05-Jul-2024

ତରଭା, ତରଭା ନିକଟସ୍ଥ ବଇରାସର ବସଷ୍ଟାଣ୍ଡ ରେ ତଥା  ୫୭ ନମ୍ବର ଜାତୀୟ ରାଜପଥ  ଠାରେ ଏକ ଟ୍ରକର ସିରିଜ ଦୁର୍ଘଟଣାରେ ଜଣେ ବ୍ୟକ୍ତି ଗୁରୁତର ଭାବେ ଆହତ ହୋଇଥିବା ବେଳେ ତିନିଜଣ ଆହତ ହୋଇଥିବା ଜଣାପଡିଛି। 
ସୂଚନା  ଅନୁଯାୟୀ ଆଜି ଶୁକ୍ରବାର ସକାଳ  ପ୍ରାୟ ୯ ଘଣ୍ଟା ସମୟରେ ବଲାଙ୍ଗିର ପଟରୁ ସୋନପୁର ପଟକୁ ଯାଉଥିବା ଓଆର ୧୫ ଆର ୪୮୩୧ ନମ୍ବର ଏକ ଟ୍ରକ ଦ୍ରୁତ ଗତିରେ ଆସି ବଇରାସର ଡାକବଙ୍ଗଳା ପାଖରେ ବଇରାସର ଗ୍ରାମର ଭରତ ଥନାପତି ନାମକ ଏକ ବ୍ୟକ୍ତି କୁ ଧକ୍କା ଦେବାରୁ ସେ ସେଠାରେ ଗୁରୁତର ହୋଇ ରାସ୍ତାରେ ପଡ଼ି ରହିଲା ।ଖବର ପାଇ ସଙ୍ଗେ ସଙ୍ଗେ ଫାୟାର ଗାଡି ଆସି ତାକୁ ଚିକିତ୍ସା ପାଇଁ ବଲାଙ୍ଗିର ଭିମଭୋଇ ମେଡିକାଲ କଲେଜ ହସ୍ପିଟାଲ କୁ ନେଇଥିଲେ। ଧକ୍କା ଦେବା ପରେ ଡ୍ରାଇଭର ଗାଡ଼ିକୁ ଆଗକୁ ବଢାଇବାରୁ ରାସ୍ତାରେ ତରେଇକେଲା ଗ୍ରାମର କପିଳାସ ବେଉରିଆ ଙ୍କ ବାଇକ କୁ ଧକ୍କା ଦେବାରୁ ବାଇକ ସମ୍ପୂର୍ଣ୍ଣ ନଷ୍ଟ ହୋଇ ଥିବା ସହିତ ତାଙ୍କ ସହିତ ଥିବା ଜଣେ ମହିଳା ଓ ଜଣେ ଝିଅ ଜଳଖିଆ କିଣୁଥିବା ବେଳେ ପଡି ଆହତ ହୋଇଥିଲେ । ସେମାନେ ସମସ୍ତେ ତୁରେଇକେଲା ଗ୍ରାମକୁ ଫେରୁଥିଲେ। ସେଠାରୁ ଟ୍ରକ୍ ଟି ରାସ୍ତା କଡ଼ରେ ଛିଡ଼ା ହୋଇ ଯାତ୍ରୀମାନେ ଜଳଖିଆ କରୁଥିବା ସମୟରେ ଓଡି ୩୧ -୩୫୨୪ ନମ୍ବର ମୋନାଲିସା ବସକୁ ପଛପଟୁ ଧକ୍କା ଦେଇ ଥିଲା I  ମୋନାଲିସା ବସ୍  ଡାହାଣକୁ ଗଡ଼ି ରାସ୍ତା ର ଅପର ପାର୍ଶ୍ଵ ରେ ଥିବା ଏକ ମୋବାଇଲ ଦୋକାନରେ ଯାଇ ବାଡ଼େଇ ହେଲା। ଦୋକାନ ସମ୍ମୁଖରେ ଥିବା ଏକ ଓଡି-୩୧ ଏ ୯୩୯୩ ନମ୍ବର ସ୍କୁଟି ଉପରେ ମୋନାଲିସା ବସ୍ ଚଢି ଯିବାରୁ ସ୍କୁଟି ଗୋଟିକ ଚୁମାର ହୋଇ ଯାଇଛି। ସେହି ସମୟରେ ଡ଼୍ରାଇଭର ଟ୍ରକଛାଡି କେଉଁ ଆଡେ ଫେରାର ହୋଇଗଲା । ଏହି ସମୟରେ ଉକ୍ତ ହୋଟେଲରେ ଜଳଖିଆ କିଣୁଥିବା ମୁଣ୍ଡାପଲା ଗ୍ରାମର କହଲ ପଧାନ ନାମକ ଜଣେ ମହିଳା ହୋଟେଲ ଚୁଲିରେ ବାଡ଼େଇ ହେବାରୁ ତାଙ୍କୁ ମୁଣ୍ଡ ଫାଟି ଗୁରୁତର ହୋଇପଡି ଥିଲେ। ଖବରପାଇ ଫାୟାର ଗାଡି ଆସି ତାଙ୍କୁ ଚିକିତ୍ସା ପାଇଁ ତରଭା ଡାକ୍ତରଖାନା କୁ ନେଇଥିଲେ। ଏହା ପରେ  ସେହି ଟ୍ରକ ଅଟୋ ଷ୍ଟାଣ୍ଡ ରେ ଥିବା ଓଡି- ୦୩ କ୍ଯୁ ୬୪୨୦ ଓ ଓଡି- ୦୩ଏନ ୫୩୬୯ ଅଟୋକୁ ଧକ୍କା ଦେବାରୁ ଅଟୋ ଦ୍ବୟ ମଧ୍ୟ କ୍ଷତି ଗ୍ରସ୍ତ  ହୋଇଛି।କିଛି ସମୟ ପାଇଁ ବଇରାସର ବସ ଷ୍ଟାଣ୍ଟ ଉତ୍ତେଜନା ପୂର୍ଣ୍ଣ ରହିଥିଲା I  ଏ ସମ୍ପର୍କ ରେ ବଇରାସର ବିଟ କନେଷ୍ଟେବଳ ଙ୍କ ଠାରୁ ଖବର ପାଇ ବଲାଙ୍ଗୀର ଏସ ଡି ପି ଓ. ପ୍ରଦୀପ କୁମାର ସାହୁ ଓ ପୁଇଁତଲା ଥାନା ଆଇ ଆଇ ସି ଶୁଭ ରାଜ ଧାରୁଆ ତାଙ୍କ ସଦଳ ବଳ ବଇରାସର ଘଟଣା ସ୍ଥଳ ରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝା ସୁଝା କରି ପରିସ୍ଥିତି କୁ ଆୟତ୍ତ କରି ରାସ୍ତାରେ ଯାନ ବାହନ ଯାତାୟାତ ରେ ସ୍ୱାଭାବିକ କରିଥିଲେ  I ପୋଲିସ ଟ୍ରକ ଡ୍ରାଇଭର ଦୋଳାମଣୀ ସୁନାକୁ ଧରିବା ବେଳେ ତାର ଘର ପାଟଣାଗଡ ର ଗୁହିରିଆ ମୁଣ୍ଡା ବୋଲି ସୂଚନା ଦେଇଛନ୍ତି  I ଟ୍ରକ ର ସିରିଜ ଦୁର୍ଘଟଣା ରେ କ୍ଷତିଗ୍ରସ୍ତ ମାନଙ୍କୁ କ୍ଷତି ପୂରଣ ଯୋଗାଇ ଦେବା ପାଇଁ ଦାବୀ ହେଉଛି  i