03-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ସର୍ଭିକାଲ କ୍ୟାନ୍ସର ପାଇଁ ସଚେତନତା ରାଲି ଅନୁଷ୍ଠିତ ହୋଇଯାଇଛି।ଏହି ରାଲିରେ ବରଗଡ଼ ମହିଳା ମହାବିଦ୍ୟାଳୟ ଛାତ୍ରୀ, ବିଭିନ୍ନ ଶିକ୍ଷାନୁଷ୍ଠାନର ଛାତ୍ରୀଙ୍କ ସହ ସ୍ଵେଚ୍ଛାସେବୀ ଓ ଡାକ୍ତର ସାମିଲ ହୋଇଥିଲେ l ଯେ ହେତୁ ବରଗଡ ଜିଲ୍ଲା କେନ୍ସର ପ୍ରବଣ ଅଞ୍ଚଳ ଭାବେ ପରିଚିତ, ତେଣୁ ବର୍ତ୍ତମାନ ବିଶେଷ ଭାବରେ ମହିଳାମାନଙ୍କ କ୍ଷେତ୍ରରେ  ସର୍ଭିକାଲ କ୍ୟାନ୍ସର ଏକ ବଡ଼ ସମସ୍ୟା ଭାବେ ଦେଖିବାକୁ ମିଳୁଛି l ହେଲେ ସର୍ଭିକାଲ କ୍ୟାନ୍ସର ପାଇଁ ଭ୍ୟାକ୍ସିନ ଉପଲବ୍ଧ ଥିବାରୁ ଏହାକୁ ରୋକାଯାଇ ପାରିବ l ଏଥିପାଇଁ ୯ ରୁ

୧୪ ବର୍ଷ ବୟସର ପିଲା H p p ବା (ହ୍ୱିଉମାନ ପାଇପିଲୋମା ଭାଇରସ )ଭ୍ୟାକ୍ସିନ ନେଲେ ଆଗକୁ ଯୌନ ସମ୍ପର୍କିତ ସମସ୍ୟା ଜନିତ ସର୍ଭିକାଲ କ୍ୟାନ୍ସରରୁ ରକ୍ଷା ପାଇପାରିବେ ବୋଲି

ଡାକ୍ତର କହିଛନ୍ତି l ସେହିପରି ଏହି ଭ୍ୟାକ୍ସିନ ସର୍ବାଧିକ ୨୬ବର୍ଷ ବୟସ ମଧ୍ୟରେ ନେବାକୁ ପରାମର୍ଶ ଦିଆଯାଇଛି l ଆଗକୁ ସରକାରୀ ସ୍ତରରେ ମଧ୍ୟ ଏହି କାର୍ଯ୍ୟକ୍ରମ କରାଯିବା ସହ ଭ୍ୟାକ୍ସିନ ଉପଲବ୍ଧ ହେବ ବୋଲି  ସୂଚନା ଦେଇଛନ୍ତି ବରଗଡ଼ ସିଡିଏମଓ ଡା.ନିରୁପମା ଷଡଙ୍ଗୀ l ଏହା ସହ ଏହି ଭ୍ୟାକ୍ସିନ ପୁରା ସୁରକ୍ଷିତ ଥିବା ସୂଚନା ପ୍ରଦାନ କରିଛନ୍ତି ।