02-Jan-2021

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ପୂର୍ବତନ ମୁଖ୍ୟ ମନ୍ତ୍ରୀ, ଅବିଭକ୍ତ  ବମ୍ବେର ପୂର୍ବତନ  ରାଜ୍ୟପାଳ  ତଥା  ପ୍ରଥମ ଓଡ଼ିଆ କେନ୍ଦ୍ରମନ୍ତ୍ରୀ  ଡ.ହରେକୃଷ୍ଣ ମହାତବଙ୍କ  ଶ୍ରାଦ୍ଧ  ଦିବସ ଆଜି  ପାଳିତ ହୋଇଯାଇଛି l ଏହି ଉପଲକ୍ଷେ  ସତକମା  ସ୍ଥିତ ଡ.ଆମ୍ବେଦକର ଯୁବ କ୍ଲବ  ସଭା ଗୃହରେ  ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା l କବିୟତ୍ରୀ ରଜନୀ ପଟେଲଙ୍କ  ସଭାପତିତ୍ୱ ଓ  ସୁଶ୍ରୀ ବର୍ଷା ଦେହୁରୀଙ୍କ  ସଂଯୋଜନାରେ  ଆୟୋଜିତ  ଏଇ  ଶ୍ରଦ୍ଧାଞ୍ଜଳି ସଭାରେ  ସମାଜସେବୀ  ଓ ସାହିତ୍ୟିକ  ସୁବାସ ଚନ୍ଦ୍ର ନାୟକ ଯୋଗ ଦେଇ  ଡ. ମହାତବଙ୍କ  ସାହିତ୍ୟ  ଓ  ସ୍ୱାଧୀନତା  ସଂଗ୍ରାମର  ଉଚ୍ଚ ପ୍ରଶଂସା  କରିଥିଲେ  l ଅନ୍ୟ ମାନଙ୍କ ମଧ୍ୟରେ  ସୁଶ୍ରୀ ଅଲିମା ସାହୁ, ସରଗମ ଭଞ୍ଜ, ମିତା ଦେହୁରୀ ପ୍ରମୁଖ ସ୍ୱରଚିତ କବିତା ପାଠ  ମାଧ୍ୟମରେ  ଡ. ମହାତବଙ୍କୁ  ଶ୍ରଦ୍ଧାଞ୍ଜଳି ଜଣାଇ ଥିଲେ l ସମାଜସେବୀ ଶ୍ରୀ ନାୟକ  ବ୍ୟାପକ  ବୃକ୍ଷରୋପଣ ଓ ଜଙ୍ଗଲ ସୁରକ୍ଷା ପାଇଁ  ପ୍ରକୃତି ବଂଧୁ  ସମ୍ମାନ ପାଇଥିବାରୁ  ସଭIରେ ସମ୍ବର୍ଦ୍ଧିତ କରଯାଇଥିଲା l ଶେଷରେ ମାୟାଧର ଦେହୁରୀ  ଧନ୍ୟବାଦ ଅର୍ପଣ କରିଥିଲେ l