04-May-2024

ତୁଷୁରା (ପଞ୍ଚାନନ ନାଏକ)ସରକାରୀ ଯୋଜନାରେ ଅନ୍ତର୍ଭୁକ୍ତ କର୍ମଚାରୀମାନେ ନିର୍ବାଚନ ପ୍ରଚାର କରୁଥିବା ଅଭିଯୋଗର ୧୫ଦିନ ବିତିଯାଇଥିଲେ ମଧ୍ଯ କେଉଁ ଅଦୃଶ୍ଯ ଶକ୍ତି ଯୋଗୁଁ ଉକ୍ତ କର୍ତ୍ତୃପକ୍ଷଙ୍କ ଉପରେ କୌଣସି ଆଖିଦୃଶିଆ କାର୍ଯ୍ୟନୁଷ୍ଠାନ ନିଆଯାଇ ନଥିବା ନେଇ  ଭାଜପାର ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ଚନ୍ଦ୍ର ଦୋରା, ସମିତିସଭ୍ଯ ଉଜ୍ଜ୍ବଳ ଭୋଇ,  ମୁରାଲୀ କେଡିଆ, ପ୍ରେମାନନ୍ଦ ସାହୁ ଆଦି  ଗଣମାଧ୍ୟମ ଆଗରେ ଅଭିଯୋଗ କରିଛନ୍ତି। ଏଠାରେ ସୂଚନାଯୋଗ୍ଯ ଯେ,
ଚଳିତ ସାଧାରଣ ନିର୍ବାଚନ ପାଇଁ ତାରିଖ ଘୋଷଣା ଓ ଆଚରଣ ବିଧ‌ି ଲାଗୁ ହେବା ପରେ ସରକାରୀ ଯୋଜନାରେ ଅନ୍ତର୍ଭୁକ୍ତ କର୍ମଚାରୀମାନେ ନିର୍ବାଚନ ପ୍ରଚାର କରୁଥିବା ନେଇ ଗତ ତା୧୮-୪-୨୦୨୪ରିଖରେ   ଗୁଡଭେଲା ଓ ସମରା ମଣ୍ଡଳର ଭାଜପା କର୍ମୀମାନେ  ଗୁଡଭେଲାବ୍ଲକ ବିଡିଓ ତଥା ନିର୍ବାଚନ ଅଧିକାରୀଙ୍କ ଜରିଆରେ ଭାଜପା ପକ୍ଷରୁ ରାଜ୍ୟ ନିର୍ବାଚନ ଆୟୁକ୍ତଙ୍କୁ ଲିଖିତ ଅଭିଯୋଗ କରିଥିଲେ । ଅଭିଯୋଗ ପତ୍ରରେ ଉଲ୍ଲେଖ କରିଥିଲେ ଯେ, ୧-  ଯଶୋବନ୍ତୀ ରଣା, ସଂପାଦିକା, ବ୍ଲକ୍ ମହିଳା ସ୍ୱୟଂ ସହାୟକ ସଂଘ ଗତ ତା.୦୧.୦୪.୨୪ ରିଖ ଦିନ ବିଜୁ ଜନତା ଦଳର ବିଧାୟିକା ପ୍ରାର୍ଥୀ ଟୁକୁନୀ ସାହୁଙ୍କ ଘୁନା ଗ୍ରାମରେ ଅନୁଷ୍ଠିତ ନିର୍ବାଚନୀ ସଭାରେ ଯୋଗଦାନ କରିବା ସହିତ ମହିଳା ମାନଙ୍କୁ ଭୋଟ୍ ଦେବା ପାଇଁ ଅନୁରୋଧ କରୁଥିଲେ ।୨- ତନୁଜା ବାରିକ (VRP) Village Resource Person ଶାସକ ଦଳର ବିଧାୟିକା ପ୍ରାର୍ଥୀଙ୍କ ଗତ.୦୧.୦୪.୨୪ ରିଖ ନୁଆଁପଡା ଗ୍ରାମରେ ନିର୍ବାଚନୀ ପ୍ରଚାର ଶୋଭାଯାତ୍ରାରେ ତାଙ୍କୁ ଫୁଲମାଲ ଦେଇ ସ୍ବାଗତ କରିବା ସହିତ ଗ୍ରାମ୍ୟ ପରିକ୍ରମାରେ ଅଂଶଗ୍ରହଣ କରିଥିଲେ । ୩. ସୁଦାମ ପଣ୍ଡା Geo Take କର୍ମଚାରୀ ଶାସକ ଦଳ ବିଧାୟୀକା ପ୍ରାର୍ଥୀ ଟୁକୁନୀ ସାହୁଙ୍କ ନୁଆଁପଡା ଗ୍ରାମରେ ସଭା ଆୟୋଜନ କରିବା ସହିତ ରାଲିରେ ସକ୍ରିୟ ଅଂଶଗ୍ରହଣ କରିଥିଲେ । ଏହାର ଫଟୋ ଓ ପ୍ରମାଣ ମଧ୍ଯ ପ୍ରଦାନ କରିଥିଲେ।  ଏହାପରେ ଗୁଡଭେଲାବ୍ଲକ ବିଡିଓ ସୌମ୍ୟକାନ୍ତ ବନଗୋରା ଘଟଣାର ତଦନ୍ତ କରି ତା୨୨-୪-୨୦୨୪ରିଖରେ ଏକ ରିପୋର୍ଟ ବଲାଙ୍ଗୀର ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀଙ୍କୁ ପ୍ରଦାନ କରିଥିଲେ । ଏହାର ନକଳ ଭାଜପାର କର୍ମୀଙ୍କୁ ମିଳିବା ପରେ ଭାଜପା ପକ୍ଷରୁ ଗଣମାଧ୍ୟମ ଆଗରେ ଅଭିଯୋଗ କରିବା ସହ ଟିଟିଲାଗଡ ନିର୍ବାଚନ ମଣ୍ଡଳୀରେ ନିରପେକ୍ଷ ନିର୍ବାଚନ କରିବାକୁ କେନ୍ଦ୍ର ନିର୍ବାଚନ କମିଶନଙ୍କୁ ଅନୁରୋଧ କରିଛନ୍ତି। ଏନେଇ ଗୁଡଭେଲାବ୍ଲକ ବିଡିଓ ସୌମ୍ୟକାନ୍ତ ବନଗୋଲାଙ୍କୁ ପଚାରିବାରୁ ମୁଁ ମୋର କାମ ସାରିଛି, ଉପରେ କଣ କରିବେ ମୁଁ କଣ କହିପାରିବି ବୋଳି ମତ ପ୍ରକାଶ କରିଥିଲେ।