05-Jul-2024

ବୋଡ଼େନ (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଖଇରା ଗ୍ରାମ ପଞ୍ଚାୟତର କମାର ଖୋଲ ଗ୍ରାମ ଯାହାକି ଜଙ୍ଗଲ ଉପରେ ଅବସ୍ଥିତ ।ଏହି ଗ୍ରାମକୁ ୬ ବର୍ଷ ପୂର୍ବେ ବିଦ୍ୟୁତ୍ ଖୁଣ୍ଟ ପୋତା ଯାଇଥିଲା ହେଲେ ବିଦ୍ୟୁତ୍ ସଂଯୋଗ କରାଯାଇ ପାରି ନଥିଲା କିନ୍ତୁ ଇଲେକ୍ଟ୍ରିକାଲ ଜେ ଇ  ଅଭିଷେକ ସ୍ୱାଇଁ ଆସିବାପରେ ଗତ ବର୍ଷ ଷ୍ଟାଫ୍ ସହ ମିଶି ସେହି ଗାଁ କୁ ବିଦ୍ୟୁତ୍ ସଂଯୋଗ କରିଥିଲେ କିନ୍ତୁ   କାଳ ବୈଶାଖୀରେ ଅନେକ ଖୁଣ୍ଟ ଭାଙ୍ଗିବା ସହିତ ତାର ଗୁଡ଼ିକ ନଷ୍ଟ ହୋଇଯାଇଥିଲା ।କମାର ଖୋଲ ଗ୍ରାମକୁ ଯାଇଥିବା ୧୧ କେ ଭି ଏକ୍ସ ଏଲ ପି ଇ କେବୁଲ ଗତ ୪ ବର୍ଷ ହେବ ଜାଗା ଜାଗାରେ ଫଲ୍ଟ ରହିଥିବା କାରଣରୁ ସପ୍ଲାଏ ରେଷ୍ଟୋ ରେସନରେ ବାଧା ପ୍ରାପ୍ତ ହେଉଥିଲା ।ଆଜି ବିଦ୍ୟୁତ୍ ବିଭାଗ ବୋଡ଼େନ ଷ୍ଟାଫଙ୍କ ୧୫ ଘଣ୍ଟା ପରିଶ୍ରମ ବଳରେ ଗ୍ରାମରେ ଥିବା ଟ୍ରାନସଫର୍ମରକୁ ସ୍ଵତନ୍ତ୍ର କ୍କରି ସେଠାରେ ଥିବା କେବୁଲର ଉପଯୁକ୍ତ ପରିଶୋଧନ କରି ବିଦ୍ୟୁତ୍ ସଂଯୋଗ କରାଯାଇଛି ।ବର୍ତ୍ତମାନ ସେହି ଗ୍ରାମରେ ଲୋକମାନେ ଖୁସି ଅନୁଭବ କରୁଛନ୍ତି ।ଆଜି ବୋଡ଼େନ ବିଦ୍ୟୁତ୍ ବିଭାଗ ଜେ ଇ ଅଭିଷେକ ସ୍ୱାଇଁ,କମର୍ସ ଯେ ଇ ଅଭିଷେକ ବାରିକ, ବ୍ରେକ୍ ଡାଉନ୍ ଇଞ୍ଜିନିୟର ପ୍ରତାପ ବେହେରା, ସୁପର ଭାଇଜର ଦେବକୀ ନନ୍ଦନ ଯାଦବ ତଥା ଲାଇନ ମେନ୍ ବଳିରାମ ମାଝୀ ,ହରିଶ୍ ମାଝୀ,ଧ୍ରୁବ ରାଜ ମାଝୀ, ଏବଂ ହେଳପର୍ ସୁରେନ୍ଦ୍ର ନାଗ,ଥାବିରାମ ମାଝୀ, ପ୍ରମା ନନ୍ଦ ମାଝୀ ,ଅନୁପ ଭୋଇ ଉପସ୍ଥିତ ରହି ୧୫ ଘଣ୍ଟା ପରିଶ୍ରମ କରି ଜଙ୍ଗଲ ଉପରେ ରହୁଥିବା ଲୋକଙ୍କୁ ବିଦ୍ୟୁତ୍ ଯୋଗାଇଥିବା ହେତୁ ଅଞ୍ଚଳରେ ବୁଦ୍ଧିଜୀବୀ ମହଲରେ ଆଲୋଚନା ହେଉଥିବା ସହିତ ବିଦ୍ୟୁତ୍ ବିଭାଗ ପ୍ରତି ପ୍ରଶଂସା କରିଛନ୍ତି ।