12-Jul-2024

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ସଭା ଗୃହରେ ଷଷ୍ଠତମ ପଂଚାୟତ ସମିତି ବୈଠକ ଅନୁଷ୍ଠିତ ହୋଇଥିଲା l ଉକ୍ତ ବୈଠକ ରେ ପ୍ରଥମେ ପାନୀୟ ଜଳ ଉପରେ ଆଲୋଚନା ହୋଇଥିଲା l ବିଶେଷ କରି କୁସମେଲ ପଂଚାୟତ ର ତାଳଜୁରୀ ଓ କୁସମେଲ ଗ୍ରାମରେ ଲୋୟର ସୁକ୍ତେଲ ପ୍ରକଳ୍ପ ରୁ ପାଣି ରୁ ବଂଚିତ ଓ ସମସ୍ୟା କୁ ନେଇ ବୈଠକ ରେ ଉପସ୍ଥାପନ କରିଥିଲେ କୁସମେଲ ସମିତି l ଏହାସହ ଲୋଇସିଂହା ବ୍ଲକ ର ବିଭିନ୍ନ ପଂଚାୟତ କୁ ନେଇ ନୂତନ ପାଇପ ଯୋଗେ ପାଣି ସପ୍ଲାଇ ଓ ସମସ୍ୟା କୁ ନେଇ ସରପଞ୍ଚ ମାନେ ମାଠିଆ କୁ ରଖି ଅଧିକାରୀ ଙ୍କୁ ଦେଖାଇଥିଲେ ଏହାସହ କେତେଗୋଟି ଅଙ୍ଗନବାଡି କେନ୍ଦ୍ର ରେ ପାଣି ସପ୍ଲାଇ ର ସମସ୍ୟା କୁ ନେଇ ଲୋଇସିଂହା ସିଡିପିଓ ବିଭାଗୀୟ ଯନ୍ତ୍ରୀ ଙ୍କୁ କହିଥିଲେ l ସ୍ୱାସ୍ଥ୍ୟ ବିଭାଗ କୁ ନେଇ ଡ଼ ସଂଜୀବ ବିଶ୍ୱାଳ ବ୍ଲିଚିଙ୍ଗ ପାଉଡର, ଓଆରଏସ, ଅଲଟ୍ରା ସାଉଣ୍ଡ, ଡେଙ୍ଗୁ ମେଲେରିଆ ଉପରେ ଆଲୋଚନା ଓ ସମାଧାନ ଦିଗରେ ଆଲୋଚନା କରିଥିଲେ l ଏହାସହ ଶିକ୍ଷା ଦିଗରେ ଗୋଷ୍ଠୀ ଶିକ୍ଷା ଅଧିକାରୀ ପ୍ରକାଶ କଲେ ଯେ ଏ ବର୍ଷ ଆମ ଲୋଇସିଂହା ବ୍ଲକ ରୁ ୨ ଜଣ ଛାତ୍ର ଜିଲ୍ଲା ସ୍ତରରେ ଉତୀର୍ଣ୍ଣ ହୋଇଛନ୍ତି l ଏହାସହ ବାଞ୍ଜିପାଲି, ଲଙ୍କାବାହାଲ ସ୍କୁଲ ବାବଦରେ ସମୀକ୍ଷା କରାଗଲା l ବ୍ଲକ ଆଦର୍ଶ ବିଦ୍ୟାଳୟ ରେ ବିଶୃଙ୍ଖଳା କୁ ନେଇ ସମିତି ବୈଠକ ରେ ଅଭିଯୋଗ ହୋଇଥିଲା l

କୁଟ୍ରାପାଳି ସ୍କୁଲ ରେ ଶିକ୍ଷକ ଅଭାବ କୁ ନେଇ ବାଦିମୁଣ୍ଡା ସରପଞ୍ଚ ଶିକ୍ଷା ଅଧିକାରୀ ଙ୍କୁ ଦୃଷ୍ଟି ଆକର୍ଷଣ କରିଥିଲେ l ଏହାପରେ ରାସନ କାର୍ଡ ଓ ବିଏସକେୱାଇ କାର୍ଡ ଉପରେ ଯୋଗାଣ ଅଧିକାରୀ ଉପସ୍ଥିତି ରେ ଆଲୋଚନା ହୋଇଥିଲା l ରାସନ କାର୍ଡ କୁ ନେଇ ପାରିବାରିକ କଳହ କୁ  ସମିତି ବୈଠକ ରେ ନିନ୍ଦା କରାଯାଇଥିଲା l ଇଲେକ୍ଟ୍ରିର୍ସିଟି ଉପରେ ଆଲୋଚନା ହୋଇଥିଲା l ବିଭାଗୀୟ ଯନ୍ତ୍ରୀ ଙ୍କ ଉପସ୍ଥିତି ରେ ପଂଚାୟତ ଗୁଡିକରେ ବିଜୁଳି ସମସ୍ୟା ଉପରେ ଆଲୋଚନା ହେବାସହ ସାଲେଭଟା ସବଷ୍ଟେସନ ରୁ କଦଳୀପାଳି ଓ ଛତାମଖନା ସବଷ୍ଟେସନ ର 34 ନମ୍ବର ଜୋନ ର ବିଭିନ୍ନ ଗ୍ରାମକୁ ନେଇ ବିଜୁଳି ସମସ୍ୟା ଉପରେ ହଟଗୋଳ ହୋଇଥିଲା l ଏହାସହ ଚାଷ, ରାସ୍ତାଘାଟ ଓ ଅନ୍ୟାନ୍ୟ ବିଷୟ କୁ ନେଇ ସମୀକ୍ଷା କରାଗଲା l ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଙ୍କ ଆୟୋଜିତ ଏହି ବୈଠକ ରେ ବିଡ଼ିଓ ଅକ୍ଷୟପାଣି ଉଦ୍ଦୁ, ବ୍ଲକ ଉପାଧ୍ୟକ୍ଷl, ତହସିଲ୍ଦାର ସଂଘମିତ୍ରା କଲୋ, ଜିପିଓ କିଶୋର ଚନ୍ଦ୍ର ମାନସିଂହ, ସାଂସଦ ପ୍ରତିନିଧି ବାଲକୃଷ୍ଣ ଧରୁଆ, ଏମଏଲଏ ପ୍ରତିନିଧି ଗୌରାଙ୍ଗ ନାଏକ, ଏ. ଇ ସିଦ୍ଧାର୍ଥ ପାଢୀ ସହ ସମସ୍ତ ବିଭାଗ ର ଜେ. ଇ, ସମସ୍ତ ଅଧିକାରୀ, ଜିଲ୍ଲା ପରିଷଦ ସଭ୍ୟା, ସରପଞ୍ଚ, ସମିତି ସଭ୍ୟ ଓ ସଭ୍ୟା ଉପସ୍ଥିତ ଥିଲେ l