06-Jul-2024

ପୁରୀ, ତା. ୦୬/୦୭  ( ପ୍ରେରଣା ଖବର  ) : ଭାରତୀୟ ରେଡ଼କ୍ରସ  ସୋସାଇଟି  ଓଡ଼ିଶା ରାଜ୍ୟ ଶାଖା ତରଫରୁ  ପବିତ୍ର ରଥଯାତ୍ରା ଉପଲକ୍ଷେ ସାମାଜିକ ସେବା ଶିବିର  ଗୋପବନ୍ଧୁ ଆୟୁର୍ବେଦିକ ମହାବିଦ୍ୟାଳୟ ଠାରେ ଉଦଘାଟିତ ହୋଇଯାଇଛି । କାର୍ଯ୍ୟକ୍ରମରେ  ମୁଖ୍ୟ ଅତିଥିଭାବେ ମହାମହିମ ଓଡ଼ିଶାର ରାଜ୍ୟପାଳ  ରଘୁବର ଦାସ ଯୋଗ ଦେଇ ଶିବିରକୁ  ଉଦ୍ଘାଟନ କରିଥିଲେ। ଅନ୍ୟ ସମ୍ମାନୀତ ଅତିଥିଭାବେ   ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼. ମୁକେଶ ମହାଲିଙ୍ଗ ଓ   ଉଚ୍ଚଶିକ୍ଷା ମନ୍ତ୍ରୀ  ସୂର୍ଯ୍ୟବଂଶୀ ସୁରଜ ଯୋଗ ଦେଇଥିଲେ ।  କାର୍ଯ୍ୟକ୍ରମରେ ଓଡ଼ିଶାର ସମସ୍ତ ଜିଲ୍ଲାରୁ ରେଡ଼କ୍ରସ ସ୍ୱେଚ୍ଛାସେବୀ ମାନେ ଯୋଗ ଦେଇଥିଲେ। ରଥଯାତ୍ରା ସମୟରେ ସ୍ୱେଚ୍ଛାସେବୀମାନେ ବିପତ୍ତି ବିପର୍ଯ୍ୟୟ ପରିଚାଳନା, ପ୍ରାଥମିକ ଚିକିତ୍ସା, ପାଣି ସିଞ୍ଚନ, ପାଣି ବଣ୍ଟନ, ସଫେଇ କାର୍ଯ୍ୟ, ବୃଦ୍ଧବୃଦ୍ଧା ତଥା ଅସହାୟ  ବ୍ୟକ୍ତି ବିଶେଷ  ମାନଙ୍କୁ ସହାୟକ ହୋଇ ସାହାଯ୍ୟ କରି କାର୍ଯ୍ୟ ସମାପନ କରିବେ । ଭାରତୀୟ ରେଡ଼କ୍ରସ ସୋସାଇଟିର  ଅବୈତନିକ ସଚିବ ବିଭୁତି ଭୂଷଣ ପଟ୍ଟନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ କାର୍ଯ୍ୟକ୍ରମକୁ  ଓଡ଼ିଶା ର ଯୁବ ରେଡ଼କ୍ରସ ର ସଂଯୋଜକ ରମେଶ ବେହେରା  କାର୍ଯ୍ୟକ୍ରମକୁ ପରିଚାଳନା କରିଥିଲେ। ମାଷ୍ଟର ଟ୍ରେନର ଗୋପାଳ ମିଶ୍ର ଓ ଜୁନିଅର ରେଡ଼କ୍ରସ     ଅଫିସର ଲକ୍ଷ୍ମଣ ସ୍ୱାଇଁ କାର୍ଯ୍ୟକ୍ରମରେ ସହଯୋଗ କରିଥିଲେ । କାର୍ଯ୍ୟକ୍ରମରେ ୭୦୦ରୁ ଅଧିକ ରେଡ଼କ୍ରସ ସ୍ୱେଚ୍ଛାସେବୀ ସାମାଜିକ ଶିବିରରେ  ଯୋଗ ଦେଇଛନ୍ତି , ଯେଉଁମାନେ ଆସନ୍ତା ଦୁଇ ଦିନ ପର୍ଯ୍ୟନ୍ତ ସେବା ଯୋଗାଇବେ ।