05-Jul-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): କଣ୍ଟାମାଳ ବ୍ଲକ ସାମ୍ବାଦିକ ସଙ୍ଘ(କବ୍ଜା) ପକ୍ଷରୁ ଶୁକ୍ରବାର କଣ୍ଟାମାଳ ନିର୍ବାଚନ ମଣ୍ଡଳୀର ନବ ନିର୍ବାଚିତ ବିଧାୟକ କହ୍ନାଇ ଚରଣ ଡାଙ୍ଗଙ୍କୁ ସମ୍ବର୍ଦ୍ଧନା ଜଣାଇବା ସହ  ବିକାଶ ମୂଳକ କାର୍ଯ୍ୟ ସମ୍ପର୍କରେ ଆଲୋଚନା କରିଛନ୍ତି l ସଂଘର ବରିଷ୍ଠ ଉପଦେଷ୍ଟା ଦିବ୍ୟଶଙ୍କର ରାଉତଙ୍କ ନେତୃତ୍ୱରେ ସଂଘର ସଦସ୍ୟ ଅମୂରଡ଼ା ସ୍ଥିତ ବାସ ଭବନକୁ ଯାଇ ବିଧାୟକ ଶ୍ରୀ ଡାଙ୍ଗଙ୍କୁ ଭେଟି

ପୁଷ୍ପଗୁଛ ଓ ଉପଢୌକନ ଦ୍ୱାରା ସମ୍ବର୍ଦ୍ଧିତ କରିବା ସହ ଶୁଭେଚ୍ଛା ଜଣାଇଥିଲେ l ଏହିଅବସରରେ ନୂତନ ବିଧାୟକ ଶ୍ରୀ ଡାଙ୍ଗ ଙ୍କ ସହିତ ଅଞ୍ଚଳର ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ l ବିଶେଷକରି ଶିକ୍ଷା, ସ୍ୱାସ୍ଥ୍ୟ ଓ ଗମନାଗମନ ରେ ଥିବା ସମସ୍ୟା ସମ୍ପର୍କରେ ଦୃଷ୍ଟିଆକର୍ଷଣ କରିଥିଲେ  l  କବ୍ଜା ସଂଘ ସମ୍ବାଦ ପରିବେଷଣ ସହିତ ସ୍ୱାସ୍ଥ୍ୟ ସେବା,ସମାଜ ସେବାକୁ ଗୁରୁତ୍ୱ ଦେଇ ଆସିଥିବା ହେତୁ ଏଭଳି କାର୍ଯ୍ୟ ପାଇଁ ବିଧାୟକ ଶ୍ରୀ ଡାଙ୍ଗ ସାମ୍ବାଦିକ ସଂଘ କବ୍ଜା ର ଭୁୟସୀ ପ୍ରଶଂସା କରିଥିଲେ  l ଏହା ସହିତ କବ୍ଜା ସାମ୍ବାଦିକ ସଂଘ ର ପ୍ରତିଟି ଜନହିତକର କାର୍ଯ୍ୟକ୍ରମରେ ସ୍ୱୟଂ ଉପସ୍ଥିତ ରହିବା ନେଇ ପ୍ରତିଶୃତି ଦେଇଥିଲେ l ସେହିପରି ଅଂଚଳର ବିକାଶ ପାଇଁ ସାମ୍ବାଦିକ ମାନଙ୍କ ସହଯୋଗ କାମନା କରିଥିଲେ   l   ଉକ୍ତ ପ୍ରତିନିଧି ମଣ୍ଡଳୀରେ ଉପଦେଷ୍ଠା ଜୟ କୁମାର. ମହାରଣା,ଉପ ସଭାପତି ପ୍ରଭାତ ସାହୁ, ସମ୍ପାଦକ ପୂର୍ଣ୍ଣ ଚରଣ ସାହୁ, କାର୍ଯ୍ୟକାରୀଣୀ ସଦସ୍ୟ ବଂଶୀଧର ମାଝୀ, ଦେବାଶିଷ ମଲ୍ଲିକ ପ୍ରମୁଖ ଉପସ୍ଥିତ ଥିଲେ l