10-May-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ସରକାରୀ ଶିଳ୍ପ ତାଲିମ ଅନୁଷ୍ଠାନ ଠlରେ ଟିପିଶୋଲ ଏବଂ ସରକାରୀ ଶିଳ୍ପ ତାଲିମ ଅନୁଷ୍ଠାନ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଯାଇଛି। ଅନୁଷ୍ଠାନରେ ଥିବା ବିଦ୍ୟୁତ ବିଭାଗ ଶେଷ ବର୍ଷ ଛାତ୍ର ଛାତ୍ରୀମାନଙ୍କ ମଧ୍ୟରେ ଏକ ତାଲିମ କାର୍ଯ୍ୟକ୍ରମ ହୋଇଯାଇଛି। ବୈଦ୍ୟୁତିକ କାଯ୍ୟରେ କାର୍ଯ୍ୟରତ ତାଲିମଧାରୀ ଛାତ୍ର ଛାତ୍ରୀଙ୍କ ସୁରକ୍ଷା ଏବଂ ଦକ୍ଷତା ବିକାଶ ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ । ଏହି ପଦକ୍ଷେପ ଫଳରେ ତାଲିମପ୍ରାପ୍ତ ଛାତ୍ର ଛାତ୍ରୀ ମାନଙ୍କ ଭବିଷ୍ୟତ ପ୍ରୟାସ ପାଇଁ ଦକ୍ଷତା ଏବଂ ପ୍ରସ୍ତୁତିକୁ ବହୁଗୁଣିତ କରିପାରିବ | ଏହି ସଭାରେ ଟିପିସୋଲ ର ସିଇଓ ଅମିତ୍ କୁମାର ଗର୍ଗ ଏବଂ ସରକାରୀ ଶିଳ୍ପ ତାଲିମ ଅନୁଷ୍ଠାନର  ଅଧ୍ୟକ୍ଷ ଇଂ.ଅବିନାଶ ମିଶ୍ର ମଧ୍ୟରେ ଏକ ଚୁକ୍ତି ସ୍ବାକ୍ଷରିତ

ହୋଇଥିଲା । ଏଥିରେ ଅନ୍ୟମାନଙ୍କ ମଧ୍ୟରେ,ସିଓଏସ ମିଲିନ ପ୍ରଭାକର କୁଲକର୍ଣି, ହେଡ ସୁରକ୍ଷା ସୁଶୀଲ ପାଣିଗ୍ରାହୀ, ଅଭିଜିତ ପାଢ଼ୀ, ବରିଷ୍ଟ ଯନ୍ତ୍ରୀ ଭଞ୍ଜନଗର ସର୍କଲ, ଅମରେନ୍ଦ୍ର କୁମାର ସାହୁ ନିର୍ବାହୀ ଯନ୍ତ୍ରି, ସୁବାଷ ଚନ୍ଦ୍ର ସେଠୀ ହେଡ୍ ଅଫ ଗାର୍ଡ ସୁରକ୍ଷା ଭଂଜନଗର ସର୍କଲ, ଅନୁଷ୍ଠାନର ତାଲିମ ଅଧିକାରୀ ସୁବୋଧ କୁମାର ପାଣିଗ୍ରାହୀ ପ୍ରମୁଖ ଅତିଥିଭାବେ ଯୋଗ ଦେଇଥିବା ବେଳେ ଅନୁଷ୍ଠାନର ସମସ୍ତ କର୍ମକର୍ତ୍ତା ଓ ଛାତ୍ରଛାତ୍ରୀ ଉପସ୍ଥିତ ଥିଲେ।