20-Apr-2024

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକ ଅନ୍ତର୍ଗତ ଜାମୁଟ ଗ୍ରାମର ସପ୍ତାହିକ ବଜାର ପଡିଆ ଠାରେ  ବିଜେପିର ଏକ ବିଶାଳ ନିର୍ବାଚନ ସଭା ସହ ମିଶ୍ରଣ ପର୍ବ ଅନୁଷ୍ଠିତ ହୋଇ ଯାଇଛି। ଭାଜପାର ଟିଟିଲାଗଡ ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ନବୀନ ଜୈନ ପ୍ରଥମେ ଗୁଡଭେଲା ମହକୁମା ଠାରୁ ଏକ ଭବ୍ଯ ମଟର ସାଇକେଲ ଶୋଭାଯାତ୍ରାରେ  ରାଣିମାଳ, ଘୁନା, ତରଙ୍ଗମୁଣ୍ଡା ଗ୍ରାମରେ ଲୋକ ସମ୍ପର୍କ କରି ଜାମୁଟ ଠାରେ ପହଞ୍ଚି ଥିଲେ। ଆରସି ଡୁଙ୍ଗରି ଠାରେ ଘୂନା, ଜାମୁଟ, ବିରାମୁଣ୍ଡା, ଗମ୍ଭାରୀଗୁଡା ଗ୍ରାମପଞ୍ଚାୟତର ଯାଦବ ସମାଜ ପକ୍ଷରୁ ଶ୍ରୀ ଜୈନଙ୍କୁ ଫୁଳମାଳ ଦେଇ ସ୍ବାଗତ କରିଥିଲେ। ଜାମୁଟ ଠାରେ ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ଚନ୍ଦ୍ର ଦୋରାଙ୍କ ସଭାପତିତ୍ବରେ  ଏକ  ନିର୍ବାଚନ ସଭା ଅନୁଷ୍ଠିତ ହେଇଥିଲା। ଏହି ସଭାରେ ଦଳୀୟ ପ୍ରାର୍ଥୀ ନବୀନ ଜୈନ ଦଳକୁ ସୁଦୃଢ କରିବା ସହ ଡବଲ ଇଞ୍ଜିନ ସରକାର ଗଢିବା ପାଇଁ ଦୁଇଟି ଦଳୀୟ ଚିହ୍ନରେ ଭୋଟ ଦେବାକୁ ଉପସ୍ଥିତ ଜନସାଧାରଣଙ୍କୁ ଅନୁରୋଧ କରିଥିଲେ। ଏହି କାର୍ଯ୍ୟକ୍ରମରେ ବ୍ଲକଉପାଧ୍ୟକ୍ଷ ଟୁକୁରାମ ପାଣିଗ୍ରାହୀ,ଗମ୍ଭାରୀଗୁଡା ଗ୍ରାମପଞ୍ଚାୟତ ପିଙ୍କି ବେସରା, ଘୁନା ଗ୍ରାମପଞ୍ଚାୟତ ସରପଞ୍ଚ କବିତା ମହାନନ୍ଦ, ବିରାମୁଣ୍ଡା ଗ୍ରାମପଞ୍ଚାୟତ ସରପଞ୍ଚ ସଞ୍ଜୁକ୍ତା ପ୍ରଧାନ, ଗମ୍ଭୀରୀଗୁଡା , ଜାମୁଟ ଗ୍ରାମପଞ୍ଚାୟତ ସରପଞ୍ଚ ଭାବସିଂ ମାଝି, ସମିତିସଭ୍ଯ ଉଜ୍ଜ୍ବଳ ଭୋଇ, ବିଜେପିର ଜିଲ୍ଲା ଉପସଭାପତି ଦିନବନ୍ଧୁ ବେହେରା, ଗୁଡଭେଲା ମଣ୍ଡଳ ସଭାପତି ସତ୍ଯବାନ ବାଗ, ସମରା ମଣ୍ଡଳ ସଭାପତି ଭ୍ରମର ସେଠ, ବିଜେପି ନେତା ରଣୁ ଗୋପାଳ ସାହୁ, ବିଜେପି ଜିଲ୍ଲା ମହିଳା ମେର୍ଚ୍ଚା ଉପସଭାନେତ୍ରୀ ସୁଲୋଚନା ମଲ୍ଲିକ, ମହିଳା ମୋର୍ଚ୍ଚା ମଣ୍ଡଳ ସଭାନେତ୍ରୀ ମାଧୁରୀ ମୁଦୁଲି, ଓବିସି ମୋର୍ଚ୍ଚା ଜିଲ୍ଲା ସଭାପତି ଅକ୍ଷୟ ରଣା ମଞ୍ଚାସିନ ଥିଲେ। ବିଭିନ୍ନ ଦଳର ଶତାଧିକ କର୍ମୀ ପ୍ରଧାନମନ୍ତ୍ରୀଙ୍କ ଆଦର୍ଶରେ ଅନୁପ୍ରାଣିତ ହୋଇ ଭାଜପାରେ ଯୋଗଦାନ ଦେଇଥିବା ବେଳେ ନୂତନ ସମସ୍ତ କର୍ମୀଙ୍କୁ ଶ୍ରୀ ଜୈନ ଫୁଳମାଳ ଓ ଦଳୀୟ ଉତ୍ତରାୟଣ ଦେଇ ସ୍ବାଗତ କରିଥିଲେ ।  ରୁଷୁଡା,ରିଖିରିଆ, ବର୍ଲା, କନକପଦର, କପସିଲା ଆଦି ଗ୍ରାମରେ ନିର୍ବାଚନୀ ସଭା କରିବା ସହ ଶ୍ରୀ ଜୈନ ଭୋଟ ଭିକ୍ଷା କରିଥିଲେ। ଈଶ୍ବର ବାଗ, ମହେଶ କେଡିଆ, ମୁଲାରୀ କେଡିଆ, ଜିତେନ୍ଦ୍ର ମହାପାତ୍ର, ରମା ମହାପାତ୍ର ଆଦି ବହୁ କର୍ମୀ ଉପସ୍ଥିତ ଥିଲେ ।