29-Jul-2024

ତରଭା,  ତରଭା ସହର ରେ ବର୍ଷା ହେଲେ ବର୍ଷା ପାଣି ଯିବା ପାଇଁ ଆବଶ୍ୟକ ମୁତାବକ ଡ୍ରେନେଜ ବ୍ୟବସ୍ଥା ନଥିବା ଯୋଗୁଁ ରାସ୍ତା ଉପରେ ଆଣ୍ଠୁଏ ପାଣି ରହୁଛି I ସତେ ଯେମିତ ସହର ମୁଖ୍ୟ ରାସ୍ତା ନୁହେଁ ଏହା ଏକ ନାଳ ପରି ଦେଖା ଯାଉଛି I ସହର ଡାକ୍ତରଖାନା ଛକ ନିକଟରେ ଆବଶ୍ୟକ ମୁତାବକ ଡ୍ରେନେଜ ବ୍ୟବସ୍ତା ନଥିବାରୁ ବର୍ଷା ପାଣି ନାଳ ପରି ଜମା ହୋଇ ରହୁଛି I ସହର ର ମୁଖ୍ୟ ରାସ୍ତା ହୋଇଥିବାରୁ ଯାନବାହାନ ସବୁସମୟରେ ଯାତାୟାତ କରିଥାଏ I ବର୍ଷା ପାଣି ନିଷ୍କସନଠିକ ଭାବରେ ହୋଇ ପାରୁ ନ ଥିବାରୁ  ଫଳରେ ଗାଡି ମାନେ ଗଲେ ରାସ୍ତା ର ଉଭୟ ପାର୍ଶ୍ୱ ରେ  ଥିବା ଦୋକାନ ମାନଙ୍କୁ ପାଣି ପଶି ଯାଉଛି  I ଅନେକ ସମୟରେ ପାଣି ନେଇ ଅପ୍ରୀତିକର ପରିସ୍ଥିତି ସୃଷ୍ଟି ହେଉଛି  I ସେହିପରି ସହର ଅନ୍ୟ ମୁଖ୍ୟ  ନୁଆଁ ପଡ଼ା ରାସ୍ତା ରେ ସବୁବେଳେ ପାଣି ଜମା ହୋଇ ରହୁଛି  I  ଏହି ରାସ୍ତା  କୋଟି ଟଙ୍କା ଖର୍ଚ୍ଚ କରାଯାଇ ଭୁତଳ ନାଳ ନିର୍ମାଣ କରାଯାଇଛି  I ହେଲେ ଅନେକ ସ୍ଥାନ ରେ ପାଣି ଜମା ହୋଇ ରହୁଛି I ଯାନବାହାନ ଯାତାୟାତ ବେଳେ ଅଞ୍ଚଳ ବାସୀ ବିଭିନ୍ନ ଅସୁବିଧା ପାଉଛନ୍ତି I ଏନ ଏ ସି ପ୍ରଶାସନ କୁ ଅନେକ ସମୟରେ ଦୃଷ୍ଟି ଆକର୍ଷଣ କରିଥିଲେ ମଧ୍ୟ୍ୟ କେହି ଦୃଷ୍ଟି ଦେଉନାହାନ୍ତି  I  ବର୍ଷା ହେଲେ ସାପ୍ତାହିକ ବଜାର କଥା ନ କହିବା କଥା I  ସବୁବେଳେ କାଦୁଅ ପଚପଚ ଓ ଶାନ୍ତସନ୍ତିଆହୋଇ ରହିଥାଏ  I ବ୍ୟବସାୟୀ ଓ ଗ୍ରାହକ ମାନେ ନାହିଁ ନ ଥିବାର ଅସୁବିଧା ର ସମୁଖୀନ ହେଉଛନ୍ତି  I  ଏନ ଏ ସି କତୃପକ୍ଷ ସାପ୍ତାହିକ ବଜାର ଓ ଦୈନିକ ବଜାର ରୁ ଲକ୍ଷାଧିକ ଟଙ୍କା ଲିଜ ମଧ୍ୟ୍ୟମରେ ପାଉଛନ୍ତି I ହେଲେ କତୃପକ୍ଷ ବ୍ୟବସାୟ ଓ ସାଧାରଣଗ୍ରାହକ ଙ୍କ ପାଇଁ କୌଣସି ପ୍ରକାର ସୁବିଧା କରାଯାଉ ନ ଥିବା ରୁ ସବେଳେ ଅସନ୍ତୋଷ ବୃଦ୍ଧି ପାଉଛି I  ସାପ୍ତାହିକ ବଜାର ରେ ମଧ୍ୟ୍ୟ ବର୍ଷା ପାଣି ଡ୍ରେନେଜ ବ୍ୟବସ୍ଥା ଠିକ ନଥିବାରୁ ଏହି ପରି ସମସ୍ୟା ଦେଖା ଦେଉଛି I ସମସ୍ୟା ସମାଧାନ ପାଇଁ ଏନ ଏ ସି କତୃପକ୍ଷ ଦୃଷ୍ଟି ଦେବା ପାଇଁ ଦାବୀ ହେଉଛି  I 
(ରିପୋର୍ଟ: କପିଳାସ ସେଠ,ତରଭା)