17-Jun-2024

ବଲାଙ୍ଗୀର(ଚିତ୍ରସେନ ବେହେରା) ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗଙ୍କୁ ରାଜ୍ୟ ମନ୍ତ୍ରୀମଣ୍ଡଳରେ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ମିଳିଛି । ଲୋଇସିଂହା ବିଧାନସଭା ନିର୍ବାଚନମଣ୍ଡଳୀରୁ ଦ୍ୱିତୀୟ ଥର ପାଇଁ ବିଧାୟକ ହେବାର ସୁଯୋଗ ପାଇଥିବା ଶ୍ରୀ ମହାଲିଙ୍ଗଙ୍କୁ ମୁଖ୍ୟମନ୍ତ୍ରୀ ହୋହନ ଚରଣ ମାଝୀଙ୍କ ମନ୍ତ୍ରୀମଣ୍ଡଳରେ  ସ୍ୱାସ୍ଥ୍ୟ, ପରିବାର କଲ୍ୟାଣ ଓ ସାଂସାଦୀୟ ବ୍ୟାପର ମନ୍ତ୍ରୀ ଭାବରେ  ଦାୟିତ୍ୱ ହସ୍ତାନ୍ତର କରାଯାଇଛି । ଗତକାଲି ବିଧାୟକ ଶ୍ରୀ ମହାଲିଙ୍ଗ ଭୁବନେଶ୍ୱରରୁ

ବଲାଙ୍ଗୀରରେ ପହଂଚିବା ପରେ ତାଙ୍କୁ ଉଚ୍ଛ୍ୱସିତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ପ୍ରଥମେ ପୁଇଁନ୍ତଳା ବ୍ଲକ ବଇଁରାସର, ଗଇଁନ୍ତଳା ଓ ପୁଇଁନ୍ତଳା  ଠାରେ  ବାଜା ବଜାଇ, ବାଣ ଫୁଟାଇ ନିଜର ପ୍ରିୟ ବିଧାୟକଙ୍କୁ ସ୍ୱାଗତ କରିଥିଲେ ଜନସାଧରଣ ।  ପରେ ଶ୍ରୀ ମହାଲିଙ୍ଗ ବଲାଙ୍ଗୀର ପାଟଣେଶ୍ୱରୀ ମନ୍ଦିର ଓ  ସମଲେଶ୍ୱରୀ ମନ୍ଦିର ଯାଇ ପୂଜାର୍ଚ୍ଚନା ପରେ ବଲାଙ୍ଗୀର ଆର୍‌ଏସ୍‌ଏସ୍ କାର୍ଯ୍ୟଳୟ ଠାରେ ପହଂଚିଥିଲେ । ସେଠାରେ ଶତାଧିକ ବିଜେପି କର୍ମୀ, କର୍ମକର୍ତ୍ତା ଓ ଜନସାଧାରଣ ତାଙ୍କୁ ଫୁଲମାଳ ଦେଇ ସ୍ୱାଗତ କରିଥିଲେ । ପରେ ଜିଲ୍ଲା ସାମ୍ବାଦିକ ଭବନ ଠାରେ ଦୁଲ୍‌ଦୁଲ୍‌ି କଳା ପରିଷଦ ପକ୍ଷରୁ ଶ୍ରୀ ମହାଲିଙ୍ଗଙ୍କୁ ନାଗରିକ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଦୁଲଦୁଲି କଳା ପରିଷଦର ସଂପାଦକ ବାସୁଦେବ ସା ସ୍ୱସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗକୁ ସ୍ୱାଗତ କରିଥିଲେ । ଡ. ଘାସିରାମ ମିଶ୍ର, ଗଦାଧର ବାରିକ, ଆଇନଜୀବୀ ଶଶୀଭୂଷଣ ପୁରୋହିତ ପ୍ରମୁଖ ସମ୍ବର୍ଦ୍ଧନା ସଭାରେ ଯୋଗ ଦେଇ ଜିଲ୍ଲାରେ ସ୍ୱାସ୍ଥ୍ୟ ସେବାରେ ପରିବର୍ତ୍ତନ ଦିଗରେ ସ୍ୱାସ୍ଥ୍ୟ ମନ୍ତ୍ରୀ ଦକ୍ଷତାର ସହ କାର୍ଯ୍ୟ କରିବେ ବୋଲି ଆଶାବ୍ୟକ୍ତ କରିଥିଲେ । ସନ୍ଦୀପ କୁଅଁର ସଭାକୁ ସଂଯୋଜନା କରିଥିବା ବେଳେ ଅନୀଲ

ପାଣିଗ୍ରାହୀ ଧନ୍ୟବାଦ ଜ୍ଞାପନ କରିଥିଲେ ।   ବଲାଙ୍ଗୀର ଜିଲ୍ଲାର ଛୋଟବଡ ପ୍ରାୟ ୬୨ଟି ଅନୁଷ୍ଠାନ ମନ୍ତ୍ରୀ ଶ୍ରୀ ମହାଲିଙ୍ଗ ଙ୍କୁ ଫୁଲତୋଡା ଦେଇ ସମ୍ବର୍ଦ୍ଧନା ଜ୍ଞାପନ କରିଥିଲେ ।   ନିଜ ସମ୍ବର୍ଦ୍ଧନାର ପ୍ରତ୍ୟୁତ୍ତରେ ସେ ଜିଲ୍ଲାରେ ଏକ ଉନ୍ନତମାନର ସ୍ୱାସ୍ଥ୍ୟ ସେବା ଯୋଗଇ ଦେବାରେ ମୋଦି ଙ୍କ ଗେରେଣ୍ଟି ଉପରେ ଆପଣ ଭରସା ରଖନ୍ତୁ ବୋଲି କହିଥିଲେ । ଓଡ଼ିଶାରେ ଲୋକେ ପରିବର୍ତ୍ତନ ଚାହିଁଥିଲେ । ଯଶସ୍ୱୀ ପ୍ରଧାନମନ୍ତ୍ରୀ ଏକ ବିକାଶିତ ଓଡ଼ିଶାର ଯୋଉଁ ସ୍ୱପ୍ନ୍ନ ଦେଖିଛନ୍ତି, ତାହା ସାକାର ହେବାକୁ ଯାଉଛି । ବିଜେପି ନିଜର ସଂକଳ୍ପପତ୍ରରେ ଯାହା ଯାହା କହିଥିଲା ତାହାକୁ ପୂରଣ କରି ଓଡିଶାକୁ ଏକ ସମୃଦ୍ଧଶାଳୀ ରାଜ୍ୟରେ ପରିଣତ କରିବା ପାଇଁ ବଦ୍ଧପରିକାର ବୋଲି ଶ୍ରୀ ମହାଲିଙ୍ଗ କହିଥିଲେ । ଆଜିର ଏହି ସମ୍ବର୍ଦ୍ଧାନା ପର୍ବରେ ବଲାଙ୍ଗୀର ସମେତ ଲୋଇସିଂହା ନିର୍ବାଚନ ମଣ୍ଡଳୀର ବହୁ ଜନସାଧାରଣ ଓ ବିଜେପି ସମର୍ଥକ ମାନେ ସାମିଲ ହୋଇଥିଲେ ।