04-May-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): ଶୁକ୍ରବାର ଦ୍ୱିତୀୟ ପର୍ଯ୍ୟାୟ ନାମାଙ୍କନର ଶେଷ ଦିନ ସୁଦ୍ଧା କନ୍ଧମାଳ ସଂସଦୀୟ କ୍ଷେତ୍ରର ୮୫-କଣ୍ଟାମାଳ ବିଧାନସଭା ନିର୍ବାଚନ ମଣ୍ଡଳୀ ପାଇଁ ମୋଟ ୭ଜଣ ପ୍ରାର୍ଥୀ ନିଜର ପ୍ରାର୍ଥୀପତ୍ର ଦାଖଲ କରିଛନ୍ତି । ବୌଦ୍ଧ ଜିଲ୍ଲାପାଳ ଙ୍କ କାର୍ଯ୍ୟାଳୟ ଠାରେ କଣ୍ଟାମାଳ ବିଧାନସଭା ନିର୍ବାଚନ ମଣ୍ଡଳୀର ନିର୍ବାଚନ ରିଟର୍ନିଙ୍ଗ ଅଫିସର ଅତିରିକ୍ତ ଜଲ୍ଲାପାଳ ଦାରିଦ୍ର୍ୟ ଭଂଜନ ମଦନ ମୋହନ ପାତ୍ର ଙ୍କ ନିକଟରେ ୭ଜଣ ପ୍ରାର୍ଥୀ ମୋଟ ୧୨ଗୋଟି ପେପର ସେଟ ଦାଖଲ କରିଛନ୍ତି । ଏଥିରେ ୧- ବିଜେଡିରୁ ମହୀଧର ରଣା , ୨- ବିଜେପିରୁ କହ୍ନେଇ ଚରଣ ଡାଙ୍ଗ , ୩- କଂଗ୍ରେସରୁ ସରୋଜ କୁମାର ପ୍ରଧାନ, ୪- କୁଞ୍ଜ ବିହାରୀ ସିଂହ, ୫- ପ୍ରଫୁଲ୍ଲ ମଲ୍ଲିକ, ୬-ସତ୍ୟବ୍ରତ ସାହୁ, ୭- ସୁଧାଂଶୁ ଡାଙ୍ଗ ଆଦି ନାମାଙ୍କନ ପତ୍ର ଦାଖଲ କରିଛନ୍ତି l ଆଜି ୪ତାରିଖ ଶନିବାର ଦିନ ଜିଲ୍ଲାପାଳ ଙ୍କ ସଦଭାବନା ଗୃହରେ ପ୍ରାର୍ଥୀଙ୍କ ନାମାଙ୍କନ ପତ୍ର ସ୍କୃଟିନି ଥିବାବେଳେ ମେ ମାସ ୬ତାରିଖ ଦିନ ପ୍ରାର୍ଥୀପତ୍ର ପ୍ରତ୍ୟାହାର ପାଇଁ ସମୟ ନିର୍ଦ୍ଧାରଣ କରାଯାଇଛି l ତେବେ ପ୍ରାର୍ଥୀପତ୍ର ପ୍ରତ୍ୟାହାର ପାଇଁ ଆଉ ଦୁଇଦିନ ସମୟ ବାକି ରହିଥିବାବେଳେ, ନିର୍ବାଚନ ମୈଦାନରେ କିଏ ରହିବ କିଏ ଯିବ ତାହା ଜାଣିବାକୁ ସାଧାରଣ ଜନତାଙ୍କ ମଧ୍ୟରେ ଉତ୍ସୁକତା ଓ ଆଲୋଚନା ପର୍ଯ୍ୟାଲୋଚନା ଆରମ୍ଭ ହୋଇଯାଇଛି l