22-May-2024

ସମ୍ବଲପୁର:  ସମ୍ବଲପୁର ମହାନଗର ନିଗମ ର ୱାର୍ଡ ନଂ ୧ ସିକିର୍ଡି, ମୁଣ୍ଡାପଡ଼ା, ଉଷ୍ମନ ପଡ଼ା, ଜମ୍ବୁଆପଡା  ରେ ବିଜେଡି ର ଷ୍ଟାର ପ୍ରଚାରକ ନିରଞ୍ଜନ ବିଶି ନିର୍ବାଚନୀ ସଭା କରିଛନ୍ତି l ସଭା  ରେ କିସାନ, ମିର୍ଦ୍ଧା, ଖାଡ଼ିଆ, ଓରାମ, ସହରା, ଗଣ୍ଡ, ମୁଣ୍ଡା, କନ୍ଧ ସମାଜର ଶତାଧିକ ମହିଳା ଏବଂ ପୁରୁଷ ଯୋଗ ଦେଇଥିଲେ l   ରାଜ୍ୟସଭା ସାଂସଦ ଶ୍ରୀ ବିଶି ପ୍ରକାଶ କରିଥିଲେ ଯେ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନାରେ ସବୁ ମନ୍ଦିର,ମସଜିଦ, ଚର୍ଚ୍ଚ, ଗୁରୁଦ୍ୱାର ର ସୌନ୍ଦର୍ଯ୍ୟକରଣ

ହୋଇଛି, ସମଲେଇ ପ୍ରକଳ୍ପ ଯୋଜନାରେ ସମଲେଇ ମନ୍ଦିର ର ସୌନ୍ଦର୍ଯ୍ୟକରଣ ଇତିହାସ ସୃଷ୍ଟି କରିଛି,ମୁଖ୍ୟମନ୍ତ୍ରୀ କଳାକାର ସହାୟତା ଯୋଜନାରେ ଗ୍ରାମାଞ୍ଚଳ ର କଳାକାର ମାନଙ୍କୁ ଉତ୍ସାହିତ ଏବଂ ପୁରସ୍କୃତ କରିବା ସହିତ ମାସିକ କଳାକାର ଭତ୍ତା ୧୨ ଶହ ଟଙ୍କା ରୁ ୨ ହଜାର ଟଙ୍କା କରାଯାଉଛି, ନିର୍ମାଣ ଶ୍ରମିକ ମାନଙ୍କୁ ବିଶେଷ ଆର୍ଥିକ ସହାୟତା ଦିଆଯାଉଛି,ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ବିଦ୍ୟୁତ ବିଲ ଛାଡ଼ ପାଇଁ ଘୋଷଣା କରିଥିବାରୁ ୯0 ପ୍ରତିଶତ ପରିବାର ମାଗଣା ବିଜୁଳି ବ୍ୟବହାର କରିବେ,ବିଦ୍ୟୁତ ବିଲ ସରକାର ଭରଣା କରିବେ,ଜଙ୍ଗଲ ଜମି ଚାଷ ବାସ କରୁଥିବା ଆଦିବାସୀ ମାନଙ୍କୁ ଜଙ୍ଗଲ ଜମି ର ପଟ୍ଟା ଦିଆଯାଉଛି  l  ନିଃଶୁଳ୍କ ସ୍ୱାସ୍ଥ୍ୟ ସେବା ସକାଶେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ବର୍ଷକୁ ମହିଳାଙ୍କ ପାଇଁ ଦଶ ଲକ୍ଷ ଏବଂ ପୁରୁଷ ମାନଙ୍କୁ ୫ ଲକ୍ଷ ଟଙ୍କା ସହାୟତା, ମିଶନଶକ୍ତି ଜରିଆରେ ମହିଳା ସ୍ୱୟଂ ସହାୟକ ଦଳ ପାଇଁ ବିନା ସୁଧରେ ୧୫ ଲକ୍ଷ ଟଙ୍କା ଋଣ, କାଳିଆ ଯୋଜନା, ବଳିଆ ଯୋଜନାରେ କୃଷକ ଏବଂ ବୁଣାକାର ମାନଙ୍କୁ ପ୍ରୋତ୍ସାହନ ରାଶି ସହ ବିନା ସୁଧରେ ଋଣ,ନିର୍ମାଣ ଶ୍ରମିକ ସୁରକ୍ଷା ପାଇଁ ଜନ୍ମ ରୁ ମୃତ୍ୟୁ ପର୍ଯ୍ୟନ୍ତ ଆର୍ଥିକ ସହାୟତା, ମମତା ଯୋଜନାରେ ଗର୍ଭବତୀ ମହିଳାଙ୍କୁ ସହାୟତା,5 ଟି ସ୍କୁଲ କଲେଜ ରେ ଗୁଣାତ୍ମକ ଶିକ୍ଷା ବ୍ୟବସ୍ଥା,  ସବୁ ଗାଁ କୁ ବିଜୁଳି, ପାଣି, ପକ୍କା ରାସ୍ତା ସୁବିଧା, ମାଆ ପେଟ ରୁ ସ୍ମଶାନ ଘାଟ

ପର୍ଯ୍ୟନ୍ତ ଜନ ହିତକାରୀ ଯୋଜନା,  ବିଷୟରେ ରାଜ୍ୟସଭା ସାଂସଦ ଶ୍ରୀ ବିଶି ଆଲୋକପାତ କରିଥିଲେ l ଆଦିବାସୀ ଙ୍କ ବିକାଶ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଷ୍ଠା ର ସହିତ କାର୍ଯ୍ୟ କରୁଛନ୍ତି ତେଣୁ ଷଷ୍ଠ ଥର ପାଇଁ  ନବୀନ ପଟ୍ଟନାୟକ ଙ୍କୁ ମୁଖ୍ୟମନ୍ତ୍ରୀ କରିବା ପାଇଁ  ସମ୍ବଲପୁର ଲୋକସଭା ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାଶ ଏବଂ ବିଧାନସଭା ର ବିଧାୟକ  ପ୍ରାର୍ଥୀ ମାନଙ୍କୁ ଭୋଟ ଦେବା ପାଇଁ ଆଦିବାସୀ ଭାଇ ଭଉଣୀ ମାନଙ୍କୁ ନିବେଦନ କରିଥିଲେ l  ପଶ୍ଚିମ ଓଡିଶା ଦଳିତ ସୁରକ୍ଷା ପରିଷଦ ସଭାପତି ନିହାଲ ସିଂ ଉଦବୋଧନ ଦେଇଥିଲେ l ଗୀତା ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ l