16-May-2024

ସିନ୍ଧେକେଲା(ଦୀନେଶ ଜୈନ)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଣ୍ଟାବାଞ୍ଜି ନିର୍ବାଚନ ମଣ୍ଡଳୀରେ ବିଧାୟକ ପ୍ରାର୍ଥୀ ହେଲା ପରେ ଦିନକୁ ଦିନ ବିଜେଡି ସୁଦୃଢ ହେବାରେ ଲାଗିଛି । ଏହି ପରିପ୍ରେକ୍ଷୀରେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଅନ୍ତର୍ଗତ ସିନ୍ଧେକେଲା ବିଜେଡି ପକ୍ଷରୁ ଏକ ବିରାଟ ବାଇକ ରେଲି ସହ ବିଶାଳ ମିଶ୍ରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷ ପ୍ରତିନିଧି ଭୋଲାନାଥ ବେହେରାଙ୍କ ନେତୃତ୍ବରେ ଏକ ବିରାଟ  ରେଲି ସ୍ଥାନୀୟ ଶିବ ମନ୍ଦିରରୁ ବାହାରିଥିଲା। ଉକ୍ତ ବ୍ଲକ ର ୨୪ ଟି ପଞ୍ଚାୟତର ସରପଞ୍ଚ ସମିତି ସଭ୍ୟ ସମେତ ହାରାହାରି ୩୦୦୦ କର୍ମୀ ରେଲି ରେ ସାମିଲ ହୋଇଥିଲେ l

ରେଲି ଟି ସିନ୍ଧେକେଲା ମିନି ସହର ପରିକ୍ରମା କରି ଲଙ୍କ ବଗିଚାରେ ପହଞ୍ଚିଥିଲା । ସେଠାରେ ଏକ ବିଶାଳ ମିଶ୍ରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ମୁଖ୍ୟ ଅତିଥି ଭାବରେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ମୁଖ୍ୟ ନିର୍ବାଚନ ସଂଯୋଜକ ଭୁପିନ୍ଦର ସିଂ ଯୋଗଦେଇ କହିଥିଲେ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମ ଅଞ୍ଚଳକୁ ପାଞ୍ଚ ବର୍ଷରେ ଥରେ ଆସନ୍ତି କିନ୍ତୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆମ ସାଙ୍ଗରେ ସବୁବେଳେ ଦୁଖଃସୁଖରେ ରହିବେ। ସମ୍ମାନିତ ଅତିଥି ଭାବରେ ଜିଲ୍ଲା କୃଷକ ମୋର୍ଚ୍ଚା ସଭାପତି ଅଜୟ ଦାସ, ବଙ୍ଗୋମୁଣ୍ଡା ବ୍ଲକ ବିଜେଡ଼ି ପର୍ଯ୍ୟବେକ୍ଷକ ଦେବେନ୍ଦ୍ର ଦାସ, ଭାଲୁମୁଣ୍ଡା ସରପଞ୍ଚ ଉପେନ୍ଦ୍ର ମେହେର, ପୂର୍ବତନ ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷ ପୂର୍ଣ୍ଣଚନ୍ଦ୍ର ବେହେରା, ଜିଲ୍ଲା ବିଜେଡି ଉପ ସଭାପତି ଉମାକାନ୍ତ ସାହୁ, ବରିଷ୍ଠ ବିଜେଡି ନେତା ରୂପେଶ ବେହେରା, ଜୁରାବନ୍ଦ ସରପଞ୍ଚ ନରେଶ ସଗରିଆ, ସିନ୍ଧେକେଲା ପୂର୍ବତନ ସରପଞ୍ଚ ରାଜା ଥନାପତି ପ୍ରମୁଖ ଯୋଗଦେଇ ନବୀନ ପଟ୍ଟନାୟକଙ୍କୁ ଶଙ୍ଖ ଚିହ୍ନରେ ବିପୁଳ ସଂଖ୍ୟାରେ ଭୋଟ ଦେଇ ବିଜୟୀ କରାଇବା ପାଇଁ ଚେଷ୍ଟା କରନ୍ତୁ ବୋଲି ଆହ୍ୱାନ ଦେଇଥିଲେ l ଉକ୍ତ ମିଶ୍ରଣ କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷଙ୍କ ସହ ବ୍ଲକର ୨୪ ଜଣ ସମିତି ସଭ୍ୟ ଜଣେ ସରପଞ୍ଚ ଓ ହଜାର ହଜାର କର୍ମୀ ବିଜେଡିର ଯୋଗଦାନ କରିଥିଲେ । ସୂଚନାଯୋଗ୍ୟ ଯେ ଏହା ପୂର୍ବରୁ ଉକ୍ତ ବ୍ଲକର ୨୩ ଟି ପଞ୍ଚାୟତର ସରପଞ୍ଚ ସିଧାସଳଖ ନବୀନ ନିବାସ ଯାଇ ବିଜେଡିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ଯୋଗଦାନ କରିସାରିଛନ୍ତି ।