05-Jul-2024

ବୋଡ଼େନ (ରାମନାଥ ପଣ୍ଡା ) ବିଭିନ୍ନ ଦିଗରେ ବିକାଶର ଧାରାକୁ ଦୃଢୀଭୂତ କରିବାକୁ ସରକାର ନୂଆ ଏକ ପଦକ୍ଷେପ ଗ୍ରହଣ କରିଛନ୍ତି ଯାହାକି ଆକାଂକ୍ଷାରେ ନାମିତ । ଆଉ ଏଇଥିରେ ନୂଆପଡ଼ା ଜିଲ୍ଲାକୁ ସାମିଲ କରିଥିବା ବେଳେ ଜିଲ୍ଲାର କୋମନା ଓ ବୋଡ଼େନ ବ୍ଲକ ଭାରତ ସରକାରଙ୍କ ନୀତି ଆୟୋଗ ଦ୍ଵାରା  ଆକାଂକ୍ଷା ବ୍ଲକ ରୂପେ ମାନ୍ୟତା ପାଇଛି । ଶିକ୍ଷା,ସ୍ବାସ୍ଥ୍ୟ ଓ କୃଷି ,ପୋଷଣ ତଥା ସାମାଜିକ ବିକାଶ ଭଳି ଅନେକ ଦିଗରେ ପୂର୍ଣ୍ଣତା ଆଣିବା ହେଉଛି ସମ୍ପୂର୍ଣ୍ଣତା । ଜୁଲାଇ ୪ ତାରିଖ ଠାରୁ ସେପ୍ଟେମ୍ବର ୩୦ ତାରିଖ ପର୍ଯ୍ୟନ୍ତ ସମ୍ପୂର୍ଣ୍ଣତା ଅଭିଯାନ ଆରମ୍ଭ ହୋଇଅଛି।ଆଜି ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ସ୍ଥିତ +୨ ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ସମ୍ପୂର୍ଣତା ଅଭିଯାନର ଶୁଭାରମ୍ଭ କରାଯାଇଛି । ମୁଖ୍ୟ ଅତିଥି ରୂପେ ଖଡିଆଳ ବିଧାୟକ ଅଧୀରାଜ ମୋହନ ପାଣିଗ୍ରାହୀ ଯୋଗ ଦେଇଥିବା  ବେଳେ ନୂଆପଡ଼ା ଜିଲ୍ଲାପାଳ ହେମକାନ୍ତ ସାଏ ଯୋଗ ଦେଇ ନୂଆପଡ଼ା ଜିଲ୍ଲାର ଅତୀତ ଓ ବର୍ତ୍ତମାନ ଉପରେ ଆଲୋକପାତ କରି କଲେଜର ଛାତ୍ରଛାତ୍ରୀଙ୍କୁ ଭଲ ପଢ ଓ ନିଜକୁ ନିଜେ ଗଢ଼ କହିବା   ସହିତ ପ୍ରତ୍ୟେକ ବିଭାଗରେ କ୍ଷମତା ପାଇବାକୁ ନିଜ ଭିତରେ ଦକ୍ଷତା ବୃଦ୍ଧି କର ଓ ଅଧିକାରୀ ହୋଇ ଦେଶର ବିକାଶକୁ ଆଗେଇ ନିଅ ବୋଲି ପ୍ରେରଣା ଦେଇଥିଲେ

।ବୋଡ଼େନ ବି ଡି ଓ  ପ୍ରିୟରଞ୍ଜନ କୁମାର,ବ୍ଲକ ଅଧ୍ୟକ୍ଷା ପ୍ରେମ ଶିଳା ନାଗ, ଜିଲ୍ଲା ପରିଷଦ ସଭ୍ୟା ସ୍ମୃତି ରାଣୀ ମାଝୀ,  +୨ ମହାବିଦ୍ୟାଳୟ ଅଧ୍ୟକ୍ଷ ହେମନ୍ତ କୁମାର ମୁଣ୍ଡ, ନୀତି ଆୟୋଗ ଜିଲ୍ଲା ଅଧିକାରୀ ସୁରେନ୍ଦ୍ର କୁମାର ବେହେରା, ବ୍ଲକ ଉପାଧ୍ୟକ୍ଷା ସଙ୍ଗୀତା ମାଝୀ, ସ୍ବାସ୍ଥ୍ୟ ବିଭାଗ ଇନ୍ଚାର୍ଜ ସଂଜୀବ କୁମାର ନାଏକ ମଞ୍ଚାସିନ ଥିବାବେଳେ କୃଷି ଅଧିକାରୀ ଦୁଃଖୀରାମ ଟୁଡୁ,ବି ଇ ଓ ରୁଦ୍ରେଶ୍ୱର ମେହେର, ଏ ବି ଇ ଓ ନେପାଲ ଦେ ,ସହକାରୀ ନିର୍ବାହୀ ଯନ୍ତ୍ରୀ ଆଶୁତୋଷ ରାଉତ ,ଜି ପି ଇ ଓ ପ୍ରଫୁଲ୍ଲ କୁମାର ନାଏକ, କନିଷ୍ଠ ଯନ୍ତ୍ରୀ ଯୋଗେଶ୍ୱର ନାଏକ , କନିଷ୍ଠ ଯନ୍ତ୍ରୀ ବିଶ୍ଵାଳ ବାବୁ,କନିଷ୍ଠ ଯନ୍ତ୍ରୀ ସାହୁ ବାବୁ,କନିଷ୍ଠ ଯନ୍ତ୍ରୀ ସଂଗ୍ରାମ କେଶରୀ ପରିଡ଼ା ,ସି ପି ସରୋଜ ପ୍ରଧାନ,ଏ ପି ଓ ରବିନାରାୟଣ ରାଉତ,ବ୍ଲକ କାର୍ଯ୍ୟାଳୟର ଅନ୍ୟାନ୍ୟ କର୍ମଚାରୀ, ମିଶନ ଶକ୍ତି ବି ଏଲ ସି କମ୍ ବି ପି ଏମ ସୁନୀତା ସୋନା, ବି ପି ସି ରାଜେଶ ସାହୁ,ସି ଡି ପି ଓ ମୀନା ଅଗ୍ରୱାଲ,ସୁପର ଭାଇଯର ଅହଲ୍ୟା ଜଗତ ଓ ଅନୁସୁୟା ତାଣ୍ଡି ,ବିଭିନ୍ନ ପଞ୍ଚାୟତର ଲୋକ ପ୍ରତିନିଧି ସରପଂଚ ଓ ସମିତି ମେମ୍ବର, ଏନ୍ ଆର୍ ଇ ଜି ଏସ ସେଲ କର୍ମଚାରୀ,ମିଶନ ଶକ୍ତି ଓ ବି ଏଲ ଏଫ୍ ମେମ୍ବର,ସ୍ଵୟଂ ସହାୟକ ଗୋଷ୍ଠୀର ମହିଳା, ସ୍ଥାନୀୟ କଲେଜର ଅଧ୍ୟାପକ ଅଧ୍ୟାପିକା ଓ ଅନ୍ୟାନ୍ୟ କର୍ମଚାରୀ,ବହୁ ସଂଖ୍ୟାରେ ଅଙ୍ଗନୱାଡ଼ି କର୍ମୀ,ଆଶା କର୍ମୀ,ସ୍ବାସ୍ଥ୍ୟ ବିଭାଗ କର୍ମଚାରୀ,ବିଦ୍ୟାଳୟର ୩୦୦ ରୁ ଉର୍ଦ୍ଧ୍ବ ଛାତ୍ର ଛାତ୍ରୀ,ବିଭିନ୍ନ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ର ଛାତ୍ରୀ ,ଶିକ୍ଷକ ,ଜନସାଧାରଣ ପ୍ରମୁଖ ଯୋଗ ଦେଇଥିଲେ। ଏହି ସମ୍ପୂର୍ଣ୍ଣତା ଅଭିଯାନରେ ସ୍ବାସ୍ଥ୍ୟ ବିଭାଗ ପକ୍ଷରୁ ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇ ରକ୍ତ ଚାପ, ମଧୁମେହ, ଶିକିଲ  ସେଲ ପରୀକ୍ଷା କରି ଔଷଧ ବଣ୍ଟନ କରିଥିଲେ।  ସମନ୍ବିତ ମହିଳା ଓ ଶିଶୁ ବିକାଶ କର୍ମଚାରୀ ପୁଷ୍ଟିକର ଖାଦ୍ୟ ଉପରେ ଓ କୃଷି ବିଭାଗ  ଦ୍ଵାରା  ବିଭିନ୍ନ ମାଟିର ନମୁନା ପ୍ରଦର୍ଶନ କରିବା ଦେଖିବାକୁ ମିଳିଛି ।ପୂର୍ବରୁ ଆୟୋଜିତ ବିଭିନ୍ନ ପ୍ରତି ଯୋଗିତାରେ କୃତି ଛାତ୍ର ଛାତ୍ରୀ ମାନଙ୍କୁ ଜିଲ୍ଲାପାଳ,ବିଧାୟକ,ବି ଡି ଓ ତଥା ମଞ୍ଚାସିନ ଅଧିକାରୀ ମାନଙ୍କ ଦ୍ଵାରା ପୁରସ୍କୃତ କରାଯାଇଥିବା ବେଳେ ମନଛୁଆଁ ଶବ୍ଦ ସଂଯୋଜନା ମାଧ୍ୟମରେ ସ୍ବାଗତ ସମ୍ଭାଷଣ ରଖିଲେ ବରିଷ୍ଠ ଜ୍ଞାନୀ ଅଧ୍ୟାପକ ଗୟାଧର ମହାନ୍ତି ।ନିଜର ବିଶେଷ ଜ୍ଞାନ ସହିତ ଆରମ୍ଭରୁ ଶେଷ ଯାଏଁ ମଞ୍ଚଟିକୁ ପହଞ୍ଚାଇବାରେ  ଅଦ୍ୱିତୀୟ ପୁରୁଷ ଭାବେ ପରିଚିତ ଇଂରାଜୀ ଅଧ୍ୟାପକ ସାମୁଏଲ ଦାନୀ  ମଞ୍ଚ ପରିଚାଳନା କରିଥିଲେ ।ଗାନ୍ଧୀ ଫେଲୋରୁ ସୁରଜ  ତିୱାରୀ ଯୋଗଦାନ କରି ସହଯୋଗ କରିଥିଲେ ।