ବା ବିଜୁଳି ମାରିବା ଯୋଗୁଁ ଅନେକ ଜୀବନ ହାନି ହେଉଅଛି । ବଜ୍ରପାତ ସମୟରେ  ଘର ଭିତରେ ଓ ଘର ବାହାରେ ଥିଲାବେଳେ ବିଭିନ୍ନ  ଉପାୟମାନ ଅବଲମ୍ବନ କରି   ସମ୍ଭବତଃ ଜୀବନ ରକ୍ଷା ମିଳିପାରିବ । ଓଡ଼ିଶା ଆଦର୍ଶ  ବିଦ୍ୟାଳୟ , ଡୁଡୁକାର ଅଧ୍ୟକ୍ଷ ପ୍ରବୀଣ କୁମାର ସାହୁଙ୍କ ସଭାପତିତ୍ବରେ କାର୍ଯ୍ୟକ୍ରମରେ  ବିପର୍ତ୍ତି ଓ ବିପର୍ଯ୍ୟୟ  ପରିଚାଳନା ରାଜ୍ୟ ସାଧନ କର୍ମୀ ରାମ ନାରାୟଣ ଦାଶ ତାଲିମ ଦାତା ଭାବରେ ଯୋଗଦେଇ ଥିଲେ । ବିଦ୍ୟାଳୟର ଉପସ୍ଥିତ ଥିବା ଶିକ୍ଷକ, ଶିକ୍ଷୟିତ୍ରୀ , ଛାତ୍ରଛାତ୍ରୀମାନଙ୍କୁ  ଡେମୋଷ୍ଟ୍ରେସନ ମାଧ୍ୟମରେ ବଜ୍ରପାତ ସମୟରେ  ବିଭିନ୍ନ  ଉପାୟମାନ ଅବଲମ୍ବନ କରି   ସମ୍ଭବତଃ ଜୀବନ ରକ୍ଷା ମିଳିପାରିବ ସେ ବିଷୟରେ ଅବଗତ କରାଇଥିଲେ । ଶିକ୍ଷକ, ଶିକ୍ଷୟିତ୍ରୀମାନେ ସର୍ତକ ଆପ ଡାଉନଲୋଡ କରିଥିଲେ । ଏହି ଅବସରରେ ସାପ କାମୁଡିଲେ କ'ଣ କରିବା ଓ କ'ଣ ନ କରିବା  ବିଷୟରେ ଶ୍ରୀ ଦାଶ ସୂଚନା ପ୍ରଦାନ କରିଥିଲେ । କାର୍ଯ୍ୟକ୍ରମରେ ୩୪୫ ଜଣଙ୍କୁ ତାଲିମ ଦିଆଯାଇଥିଲା । କାର୍ଯ୍ୟକ୍ରମରେ ଶିକ୍ଷକ  ମାନସ ରଞ୍ଜନ ଦାସ,ଯୋଗେଶ୍ୱରୀ ଧରୁଆ, ମୁକେଶ କୁମାର ଶାହା, ମନୋଜ କୁମାର ମୁଦୁଲି, ସଂଗ୍ରାମ ନାୟକ , ରୀତୁ ମେହେର, ସୋନାଲି ମଲ୍ଲିକ,  ବ୍ୟୋମେଶ ଚୋପଦାର,  ଅନନ୍ତ ପୋଢ଼  ପ୍ରମୁଖ ଉପସ୍ଥିତ ଥିଲେ । ଶେଷରେ ଶିକ୍ଷକ ରୋହିତ କଠାର  ଅର୍ପଣ କରିଥିଲେ ।