12-Jul-2024

ବଲାଙ୍ଗିର (ଦେବାଶିଷ ବହିଦାର): ଆଜି ବଲାଙ୍ଗୀର ସ୍ବେଛାସେବୀ ସଂଗଠନ ତରଫରୁ ଏକ ଅଜଣା ଶବ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲକୁ ଛାତ୍ରଛାତ୍ରୀ ପାଠ ପଢିବା ପାଇଁ  ଦାନ କରାଗଲା |ଟିଟିଲାଗଡ଼ର ଜଣେ ସହୃଦୟ ବ୍ୟକ୍ତି ସେହି ଅଜଣା ବୃଦ୍ଧକୁ ଆଣି ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲରେ ସାତଦିନ ତଳେ ଏଡମିନସନ କରିଥିଲା । ସେହି ବୃଦ୍ଧ ଚିକିତ୍ସା ସମୟରେ ଭୀମ ଭୋଇ ହସ୍ପିଟାଲରେ ତାର

ଦେହାନ୍ତ  ହୋଇଗଲା | ବଲାଙ୍ଗୀର ଭୀମ ଭୋଇ ହସ୍ପିଟାଲରେ ଥିବା ଫାଣ୍ଡି ପୋଲିସ ବଲାଙ୍ଗୀର ସ୍ବେଛାସେବୀ ସଂଗଠନକୁ ଯୋଗାଯୋଗ କରିଥିଲେ |ତାପରେ ସଂଘଠନ ର ସମସ୍ତ ସଦସ୍ୟ ଆସି ଶବ ବ୍ୟବଚ୍ଛେଦ ଗୃହର ଫ୍ରିଜର ଭିତରେ ଶବଟିକୁ ରଖିଥିଲେ | ପୋଲିସର ନିୟମ ଅନୁଯାଇ ୭୨ ଘଣ୍ଟା ରଖାଯାଇ ଥିଲା |ଆଜି ୭୨ ଘଣ୍ଟା ହୋଇ ଥିବାରୁ ବଲାଙ୍ଗୀର ସ୍ବେଛାସେବୀ

ସଂଘଠନ ଶବ ଟିକୁ ମେଡିକାଲ କଲେଜ ଓ ହସ୍ପିଟାଲକୁ ଦାନ କରିଥିଲେ l ଟାଉନ ଥାନା ଅଧିକାରୀ ବିଶ୍ୱଜିତ ମନବୋଧ ଙ୍କ ସହିତ ଆଲୋଚନା କରି ସେହି ଅଜଣା ଶବକୁ ମେଡିକାଲ କଲେଜ ଓ ହସ୍ପିଟାଲର କର୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିଲା l ଏଥିରେ ବଲାଙ୍ଗୀର ସ୍ବେଛାସେବୀ ସଂଗଠନର ସମ୍ପାଦକ ଗୋବିନ୍ଦ ଚନ୍ଦ୍ର ଶତପଥୀ, ରବୀନ୍ଦ୍ର ପ୍ରଧାନ, ତନ୍ମୟ ପୁଟେଲ, ସରୋଜ ଜାଲ, ନିଲୁ ଛତ୍ରିଆ, ମଣ୍ଟୁ ନିଆଲ ପ୍ରମୁଖ ଉପସ୍ଥିତ ଥିଲେ  |